Vishnu Manchu: ‘మా’ సభ్యులకు మంచి వార్త చెప్తానంటున్న మంచు విష్ణు.. ఎప్పుడంటే

ఎన్నో ట్విస్ట్‌ల మధ్య జరిగినా మా ఎన్నికల పోరులో మంచి విష్ణు విజయం సాధించిన విషయం తెలిసిందే. భారీ మెజారిటీతో మా అధ్యక్ష పదవిని పొందారు విష్ణు.

Vishnu

Rajeev Rayala |
Updated on: Oct 21, 2021 | 5:29 PM

Vishnu Manchu: ఎన్నో ట్విస్ట్‌ల మధ్య జరిగినా మా ఎన్నికల పోరులో మంచి విష్ణు విజయం సాధించిన విషయం తెలిసిందే. భారీ మెజారిటీతో మా అధ్యక్ష పదవిని పొందారు విష్ణు. ఇక మా ఎన్నికల్లో తనని గెలిపిస్తే చాలా పనులు చేస్తానంటూ మంచి విష్ణు హామీ ఇచ్చారు. ఎన్నికల కంటే ముందే మా కు సొంత బిల్డింగ్ ను తన సొంత డబ్బులతో కట్టిస్తానని మంచు విష్ణు చెప్పారు. ఆ సమయంలోనే రెండు మూడు స్థలాలను కూడా చూస్తున్నానని అన్నారు విష్ణు. ఇక ఇప్పుడు అధ్యక్ష పదవిని చేప్పట్టిన విష్ణు ఇప్పుడు మా సబ్యులకు గుడ్ న్యూస్ చెప్తానంటూ హింట్ ఇచ్చారు.

సోషల్ మీడియా వేదికగా ఆయన ఓ పోస్ట్ షేర్ చేశారు. రేపు (22న ) మా సబ్యులకు మంచి వార్త చెప్పబోతున్నా అంటూ తన ట్విట్టర్ లో రాసుకొచ్చారు విష్ణు. దాంతో విష్ణు చెప్పే గుడ్ న్యూస్ ఏంటా అని అంతా ఆసక్తిగా ఎదురుచూస్తున్నారు. ఇక మా ఎన్నికలో జరిగిన రచ్చ గురించి అందరికి తెలిసిందే.. ప్రకాష్ రాజ్ , విష్ణు ప్యానల్స్ మధ్య మాటల యుద్ధం ఏ స్థాయిలో జరిగిందో అందరు చూశారు. విష్ణు గెలిచిన తర్వాత .. ప్రకాష్ రాజ్ ప్యానల్ సభ్యులంతా మా కు రాజీనామా చేసిన విషయం తెలిసిందే.