OTT: 17 రోజుల్లోనే రూ.100 కోట్ల కలెక్షన్స్.. ఓటీటీలోకి సూపర్ హిట్ హారర్​ కామెడీ మూవీ

కంటెంట్ బాగుంటే చాలు భాషా భేదం లేకుండా సినిమాలను ఆదరిస్తున్నారు జనాలు. సినిమాలు మాత్రమే కాదు కొరయన్ సిరిస్‌లను కూడా వదలడం లేదు. కాగా మన దగ్గర కొన్ని సినిమాలు ఏమాత్రం అంచనాలు లేకుండా రిలీజై ఆడియెన్స్‌ సర్‌ప్రైజ్ చేస్తున్నాయి. అలా ఇటీవల రిలీజై బ్లాక్ బాస్టర్ హిట్ కొట్టిన చిత్రం.. ముంజ్యా. హారర్ కామెడీ జానర్‌లో తెరకెక్కిన ఈ చిత్రం.. కేవలం 17 రోజుల్లోనే రూ.100 కోట్ల కలెక్షన్స్ కొల్లగొట్టింది. మూవీ యూనిటే ఈ విషయాన్ని అఫీషియల్‌గా ప్రకటించింది. ఈ మూవీకి గ్రాస్ కలెక్షన్స్ .103 కోట్లు కాగా.. నెట్ కలెక్షన్స్ రూ.87.35 కోట్లు వచ్చాయి. విడుదలైన తొలి రోజే.. రూ.4 కోట్ల ఓపెనింగ్​ కలెక్షన్స్ రాబట్టిన ఈ మూవీ.. తొలి సారి వసూళ్ల సునామి క్రియేట్ చేస్తూ.. రూ.36.5 కోట్లు వసూలు చేసింది. రెండో వారం కూడా జోరు ఏ మాత్రం తగ్గలేదు. ఏకంగా 32 కోట్ల కలెక్షన్స్ వచ్చాయి. మూడో వారం కూడా అదే ఊపు కంటిన్యూ అవుతుంది.

ఈ క్రమంలో మూవీ యూనిట్ ప్రేక్షకులను ధన్యవాదాలు తెలిపింది. ‘ముంజ్యా నవ్విస్తూ, భయపెడుతూ.. రూ.100 కోట్లు వసూళ్లు రాబట్టింది. మీ ప్రేమ, అభిమానం వల్లే ఇది సాధ్యమైంది. ఈ విజయంలో బాగామైన ప్రతి ఒక్కరికి థ్యాంక్స్’ అని యూనిట్ తెలిపింది. మరాఠీ దర్శకుడు ఆదిత్య సర్పోదర్​ ఈ మూవీ డైరెక్ట్ చేశారు. ముంజ్యా అనేది ఓ వింత జీవి.. ఓ వ్యక్తి జీవితంపై ఎలాంటి ప్రభావం చూపింది అనేది ఈ సినిమా స్టోరీ లైన్. కాగా ఈ మూవీ డిజిటల్ రైట్స్ డిస్నీ డిస్నీ ప్లస్ హాట్‌స్టార్ సొంతం చేసుకుంది. బాక్సాఫీస్ వద్ద ఈ రేంజ్‌లో అలరిస్తున్న మూవీ.. మరో రెండు నెలలు ఓటీటీలోకి వచ్చే అవకాశాలు లేవు. కానీ మాంజ్యా  మూవీ దర్శకుడే తెరకెక్కించిన ‘కాకుడా’ అనే మరో హారర్ కామెడీ మూవీ జీ5 ఓటీటీ వేదికగా జులై 12 నుంచి స్ట్రీమింగ్ అవ్వనుంది.

మరిన్ని ఎంటర్టైన్‌మెంట్ వార్తల కోసం ఇక్కడ క్లిక్ చేయండి..