SS Rajamouli: రాజమౌళి ది గ్రేట్ అంటూ హాలీవుడ్ డైరెక్టర్స్ ప్రశంసలు.. ఆసక్తికర రిప్లై ఇచ్చిన జక్కన్న..
అవెంజర్స్ వంటి క్రేజీ సిరీస్ తెరకెక్కించిన రూసో బ్రదర్స్ ఇటీవల ది గ్రే మ్యాన్ సినిమాను రూపొందించిన సంగతి తెలిసిందే.
బాహుబలితో తెలుగు సినిమా స్థాయిని పాన్ ఇండియా లెవల్ కు తీసుకెళ్లారు జక్కన్న. బాహుబలి 1, బాహుబలి 2 సిరీస్లతో ఇండియన్ సినిమా స్థాయిని ప్రపంచానికి పరిచయం చేశాడు. ఈ మూవీతో యంగ్ టైగర్ ప్రభాస్ క్రేజ్ ఒక్కసారిగా మారిపోయింది. ప్రస్తుతం చేతినిండా భారీ బడ్జేట్ చిత్రాలతో ఫుల్ బిజీగా గడిపేస్తున్నాడు డార్లింగ్. ఇక ఇటీవల మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ ప్రధాన పాత్రలో తెరకెక్కించిన ఆర్ఆర్ఆర్ సైతం బాక్సాఫీస్ను షేక్ చేసింది. భారీ వసూళ్లు సాధించి రికార్డ్ క్రియేట్ చేసింది. తారక్, చరణ్ నటనకు, జక్కన్న స్క్రీన్ ప్లేకు ప్రపంచవ్యాప్తంగా ప్రేక్షకులు ఫిదా అయ్యారు. అభిమానులే కాకుండా సినీ విమర్శకులు సైతం జక్కన్నపై ప్రశంసలు కురిపించారు. తాజాగా హాలీవుడ్ ఫేమస్ డైరెక్టర్స్ రూసో బ్రదర్స్ సైతం రాజమౌళీని పొగడ్తలతో ముంచేత్తారు.
అవెంజర్స్ వంటి క్రేజీ సిరీస్ తెరకెక్కించిన రూసో బ్రదర్స్ ఇటీవల ది గ్రే మ్యాన్ సినిమాను రూపొందించిన సంగతి తెలిసిందే. ఈ క్రమంలోనే తాజాగా రాజమౌళి దర్శకత్వంకు ఫిదా అయ్యారు. ఆయనను కలవడం చాలా ఆనందంగా అనిపించింది అంటూ సోషల్ మీడియా వేదికగా తెలియజేశారు. ది గ్రేట్ రాజమౌళి అంటూ ప్రశంసలు కురిపించారు. రూసో బ్రదర్స్ చేసిన ట్వీట్ పై స్పందించారు జక్కన్న. తమను కలవడం తనకు చాలా సంతోషంగా ఉందని.. మరొకసారి వారిని కలిసి వారి క్రాఫ్ట్స్ నుంచి కొంతవరకు పని నేర్చుకోవాలని అనుకుంటున్నానని తెలిపారు. ప్రస్తుతం జక్కన్న చేసిన ట్వీట్ వైరల్ అవుతుంది.
ట్వీట్..
The honour and pleasure are mine..?? It was a great interaction . Looking forward to meet and learn a bit of your craft. https://t.co/NxrzuCv1w3
— rajamouli ss (@ssrajamouli) July 30, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
