Neha Shetty: అందుకే టిల్లు స్క్వేర్‌లో నటించ లేదు.. అసలు విషయం చెప్పిన నేహశెట్టి

కన్నడ ఇండస్ట్రీ నుంచి టాలీవుడ్ కు పరిచయమైనా ముద్దుగుమ్మ ఇక్కడ వరుస సినిమాలతో బిజీగా మారిపోయారు. ముఖ్యంగా రష్మిక, శ్రీలీల లాంటివారు సెన్సేషన్ అయ్యారు. ప్రస్తుతం స్టార్ హీరోయిన్స్ గా రాణిస్తున్నారు. ఇలా వారి బాటలో టాలీవుడ్ కు వచ్చిన ముద్దుగుమ్మే నేహా శెట్టి. ఈ మధ్య కాలంలో ఎక్కువగా వినిపిస్తున్న పేరు ఈ భామాదే. కన్నడ భాషలో సినిమాలు చేసిన ఈ చిన్నది 2016 లో హీరోయిన్ గా ఎంట్రీ ఇచ్చింది. ఆతర్వాత తెలుగులో అవకాశాలు అందుకుంది. పూరిజగన్నాథ్ తనయుడు ఆకాష్ పూరి హీరోగా నటించిన మెహబూబా సినిమాతో టాలీవుడ్ లోకి అడుగు పెట్టింది. మెహబూబా సినిమాలో రెండు విభిన్న పాత్రల్లో నటించి మెప్పించింది. తొలి సినిమాతోనే తన నటనతో ప్రేక్షకులను ఆకట్టుకుంది.

ఆ తర్వాత సందీప్ కిషన్ హీరోగా నటించిన గల్లీ రౌడీ సినిమాలో చేసింది. ఈమూవీలో తన గ్లామర్ తో ఆకట్టుకుంది. కానీ ఈ సినిమా ఆశించిన స్థాయిలో ప్రేక్షకులను అలరించలేకపోయింది. అఖిల్ అక్కినేని నటించిన మోస్ట్ ఎలిజిబుల్ బ్యాచిలర్ సినిమాలో చిన్న పాత్రలో మెరిసింది. ఆతర్వాత వచ్చిన డీజే టిల్లు సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. ఈ సినిమాలో రాధికా పాత్రలో నేహా నటన ప్రేక్షకులను ఓ రేంజ్ లో ఆకట్టుకుంది. ఆమె నటనకు అందానికి ప్రేక్షకులు ఫిదా అయ్యారు. ఇదిలా ఉంటే ఇప్పుడు టిల్లు స్క్వేర్ అనే టైటిల్ తో ఈ సినిమా కొనసాగింపు తెరకెక్కుతోంది.

ఈ సినిమా అనుపమ పరమేశ్వరన్ హీరోయిన్ గా నటిస్తుంది. టిల్లు స్క్వేర్ లో నటించకపోవడానికి కారణాన్ని తెలిపింది నేహా. తాజాగా ఈ ముద్దుగుమ్మ ఓ ఇంటర్వ్యూలో మాట్లాడుతూ.. రాధికా పాత్రకు మంచిపేరు వచ్చింది. డీజే టిల్లు సినిమాలో నటించడం చాలా ఆనందాన్ని ఇచ్చింది. అయితే ఈ మూవీ సీక్వెల్ పై నిర్మాతలు ముందు నుంచి క్లారిటీతో ఉన్నారు. డీజీ టిల్లు సినిమాకు.. ఇప్పుడు రానున్న సినిమాకు సంబంధం లేదు. అది వేరే కథ ఇది వేరే కథ. అందుకే నేను ఈ సినిమాలో హీరోయిన్ గా చేయడం లేదు అని తెలిపింది నేహా. అయితే చాలా మంది అభిమానులు టిల్లు స్క్వేర్ లో నటించకపోవడమతొ నిరాశపడ్డారు. నాకు రోజూ మెసేజ్ లు పెడుతున్నారు. మీరు నటించవచ్చుగా..  టిల్లుని అడగండి ఒక్కసారి అంటూ మెసేజ్ లు పెడుతున్నారు అని తెలిపింది నేహా.