Vijay Thalapathy : నిర్మాత ఆర్ బీ చౌదరి మృతి.. నివాళులు అర్పించిన విజయ్ తలపతి.. వీడియో వైరల్..

ప్రముఖ నిర్మాత ఆర్ బీ చౌదరి మృతితో సినీ లోకం తీవ్ర విషాదంలో మునిగిపోయింది. రాజస్తాన్ లోని ఉదయ్ పూర్ లో జరిగిన రోడ్డు ప్రమాదంలో ఆర్ బీ చౌదరి కన్నుమూశారు. ఆయన మృతితో దక్షిణదాది సినీ ప్రముఖులు దిగ్ర్భాంతికి గురయ్యారు. మెగాస్టార్ చిరంజీవితోపాటు టాలీవుడ్, కోలీవుడ్ హీరోలంతా ఆయన మృతి పట్ల సంతాపం వ్యక్తం చేశారు. హీరో జీవా ఆయన కుమారుడే.

Vijay Thalapathy, Rb Chaudh

Rajitha Chanti |
Updated on: May 06, 2026 | 8:52 PM

తమిళ చిత్ర పరిశ్రమలో అగ్రశ్రేణి నిర్మాతలలో ఒకరైన ఆర్‌బీ చౌదరి కన్నుముశారు. ఆయన మృతితో కోలీవుడ్ వర్గాల్లో తీవ్ర విషాదఛాయలు అలముకున్నాయి. ఎంతో మంది నటులను, సాంకేతిక నిపుణులను వెండితెరకు పరిచయం చేసి, ఎన్నో విజయవంతమైన చిత్రాలను నిర్మించిన చౌదరి, తమిళ సినిమా అభివృద్ధిలో కీలక పాత్ర పోషించారు. రాజస్తాన్ లోని ఉదయ్ పూర్ లో మంగళవారం జరిగిన రోడ్డు ప్రమాదంలో ఆయన మృతి చెందారు. ఆయన మరణవార్త తెలుసుకున్న వెంటనే, చిత్ర పరిశ్రమకు చెందిన ప్రముఖులు ఆయన నివాసానికి చేరుకుని నివాళులు అర్పించారు. మెగాస్టార్ చిరంజీవితోపాటు టాలీవుడ్ హీరోలంతా సోషల్ మీడియా వేదికగా ఆయన మృతి పట్ల సంతాపం వ్యక్తం చేశారు. మరోవైపు కోలీవుడ్ సినిమా ప్రముఖులు ఆర్ బీ భౌతిక కాయానికి నివాళులు అర్పించారు. గురువారం ఆయన అంత్యక్రియలు చెన్నైలో నిర్వహించనున్నారు.

ఎక్కువ మంది చదివినవి : Nayanthara : తెలుగులో ఆ హీరో చాలా స్పెషల్.. కలిసి నటించడం చాలా ఇష్టం.. నయనతార..

ఇదిలా ఉంటే.. తమిళ చలనచిత్ర పరిశ్రమలో ప్రముఖ నిర్మాత ఆర్‌బీ చౌదరి మృతి చెందడం పట్ల స్టార్ హీరో విజయ్ తీవ్ర దిగ్భ్రాంతిని వ్యక్తం చేశారు. ఆయన మృతికి నివాళులర్పిస్తూ విజయ్ తన సంతాపాన్ని ప్రకటించారు. స్టార్ హీరో విజయ్, నిర్మాత ఆర్‌బీ చౌదరితో ఎంతో కాలంగా మంచి అనుబంధాన్ని కలిగి ఉన్నారు. విజయ్ కెరీర్ లో అనేక హిట్ చిత్రాలను నిర్మించిన సూపర్ గుడ్ ఫిలిమ్స్ అధినేత కావడంతో, వీరిద్దరి మధ్య ఉన్న బంధం కేవలం నిర్మాత-నటుడు స్థాయిని దాటి మించినది. ఆయన మరణవార్త తెలియగానే విజయ్ తీవ్ర భావోద్వేగానికి లోనయ్యారు. ఆయన భౌతికకాయాన్ని సందర్శించి, కుటుంబ సభ్యులను పరామర్శించి, తన ప్రగాఢ సంతాపాన్ని తెలియజేశారు.

ఎక్కువ మంది చదివినవి : Ravi Babu : 12 ఏళ్లుగా నా బ్రేక్ ఫాస్ట్ ఇదే.. అందుకే ఇలా ఉన్నాను.. డైట్ సీక్రెట్ చెప్పిన రవి బాబు..

ఆర్ బీ చౌదరి దక్షిణాది చిత్రసీమలో 98 చిత్రాలను నిర్మించి, ఇప్పటివరకు అత్యధిక సంఖ్యలో కొత్త దర్శకులను పరిచయం చేసిన ఘనతను ఆయన కలిగి ఉండటం గమనార్హం. ముఖ్యంగా, నటుడు, విజయ్, ఆర్.పి. చౌదరి నిర్మించిన ‘పూవే ఉనక్కా’, ‘లవ్ టుడే’, ‘తుళ్ళడ మనముమ్ తుళ్ళుమ్’, ‘తిరుపాచ్చి’, ‘జిల్లా’ వంటి చిత్రాలు వచ్చాయి. విజయ్ స్వయంగా మైలాపూర్‌లోని ఆర్.పి. చౌదరి ఇంటికి వెళ్లి ఆయన భౌతికకాయానికి నివాళులు అర్పించారు. అనంతరం, ఆయన జీవా, జితన్ రమేష్‌లను ఓదార్చారు.