Mahesh Babu : జక్కన్న ప్లాన్ అదిరింది.. మహేష్ సినిమాలో కోలీవుడ్ స్టార్ హీరో.. ఇక బాక్సాఫీస్ దద్దరిల్లాల్సిందే..

సూపర్ స్టార్ మహేష్ బాబు సినిమాలకు తెలుగులో ప్రత్యేకమైన క్రేజ్ ఉన్న సంగతి తెలిసిందే. చైల్డ్ ఆర్టిస్టుగా సినీరంగంలోకి అడుగుపెట్టిన మహేష్... ఇప్పటికీ బ్యాక్ టూ బ్యాక్ హిట్ సినిమాలతో ఇండస్ట్రీని ఏలేస్తున్నాడు. ప్రస్తుతం డైరెక్టర్ రాజమౌళి దర్శకత్వంలో ఓ భారీ బడ్జెట్ చిత్రంలో నటిస్తున్నాడు. ఈ మూవీపై ఇప్పటికే భారీ హైప్ నెలకొంది.

Mahesh Babu

Rajitha Chanti |
Updated on: May 21, 2025 | 4:40 PM

ప్రస్తుతం టాలీవుడ్ ఇండస్ట్రీలో మోస్ట్ అవైటెడ్ మూవీ SSMB 29. కొన్ని నెలలుగా షూటింగ్ జరుపుకుంటున్న ఈ మూవీపై ఇప్పటికే భారీ హైప్ నెలకొంది. ఆర్ఆర్ఆర్ సినిమా తర్వాత డైరెక్టర్ రాజమౌళి తెరకెక్కిస్తోన్న ఈ భారీ బడ్జెట్ మూవీలో సూపర్ స్టార్ మహేష్ బాబు ప్రధాన పాత్ర పోషిస్తున్నారు. వీరిద్దరి కాంబోలో రాబోతున్న ఈ సినిమాపై ఎక్కువగా అంచనాలు ఉన్నాయి. ఇక ఇందులో మహేష్ సరసన గ్లోబల్ బ్యూటీ ప్రియాంక చోప్రా కథానాయికగా నటిస్తుంది. ఈ సినిమాతో తెలుగు తెరకు పరిచయం కాబోతుంది ఈ ముద్దుగుమ్మ. దుర్గా ఆర్ట్స్ బ్యానర్ పై కేఎల్ నారాయణ నిర్మిస్తున్న ఈ చిత్రానికి ఆస్కార్ అవార్డ్ గ్రహీత ఎమ్ ఎమ్ కీరవాణి సంగీతం అందిస్తున్నారు. 2027లో ఈ చిత్రాన్ని ప్రపంచవ్యాప్తంగా విడుదల చేసే అవకాశాలు ఉన్నాయి. అయితే ఈ సినిమాలో నటించే నటీనటుల గురించి ఇప్పటివరకు ఎలాంటి అధికారిక ప్రకటన రాలేదు. కానీ ఈ మూవీ గురించి రోజుకో న్యూస్ ఫిల్మ్ వర్గాల్లో వినిపిస్తుంది.

తాజాగా ఈ సినిమా గురించి మరో క్రేజీ రూమర్ ఫిల్మ్ వర్గాల్లో చక్కర్లు కొడుతుంది. లేటేస్ట్ అప్డేట్ ప్రకారం ఈ సినిమాలో కోలీవుడ్ స్టార్ హీరో విక్రమ్ చియాన్ కీలకపాత్ర పోషిస్తున్నాడట. ఈ సినిమాలో ఓ పవర్ ఫుల్ పాత్ర కోసం జక్కన్న ఇప్పటికే విక్రమ్ ను సంప్రదించి స్టోరీ చెప్పాడని.. ఇక కథ నచ్చడంతో విక్రమ్ సైతం ఓకే చేసినట్లు ప్రచారం నడుస్తోంది. అయితే ఇది ఎంతవరకు నిజమనేది తెలియాల్సి ఉంది. కానీ ఒకవేళ మహేష్ బాబు, విక్రమ్ చియాన్, డైరెక్టర్ రాజమౌళి కాంబో నిజమైతే ఈ మూవీతో బాక్సాఫీస్ షేక్ కావడం ఖాయమని అంటున్నారు ఫ్యాన్స్. ఈ చిత్రంలో విక్రమ్ చియాన్ నటిస్తే ఈ మూవీపై మరింత అంచనాలు పెరగడం పక్కా.

విక్రమ్ చియాన్.. ఎప్పుడూ వైవిధ్యమైన పాత్రలు, విభిన్నమైన కథలను ఎంచుకుంటూ హిట్స్ అందుకుంటున్నారు. హీరోయిజం కాకుండా జనాలకు ఎక్కువగా కనెక్ట్ అయ్యే సినిమాలను ఎంచుకుంటున్నాడు. సినిమా కంటెంట్, పాత్ర ప్రాధాన్యత కోసం ఎలాంటి సాహసాలైనా చేసే విక్రమ్.. ఇప్పుడు రాజమౌళి, మహేష్ సినిమాలో కనిపించనుండడంతో ఈ మూవీ సంచలనం సృష్టించడం ఖాయం. దీంతో ఇప్పుడు SSMB 29 గురించి వినిపిస్తున్న ఈ న్యూస్ సోషళ్ మీడియాలో తెగ వైరలవుతుంది.