The Warriorr: ఉస్తాద్ రామ్ నయా మూవీ ‘వారియర్’ నుంచి న్యూ పోస్టర్.. అదిరిపోయిన రాపో లుక్
ఎనర్జిటిక్ స్టార్ రామ్ పోతినేని ఇస్మార్ట్ శంకర్ సినిమా తర్వాత ఆచితూచి సినిమాలను ఎంచుకుంటున్నారు. పూరిజగన్నాథ్ తో మాస్ మసాలా ఎంటర్టైనర్ ఇస్మార్ట్ శంకర్ సినిమా తర్వాత తిరుమల కిషోర్ డైరెక్షన్ లో రెడ్ అనే సినిమా చేశారు.
ఎనర్జిటిక్ స్టార్ రామ్ పోతినేని( Ram Pothineni )ఇస్మార్ట్ శంకర్ సినిమా తర్వాత ఆచితూచి సినిమాలను ఎంచుకుంటున్నారు. పూరిజగన్నాథ్ తో మాస్ మసాలా ఎంటర్టైనర్ ఇస్మార్ట్ శంకర్ సినిమా తర్వాత తిరుమల కిషోర్ డైరెక్షన్ లో రెడ్ అనే సినిమా చేశారు. వరుసగా రెండు హిట్స్ అందుకున్న రామ్ ఇప్పుడు హ్యాట్రిక్ కొట్టడానికి రెడీ అయ్యాడు. ఉగాదికి ఉస్తాద్ రామ్ పోతినేని స్టైలిష్ లుక్‌తో ప్రేక్షకుల ముందుకు వచ్చారు. రాపో (RAPO) అభిమానులకు పండగ తీసుకొచ్చారు. రామ్ కథానాయకుడిగా నటిస్తున్న తాజా సినిమా ‘ది వారియర్’. తెలుగు, తమిళ భాషల్లో తెరకెక్కుతోంది. తమిళ అగ్ర దర్శకుడు లింగుస్వామి దర్శకత్వం వహిస్తున్నారు. పవన్ కుమార్ సమర్పణలో శ్రీనివాసా సిల్వ‌ర్ స్క్రీన్ పతాకంపై ప్రొడ‌క్ష‌న్ నెం. 6గా శ్రీనివాసా చిట్టూరి నిర్మిస్తున్నారు. జూలై 14న ప్రపంచవ్యాప్తంగా తెలుగు, తమిళ భాషల్లో భారీ ఎత్తున విడుదల కానుంది.
‘ది వారియర్’లో రామ్ పోలీస్ ఆఫీసర్ రోల్ చేస్తున్నారు. తాజాగా ఉగాది పండగ పురస్కరించుకొని రామ్ లుక్ ను రిలీజ్ చేశారు. ఖాకీ యూనిఫామ్ వేయడం ఆయన కెరీర్‌లో ఇదే తొలిసారి. సినిమా ఫస్ట్ లుక్ విడుదల చేసినప్పుడు రామ్ పోలీస్ అనే సంగతి వెల్లడించారు. ఈ లుక్‌లో షార్ట్ హెయిర్ కట్, మీసాలు, కళ్ళలో ఇంటెన్స్‌తో రామ్ కొత్తగా కనిపించారు. రిలీజ్ డేట్ వెల్లడించిన సందర్భంగా విడుదల చేసిన లుక్‌లో గన్ పట్టుకుని సీరియ‌స్‌గా కనిపించారు. ఉగాదికి మాత్రం స్టైలిష్ లుక్‌లో ప్రేక్షకుల ముందుకు వచ్చారు. పోలీస్ యూనిఫామ్ వేసుకుని మ్యాచో బైక్ మీద రామ్ వస్తుంటే.. ఆయన యాటిట్యూడ్, స్వాగ్ అభిమానులు, ప్రేక్షకులను విపరీతంగా ఆకట్టుకుంటున్నాయి. ఇప్పటి వరకూ విడుదలైన ప్రతి లుక్ సినిమాపై అంచనాలు పెంచింది. ఇక ఈ సినిమా షూటింగ్ శరవేగంగా జరుగుతోంది. ప్రస్తతం హైదరాబాద్‌లో రామ్, కృతి శెట్టిపై పాట చిత్రీకరిస్తున్నారు. ఆది పినిశెట్టి ప్రతినాయకుడి పాత్ర చేస్తున్నారు. అక్షరా గౌడ కీలక పాత్రలో కనిపించనున్నారు. త్వరలో మరిన్ని వివరాలు వెల్లడించనున్నారు.
మరిన్ని ఇక్కడ చదవండి :