Mahesh Babu: మహేష్ మూవీకి గురూజీ మాస్టర్ ప్లాన్.. SSMB 28 కోసం ఆ ఇద్దరిని దింపుతున్నారట
సూపర్ స్టార్ మహేష్ బాబు త్రివిక్రమ్ కాంబినేషన్లో రానున్న సినిమా కోసం ఆయన అభిమానులంతా ఎంతో ఆసక్తిగా ఎదుచూస్తున్నారు.
Updated on: Aug 24, 2022 | 12:08 PM
సూపర్ స్టార్ మహేష్ బాబు(Mahesh Babu)త్రివిక్రమ్ కాంబినేషన్లో రానున్న సినిమా కోసం ఆయన అభిమానులంతా ఎంతో ఆసక్తిగా ఎదుచూస్తున్నారు. గురుజీతో కలిసి దాదాపు 11 ఏళ్ల తర్వాత సినిమా చేస్తున్నారు త్రివిక్రమ్. అతడు, ఖలేజా సినిమాలతర్వాత ఈ కాంబోలో సినిమా రాబోతుందని తెలిసి ప్రేక్షకుల్లో అంచనాలు తారాస్థాయికి చేరాయి. మహేష్ ఇటీవలే సర్కారు వారి పాట అనే సినిమా చేసిన విషయం తెలిసిందే. ఇక ఈ సారి మహేష్ కొసం త్రివిక్రమ్ అదిరిపోయే కథని సిద్ధం చేశారట. మొన్నామధ్య మహేష్ మాట్లాడుతూ నేను కానీ త్రివిక్రమ్ కానీ ఇలాంటి సినిమా చేయలేదు. ఈ సినిమా చేయడానికి చాలా ఆసక్తితో ఉన్నా అంటూ సినిమా గురించి హింట్ ఇచ్చారు. దాంతో మహేష్ అభిమానులంతా ఆసక్తిగా ఎదురుచూస్తున్నారు.
ఇదిలా ఉంటే ఇప్పుడు ఈ సినిమాకు సంబంధించిన ఓ వార్త ఇప్పుడు సోషల్ మీడియాలో తెగ చక్కర్లు కొడుతోంది. ఈ సినిమా కంప్లీట్ యాక్షన్ ఎంటర్టైనర్ గా తెరకెక్కించనున్నారని తెలుస్తోంది. అలాగే ఈ సినిమాలో యాక్షన్ సీన్స్ ను ఓ రేంజ్లో ప్లాన్ చేస్తున్నారట త్రివిక్రమ్. ఇందుకోసం ప్రముఖ ఫైట్ మాస్టర్స్ను దించుతున్నారట గురూజీ. మహెష్ సినిమా కోసం ప్రముఖ ఫైట్ మాస్టర్లు అన్బు – అరివు రంగంలోకి దిగిపోయినట్టుగా చెబుతున్నారు. ‘కేజీఎఫ్’ .. ‘కేజీఎఫ్ 2’ .. ‘విక్రమ్’ వంటి సినిమాలకు అన్బు – అరివు ఫ్యాట్స్ కంపోజ్ చేశారు. అలాగే శంకర్ , రామ్ చరణ్ కాంబోలో రానున్న సినిమాకు కూడా వీరు ఫైట్స్ ను కంపోజ్ చేస్తున్నారని తెలుస్తోంది. ఇక ఈ సినిమాలో ఫైట్స్ ఓ రేంజ్ లో ఉంటాయని ఫ్యాన్స్ ఆశాభావం వ్యక్తం చేస్తున్నారు. ఇక ఈసినిమాలో మహేష్ సరసన పూజాహెగ్డే హీరోయిన్ గా నటిస్తుండగా తమన్ సంగీతం అందిస్తున్నారు.
