Liger: మెగాస్టార్- సల్మాన్ తో లైగర్.. గాడ్ ఫాదర్ సెట్ లో సందడి చేసిన విజయ్ దేవరకొండ, పూరి, ఛార్మి
క్రేజీ హీరో విజయ్ దేవర కొండ నటిస్తున్న లేటెస్ట్ మూవీ లైగర్(Liger).. డాషింగ్ డైరెక్టర్ పూరీజగన్నాథ్ దర్శకత్వం వహిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్ గా నటిస్తుంది.
Updated on: Aug 01, 2022 | 10:16 PM
క్రేజీ హీరో విజయ్ దేవర కొండ నటిస్తున్న లేటెస్ట్ మూవీ లైగర్ (Liger).. డాషింగ్ డైరెక్టర్ పూరీజగన్నాథ్ దర్శకత్వం వహిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్ గా నటిస్తుంది. పాన్ ఇండియా మూవీగా రాబోతున్న ఈ సినిమాలో విజయ్ బాక్సర్ గా కనిపించనున్నాడు. ఇప్పటికే లైగర్ సినిమా ప్రమోషన్స్ జోరుగా జరుగుతున్నాయి. ఈ సినిమాలో రమ్యకృష్ణ విజయ్ కు తల్లిగా కనిపించనున్నారు. ఇక ఇప్పటికే విడుదలైన లైగర్ పోస్టర్లు, గ్లిమ్ప్స్, టీజర్, ట్రైలర్ సినిమా పై అంచనాలను భారీగా పెంచేశాయి. అలాగే లైగర్ నుంచి వచ్చిన ”అక్కడి పక్కడి” అనే సాంగ్ సోషల్ మీడియాను షేక్ చేసిన విషయం తెలిసిందే.. యూట్యూబ్ లో ఈ పాట ట్రెండింగ్ లో దూసుకుపోతోంది. అలాగే ఇటీవల వాట్ లగా దేంగే అనే పాటను విడుదల చేశారు. ఈ పాటకూడా ప్రేక్షకులను ఆకట్టుకుంటోంది.
తాజాగా లైగర్ టీమ్ మెగాస్టార్ చిరంజీవిని, బాలీవుడ్ స్టార్ సల్మాన్ ఖాన్ ను కలిసింది. గాడ్ ఫాదర్ సినిమాలో సల్మాన్ నటిస్తున్న విషయం తెలిసిందే. ఇటీవలే ఈ సినిమాలో సల్మాన్, చిరు మీద ఓ సూపర్ సాంగ్ ను ముంబై లో షూట్ చేశారు. ఈ పాట చిత్రీకరణ నేపథ్యంలో లైగర్ టీమ్ పూరిజగన్నాథ్, విజయ్ దేవరకొండ, ఛార్మి.. మెగాస్టార్, సల్మాన్ ను కలిశారు. ఇందుకు సంబంధించిన ఫోటో ఇప్పుడు సోషల్ మీడియాలో తెగ వైరల్ అవుతుంది. ఆ ఫొటోని విజయ్ దేవరకొండ, ఛార్మి సోషల్ మీడియా వేదికగా అభిమానులతో పంచుకున్నారు. ఇక గాడ్ ఫాదర్ సినిమాకు మోహన్ రాజా దర్శకత్వం వహిస్తున్న విషయం తెలిసిందే. ఈ సినిమా దసరా కానుకగా విడుదల కానుంది. అలాగే లైగర్ సినిమా ఆగస్టు 25న విడుదల కానుంది.
Megastar @KChiruTweets sir & @BeingSalmanKhan sir –
Your blessings and love for #Liger means the world to us!
My respect and love always ❤️ pic.twitter.com/uts0kcY4L3
— Vijay Deverakonda (@TheDeverakonda) August 1, 2022
