Karate Kalyani: వ్యభిచారిణిలా చూస్తున్నారు.. నాలో మంచిని ఎవరూ చూడడం లేదు.. కరాటే కల్యాణి ఎమోషనల్‌

ప్రస్తుతం సినిమాలు చేయడం బాగా తగ్గించేసిన ఆమె ఇటీవల ఇతర విషయాలు, వివాదాలతో వార్తల్లో నిలుస్తున్నారు. ఏవిషయమైనా ముక్కుసూటిగా మాట్లాడే ఆమె తత్వం చాలాసార్లు ఆమెను ఇబ్బందుల్లో పడేసింది. ఇలా ఏదో ఒక విషయంపై మాట్లాడుతూ అందరి నోళ్లలో నానుతోన్న కరాటే కల్యాణి తన వ్యక్తిగత జీవితం గురించి చెబుతూ ఎమోషనల్‌ అయ్యారు

Karate Kalyani

Basha Shek |
Updated on: Dec 31, 2022 | 8:51 AM

లేడీ కమెడియన్‌గా, క్యారెక్టర్‌ ఆర్టిస్టుగా రాణించి తెలుగు సినిమా ఇండస్ట్రీలో మంచి గుర్తింపు తెచ్చుకున్న వాళ్లలో కరాటే కల్యాణి ఒకరు. అలాగే బిగ్‌బాస్‌ సీజన్‌ 4లో పాల్గొని మరింత పాపులారిటీ తెచ్చుకున్నారు. ప్రస్తుతం సినిమాలు చేయడం బాగా తగ్గించేసిన ఆమె ఇటీవల ఇతర విషయాలు, వివాదాలతో వార్తల్లో నిలుస్తున్నారు. ఏవిషయమైనా ముక్కుసూటిగా మాట్లాడే ఆమె తత్వం చాలాసార్లు ఆమెను ఇబ్బందుల్లో పడేసింది. ఇలా ఏదో ఒక విషయంపై మాట్లాడుతూ అందరి నోళ్లలో నానుతోన్న కరాటే కల్యాణి తన వ్యక్తిగత జీవితం గురించి చెబుతూ ఎమోషనల్‌ అయ్యారు. ఇటీవల ఒక యూట్యూబ్‌ ఛానెల్‌కు ఇంటర్వ్యూ ఇచ్చిన ఆమె తన వైవాహిక జీవితం, సినిమా కెరీర్‌, ఎదుర్కొన్న ఆటుపోట్లపై పలు ఆసక్తికర విషయాలు పంచుకున్నారు. ముఖ్యంగా సినిమాల్లో తాను బోషించిన బోల్డ్‌ పాత్రలు, నిజ జీవితంలో వాటి ప్రభావంపై పంచుకుని భావోద్వేగానికి గురయ్యారు.

‘బతుకుదెరువు కోసమే నేను సినిమాల్లో నటిస్తున్నా. చాలామంది నాలో బాబీ (కృష్ణ సినిమాలో కరాటే కల్యాణి పాత్ర)నే చూశారు. కానీ నాలో మరో కోణం కూడా ఉంది. నేను సంపాదించిన దాంట్లో కొంత భాగం సామాజిక సేవ కార్యక్రమాలకు వినియోగిస్తాను. పిల్లలను దత్తత తీసుకున్నాను. ఎంతోమందికి సాయం చేస్తున్నాను. కానీ జనాలు అవేవి చూడడం లేదు. తెరపై నేను పోషించిన పాత్రలను బట్టి నిజ జీవితంలో కూడా నన్ను అలాగే ట్రీట్‌ చేస్తున్నారు. నిజం చెప్పాలంటే నన్ను ఓ వ్యభిచారిగా చూస్తూ కామెంట్స్‌ చేస్తున్నారు. అలాంటి కామెంట్స్‌ నన్ను చాలా బాధిస్తున్నాయి. వాటిని విన్నప్పుడు మనసు చివుక్కుమంటుంది. నేను తెరపై నటించానంతే, నిజంగా చేయలేదు. బతుకు దెరువు కోసం అలాంటి రోల్స్‌ చేశాను. నాలోని మంచిని గుర్తించకుండా నాపై అసహ్యమైన కామెంట్స్‌ చేస్తుంటారు. నేను అలాంటి దాన్ని కాదు. ఎప్పుడూ అలాంటి తప్పు చేయలేదంటూ’ అంటూ కల్యాణి ఆవేదన వ్యక్తం చేశారు. ప్రస్తుతం ఆమె వ్యాఖ్యలు టాలీవుడ్ లో హాట్ టాపిక్ గా మారాయి.

ఇవి కూడా చదవండి