Bimbisara: త్రిగర్తల సామ్రాజ్యపు నెత్తుటి సంతకం “బింబిసారా”.. టీజర్ అదుర్స్..
నందమూరి హీరో కళ్యాణ్ రామ్ నటిస్తున్న తాజా చిత్రం బింబిసారా. హిస్టారికల్ స్టోరీతో ఈ సినిమా తెరక్కుతుంది. కళ్యాణ్ రామ్ అటు హీరోగా , ఇటు నిర్మాతగా రాణిస్తున్నారు.
Bimbisara: నందమూరి హీరో కళ్యాణ్ రామ్ నటిస్తున్న తాజా చిత్రం బింబిసారా. హిస్టారికల్ స్టోరీతో ఈ సినిమా తెరక్కుతుంది. కళ్యాణ్ రామ్ అటు హీరోగా , ఇటు నిర్మాతగా రాణిస్తున్నారు. హిట్లు ఫ్లాప్ లతో సంబంధం లేకుండా వరుసగా సినిమాలు చేస్తూ దూసుకుపోతున్నాడు ఈ హీరో. కేవలం కమర్షియల్ సినిమాలే కాకుండా ప్రయోగాత్మక సినిమాలు కూడా చేస్తుంటాడు కళ్యాణ్ రామ్. పటాస్ సినిమా తర్వాత కళ్యాణ్ రామ్ ఆ రేంజ్ హిట్ ను అందుకోలేక పోయాడు. ఇక ఇప్పుడు బింబిసారా సినిమాతో ప్రేక్షకుల ముందుకు రాబోతున్నాడు. క్రీస్తు పూర్వం 5వ శతాబ్దానికి చెందిన మగధ రాజ్యాధిపతే బింబిసారుడు. ఆయన కథతోనే ఈ సినిమా తెరకెక్కుతుంది. ఎన్టీఆర్ ఆర్ట్స్ బ్యానర్ పై కల్యాణ్ రామ్ బావమరిది హరికృష్ణ నిర్మిస్తున్నాడు. పుణ్యభూమిలో ఓ అటవిక రాజు కథే ఈ సినిమా అంటూ మొన్నామధ్య చిత్రబృందం మోషన్ పోస్టర్ రిలీజ్ చేశారు. ఈ పోస్టర్ కు మంచి రెస్పాన్స్ వచ్చింది.
తాజాగా ఈ సినిమా టీజర్ ను విడుదల చేశారు. ఓ సమూహం తాలూకు ధైర్యాన్ని ఓ ఖడ్గం శాసిస్తే.. కొన్ని వందల రాజ్యాలు ఆ ఖడ్గానికి తలవంచి బానిసలైతే ఇందరి భయాన్ని చూస్తూ పొగరుతో ఓ రాజ్యం మీసం మెలేసింది. అదే త్రిగర్తల సామ్రాజ్యపు నెత్తుటి సంతకం బిబిసారుడి ఏకచక్రాధిపత్యం అంటూ బ్యాగ్రౌండ్ లో వచ్చిన డైలాగ్.. దానికి తగ్గట్టుగా విజువల్స్ అదిరాయనే చెప్పాలి. ఇక ఈ సినిమాను డిసెంబర్ లో విడుదల చేయాలనే ఆలోచనలో ఉన్నారట. ఆ దిశగానే సన్నాహాలు జరుగుతున్నాయని అంటున్నారు. ఈ సినిమాకు శ్రీ వశిష్ఠ్ దర్శకత్వం వహిస్తున్నారు.
మరిన్ని ఇక్కడ చదవండి :
Samantha: చిరిగిన షర్ట్‌కు పిన్నులు పెట్టుకోవడం కూడా ఫ్యాషనేనా.? వైరల్‌గా మారిన సమంత లేటెస్ట్ ఫోటో..
Rashmika: అందాల రష్మిక మోటివేషనల్‌ పోస్ట్‌.. భయాన్ని ఎలా జయించాలో ఎంత బాగా చెప్పిందే చూడండి..
Shivani Rajashekar: చీరకట్టులో ‘అద్భుతం’గా అందాల తార.. శివాని రాజశేఖర్‌ లేటెస్ట్ ఫోటోలు చూశారా.?
