Megastar Chiranjeevi: తెలంగాణ డిప్యూటీ సీఎం భట్టితో మెగాస్టార్ భేటీ.. అభినందనలు తెలిపిన చిరంజీవి దంపతులు..
ఇప్పటికే, సీఎం రేవంత్‌ను కలిసి అభినందనలు తెలిపిన మెగాస్టార్ చిరంజీవి. ఇప్పుడు తన సతీమణి సురేఖతో కలిసి వచ్చి డిప్యూటీ సీఎం మల్లు భట్టివిక్రమార్కతో మర్యాదపూర్వకంగా సమావేశమయ్యారు. సతీసమేతంగా ప్రజాభవన్‌కు వచ్చిన వారిద్దరిని ఆప్యాయంగా రిసీవ్‌ చేసుకున్నారు భట్టి. చిరంజీవి దంపతులకు పుష్పగుచ్చం మెగా దంపతులకు పుష్పగుచ్ఛం అందించి శాలువాతో సత్కరించారు. చిరంజీవి కూడా డిప్యూటీ సీఎం భట్టివిక్రమార్కను సన్మానించారు. కశ్మీర్‌ నుంచి ప్రత్యేకంగా తెప్పించిన శాలువాతో భట్టిని సత్కరించారు.
Updated on: Jan 05, 2024 | 12:14 PM
తెలంగాణలో కొలువుదీరిన కాంగ్రెస్‌ ప్రభుత్వానికి అభినందనలు కొనసాగుతున్నాయి. ముఖ్యమంత్రి రేవంత్‌రెడ్డి, మంత్రులను కలుస్తూ శుభాకాంక్షలు తెలియజేస్తున్నారు సినీ ప్రముఖులు. ఇప్పటికే, సీఎం రేవంత్‌ను కలిసి అభినందనలు తెలిపిన మెగాస్టార్ చిరంజీవి. ఇప్పుడు తన సతీమణి సురేఖతో కలిసి వచ్చి డిప్యూటీ సీఎం మల్లు భట్టివిక్రమార్కతో మర్యాదపూర్వకంగా సమావేశమయ్యారు. సతీసమేతంగా ప్రజాభవన్‌కు వచ్చిన వారిద్దరిని ఆప్యాయంగా రిసీవ్‌ చేసుకున్నారు భట్టి. చిరంజీవి దంపతులకు పుష్పగుచ్చం మెగా దంపతులకు పుష్పగుచ్ఛం అందించి శాలువాతో సత్కరించారు. చిరంజీవి కూడా డిప్యూటీ సీఎం భట్టివిక్రమార్కను సన్మానించారు. కశ్మీర్‌ నుంచి ప్రత్యేకంగా తెప్పించిన శాలువాతో భట్టిని సత్కరించారు. అలాగే భట్టి విక్రమార్క సైతం చిరంజీవిని శాలువాతో సత్కరించారు.
పరస్పర సన్మానాల తర్వాత ప్రజాభవన్‌లో ప్రత్యేకంగా సమావేశమయ్యారు. ఈ భేటీలో భట్టి సతీమణితోపాటు ఆయన కుమారుడు విక్రమాదిత్య కూడా పాల్గొన్నారు. కుషల ప్రశ్నలతోపాటు పలు విషయాలపై కొద్దిసేపు ముచ్చటించుకున్నారు ఇరువురు.
ఉప ముఖ్యమంత్రి శ్రీ భట్టి విక్రమార్క మల్లు గారిని ప్రజాభవన్ లో కలిసిన ప్రముఖ సినీ నటుడు శ్రీ చిరంజీవి గారి దంపతులు@KChiruTweets #BhattiVikramarkaMallu #Chiranjeevi pic.twitter.com/0I71tmNCDf
— Bhatti Vikramarka Mallu (@Bhatti_Mallu) January 4, 2024
అనంతరం, బహుమతులను ఇచ్చి పుచ్చుకున్నారు భట్టి, చిరంజీవి దంపతులు. చాలా సంతోషంగా ఆప్యాయంగా సాగింది వీళ్లిద్దరి భేటీ. కాంగ్రెస్‌ నాయకత్వంలో రాష్ట్రం మరింత అభివృద్ధి సాధించాలని ఆకాంక్షించారు మెగాస్టార్. డిప్యూటీ పదవి చేపట్టినందుకు భట్టికి శుభాకాంక్షలు తెలియజేస్తూనే.. సినీ పరిశ్రమ విషయాలు కూడా వివరించి చర్చించినట్లు తెలుస్తోంది. ప్రస్తుతం భట్టి, చిరు భేటీకి సంబంధించిన ఫొటోలు సోషల్‌ మీడియాలో వైరల్‌గా మారాయి.
MEGASTAR #Chiranjeevi garu along with Surekha garu Met Deputy CM Of Telangana @Bhatti_Mallu garu
Boss @KChiruTweets #MegaStarChiranjeevi pic.twitter.com/uOmGJwfrbS
— Chiranjeevi Army (@chiranjeeviarmy) January 4, 2024
#Megastar @KChiruTweets garu met Dep CM @Bhatti_Mallu garu at his residence #MegastarChiranjeevi #Chiranjeevi pic.twitter.com/QFO7lpqo1G
— Imam Hussian (@ImamHussian07) January 4, 2024
మరిన్ని సినిమా వార్తల కోసం ఇక్కడ క్లిక్ చేయండి.
