Thandel Movie: తండేల్ నుంచి శివ శక్తి సాంగ్ రిలీజ్.. నాగచైతన్య, సాయి పల్లవి డ్యాన్స్ గూస్ బంప్స్..

అక్కినేని నాగచైతన్య హీరోగా నటిస్తోన్న లేటేస్ట్ మూవీ తండేల్. కార్తీకేయ 2 ఫేమ్ డైరెక్టర్ చందూ మొండేటి దర్శకత్వం వహిస్తున్న ఈ సినిమాను గీతా ఆర్ట్స్ బ్యానర్ పై బన్నీ వాసు నిర్మిస్తున్నారు. కొన్ని నెలలుగా షూటింగ్ జరుగుతున్న ఈ చిత్రాన్ని ఫిబ్రవరి 7న అడియన్స్ ముందుకు తీసుకువస్తున్నారు. దీంతో ఈ సినిమా నుంచి పోస్టర్స్, సాంగ్స్ రిలీజ్ చేస్తూ సినిమాపై మరింత ఆసక్తిని క్రియేట్ చేస్తున్నారు ఫ్యాన్స్. ఇప్పటికే ఈ మూవీ నుంచి విడుదలైన బుజ్జితల్లి పాట ప్రేక్షకులను విపరీతంగా ఆకట్టుకున్న విషయం తెలిసిందే. ఇక ఈ సినిమాలో హైలెట్ గా నిలిచే శివ శక్తి పాటను తాజాగా విడుదల చేసింది చిత్రయూనిట్.

తాజాగా విడుదలైన శివ శక్తి పాటలో శ్రీకాకుళం సాంస్కృతిక వారసత్వాన్ని, పురాతన శ్రీ ముఖలింగం శివాలయాన్ని ప్రతిబింబించే పాటగా దీనిని తీర్చిదిద్దారు. శేఖర్ మాస్టర్ కొరియోగ్రఫీ చేయగా.. నమో.. నమః శివాయ అంటూ సాగే ఈ పాటను అనురాగ్ కులకర్ణి, హరిప్రియ ఆలపించారు. ఈ చిత్రానికి దేవి శ్రీ మ్యూజిక్ అందించారు. ఇప్పుడు విడుదలైన ఈ సాంగ్ ఆకట్టుకుంటుంది. అలాగే ఇందులో నాగచైతన్య, సాయి పల్లవి డ్యాన్స్ గూస్ బంప్స్ తెప్పించేలా ఉంది. ఇందులో వీరిద్దరు కనిపించిన విధానం అందరినీ ఆకట్టుకునేలా కనిపిస్తుంది. అలాగే దేవి శ్రీ ప్రసాద్ అందించిన మ్యూజిక్ అదిరిపోయింది.

ఇదిలా ఉంటే.. కొన్ని రోజుల క్రితం విడుదలైన బుజ్జితల్లి సాంగ్ ఇప్పటికే యూట్యూబ్ లో 30 మిలియన్స్ కు పైగా వ్యూస్ తో దూసుకుపోతుంది. అలాగే అన్ని మ్యూజిక్ చార్ట్ లలో అగ్రస్థానంలో కొనసాగుతుంది. ఇటీవలే అమరన్ సినిమాతో సూపర్ హిట్ అందుకుంది సాయి పల్లవి. ఇప్పుడు తండేల్ సినిమాతో మరోసారి అడియన్స్ ముందుకు రానుంది.

ఇది చదవండి : Tollywood: చేసిన సినిమాలన్ని ప్లాప్.. అయినా తగ్గని క్రేజ్.. గుర్రపు స్వారీ చేస్తోన్న ఈ హీరోయిన్ ఎవరంటే..

Tollywood: రూ.2 కోట్ల యాడ్ రిజెక్ట్ చేసింది.. స్టార్ హీరోల కంటే ఎక్కువ ఫాలోయింగ్.. ఎవరో తెలుసా.. ?

Tollywood: అరె ఏంట్రా ఇది.. ఇప్పుడు గ్లామర్‏తో మెంటలెక్కిస్తోన్న వయ్యారి.. గుర్తుపట్టారా..?

మరిన్ని సినిమా వార్తల కోసం ఇక్కడ క్లిక్ చేయండి.