Love Story: అడ్వాన్స్ బుకింగ్స్‌లో దూకుడు.. థియేటర్లకు మళ్లీ పూర్వ వైభవం తీసుకురానున్న లవ్ స్టోరీ..

శేఖర్ కమ్ముల దర్శకత్వంలో తెరకెక్కిన మరో అందమైన ప్రేమ కథ లవ్ స్టోరీ. నాగ చైతన్య సాయి పల్లవి జంటగా ఈ సినిమా రూపొందింది.

Love Story

Updated on: Sep 18, 2021 | 12:38 PM

Love Story: శేఖర్ కమ్ముల దర్శకత్వంలో తెరకెక్కిన మరో అందమైన ప్రేమ కథ లవ్ స్టోరీ. నాగ చైతన్య సాయి పల్లవి జంటగా ఈ సినిమా రూపొందింది. ఇప్పటికే విడుదలైన ఈ సినిమా పోస్టర్లు, పాటలు,టీజర్ సినిమా పై మంచి అంచనాలు క్రియేట్ చేశాయి. అలాగే రీసెంట్‌గా ప్రేక్షకుల ముందుకు వచ్చిన ట్రైలర్ ఆ అంచనాలను తారాస్థాయికి చేర్చింది. ఇక ఈ సినిమాలో హీరో హీరోయిన్లు తెలంగాణ యాసలో మాట్లాడనున్నారు. ఎదో సాధించాలని గ్రామాన్ని విడిచి హైదరాబాద్ వచ్చిన ఓ జంట ఎలా ప్రేమలో పడ్డారు.. ఆ ప్రేమను గెలిపించుకోవడం కోసం ఏం చేశారనే కథాంశంగా సినిమా తెరకెక్కిందని ట్రైలర్ చూస్తుంటే అర్ధమవుతుంది. ఇక ఈ సినిమా కోసం ప్రేక్షకులంతా ఎంతో ఆసక్తిగా ఎదురుచూస్తున్నారు. కరోనా కారణంగా ఈ సినిమా షూటింగ్ వాయిదా పడుతూ వచ్చింది. ఎట్టకేలకు థియేటర్స్ ఓపెన్ అవ్వడంతో సినిమాను రిలీజ్ చేయడానికి రెడీ అయ్యారు చిత్రయూనిట్. ముందుగా ఈ సినిమాను వినాయక చవితి పురస్కరించుకొని ఈ నెల 10న విడుదల చేయాలనీ చూశారు. అయితే అదే రోజు నాని నటించిన టక్ జగదీష్ సినిమా ఓటీటీ ద్వారా విడుదల కావడంతో లవ్ స్టోరీ సినిమా వెనక్కి తగ్గింది. ఇక ఇప్పుడు ఈ సినిమాను ఈ నెల 24వ తేదీన ప్రేక్షకుల ముందుకు తీసుకురానున్నారు.

థియేటర్స్ రీఓపెన్ అయిన తర్వాత రిలీజ్ అవుతున్న సినిమాల్లో లవ్ స్టోరీ సినిమాకు మంచి బజ్ ఉంది. దాంతో ఈ సినిమా అడ్వాన్స్ బుకింగ్స్ భారీగా జరుగుతున్నాయి. ఇక ఎక్కడ అడ్వాన్స్ బుకింగ్స్ ఓపెన్ చేసినా, క్షణాల్లో టికెట్లు అమ్ముడవుతున్నాయని తెలుస్తుంది. అలాగే ఇప్పటికే హైదరాబాద్‌లోని మల్టీప్లేక్స్ లో తొలిరోజు షోలకు సంబంధించిన బుకింగ్స్ చాలావరకూ జరిగిపోయాయని అంటున్నారు.

మరిన్ని ఇక్కడ చదవండి :