Mahesh Babu: మహేష్ బాబు కోసం పోటీపడుతున్న ముద్దుగుమ్మలు.. త్రివిక్రమ్ సినిమాలో..

Mahesh Babu: సూపర్ స్టార్ మహేష్ బాబు ప్రస్తుతం సర్కారు వారి పాట సినిమాతో ప్రేక్షకుల ముందుకు రావడానికి సిద్ధంగా ఉన్నారు. పరశురామ్ దర్శకత్వంలో తెరకెక్కుతున్న ఈ సినిమా ప్రస్తుతం షూటింగ్ దశలో ఉంది. ఈ సినిమాలో కీర్తిసురేష్ హీరోయిన్ గా నటిస్తుంది. ఇప్పటికే ఈ సినిమా నుంచి విడుదలైన ప్రతి పోస్టర్ ఈ మూవీ మరింత హైప్ క్రియేట్ చేశాయి. ఇందులో మహేష్ సరికొత్త లుక్‏లో కనిపించనున్నారు. అయితే ప్రేమికుల రోజు సందర్భంగా.. ఈ సినిమా నుంచి ఫస్ట్ లిరికల్ కళావతి పాటను విడుదల చేయనున్నట్లు ఇప్పటికే చిత్రయూనిట్ ప్రకటించింది. తాజాగా విడుదలైన ఈ పాట ప్రోమో ప్రేక్షకులను విపరీతంగా ఆకట్టుకుంటుంది. ఇక ఈ సినిమాతర్వాత మాటల మాంత్రికుడు త్రివిక్రమ్ దర్శకత్వంలో మహేష్ సినిమా చేస్తున్నాడు. ఇప్పటికే ఈ సినిమా పూజాకార్యక్రమాలు జరిగాయి. ఈ సినిమాలో పూజాహెగ్డే ను హీరోయిన్ గా ఎంపిక చేశారు త్రివిక్రమ్.

ఇక సెకండ్ హీరోయిన్ గా ఇస్మార్ట్ బ్యూటీ నభానటేష్ , మలయాళీ బైట్ సంయుక్త మీనన్ పేర్లు వినిపిస్తున్నాయి. ఇదిలా ఉంటే ఇప్పడు మరో ఇద్దరు భామల పేర్లు తెరపైకి వచ్చాయి. రీసెంట్ గా రిలీజ్ అయిన ఖిలాడి సినిమాతో మంచి హిట్ అందుకున్నారు ముద్దుగుమ్మలు డింపుల్ హయతి, మీనాక్షి చౌదరి. ఇప్పుడు ఈ ఇద్దరు భామల్లో ఒకరు మహేష్ సినిమాలో నటించబోతున్నారని ఓ వార్త సోషల్ మీడియాలో చక్కర్లు కొడుతుంది. ఖిలాడి సినిమాలో ఈ ఇద్దరు భామలు పోటీపడి నటించి ఆకట్టుకున్నారు. గ్లామర్ పరంగానూ ఇద్దరు అదరగొట్టారు. దర్శకుడు త్రివిక్రమ్ రెండు మూడు రోజుల్లో ఇద్దరిని ఆఫీస్ కి పిలిపించి మాట్లాడే అవకాశాలు ఉన్నాయని అంటున్నారు. అదే కానీ నిజమైతే ఈ బ్యూటీస్ కు బంపర్ ఆఫర్ దక్కినట్టే.. చూడాలి మరి ఏం జరుగుతుందో..

మరిన్ని ఇక్కడ చదవండి :

DJ Tillu Twitter Review: దుమ్మురేపుతున్న డీజే టిల్లు.. ట్విట్టర్‌లో రీసౌండ్

Statue of Equality: సమతామూర్తిని దర్శించుకున్న స్టైలిష్ స్టార్ అల్లు అర్జున్‌.. ఆలయంలో ప్రత్యేక పూజలు

Alia Bhatt Interview: సంజయ్ సర్ పెట్టిన రూల్‏ను బ్రేక్ చేయాలనుకోలేదు.. ఆలీయా భట్ ఆసక్తికర వ్యాఖ్యలు..