Thalapathy 67: దళపతి 67 గురించి అదిరిపోయే అప్డేట్ ఇచ్చిన మేకర్స్.. ఫ్యాన్ ఫుల్ ఖుష్

స్టార్ హీరో దళపతి విజయ్ నటించిన వారసుడు సినిమా ప్రస్తుతం థియేటర్స్‌లో సందడి చేస్తోంది. వంశీ పైడిపల్లి దర్శకత్వంలో వచ్చిన ఈ సినిమా సూపర్ హిట్ గా నిలిచింది. ఫ్యామిలీ ఎంటర్టైనర్ గా తెరకెక్కిన ఈ సినిమాలో దళపతి నటన, డాన్స్ ప్రేక్షకులను విపరీతంగా ఆకట్టుకున్నాయి. ఇదిలా ఉంటే ఇప్పుడు దళపతి నెక్స్ట్ సినిమా గురించి అభిమానులు ఎదురుచూస్తున్నారు. యాక్షన్ డైరెక్టర్ లోకేష్ కానగరాజ్ దర్శకత్వంలో విజయ్ సినిమా చేస్తున్నారు. గతంలో ఈ ఇద్దరి కాంబినేషన్ లో మాస్టర్ సినిమా వచ్చిన విషయం తెలిసిందే. ఈ సినిమా మంచి హిట్ అందుకుంది. అలాగే లోకేష్ రీసెంట్ గా కమల్ హాసన్ తో విక్రమ్ సినిమా చేశారు. ఈ సినిమా ఎంత పెద్ద విజయం సాధించిందో చెప్పాల్సిన అవసరం లేదు. ఇక ఇప్పుడు దళపతి67 ను 7 స్క్రీన్ స్టూడియో నిర్మిస్తోంది. తాజాగా ఈ సినిమానుంచి అదిరిపోయే అప్డేట్ ఇచ్చారు మేకర్స్. ఈ మేరకు ఒక ప్రెస్ నోట్ ను రిలీజ్ చేశారు.

“7 స్క్రీన్ స్టూడియో ప్రతిష్టాత్మక ప్రాజెక్ట్ అఫీషియల్ ఎనౌన్స్ మెంట్ మీకు అందిస్తున్నందుకు ఎంతో ఆనందంగా వుంది. మాస్టర్, వారిసు బ్లాక్ బస్టర్ విజయాల్ని అందుకున్న తర్వాత మూడవసారి దళపతి విజయ్ సర్‌తో కలిసి పని చేయడం మాకు సంతోషంగా, గర్వంగా ఉంది. ‘దళపతి 67’ అనే వర్కింగ్ టైటిల్ పెట్టిన ఈ ప్రాజెక్ట్‌కి ‘మాస్టర్’ క్రాఫ్ట్‌మ్యాన్ లోకేష్ కనగరాజ్ దర్శకత్వం వహిస్తున్నారు. ఎస్ ఎస్ లలిత్ కుమార్ నిర్మించగా, జగదీష్ పళనిసామి సహ నిర్మాత. జనవరి 2, 2023న ప్రారంభమైన షూటింగ్ శరవేగంగా జరుగుతోంది.

‘’మాస్టర్’ తో మాసీవ్ సక్సెస్ అందుకున్న దళపతి విజయ్, లోకేష్ కనగరాజ్ కలయికలో వస్తున్న రెండో ప్రాజెక్ట్ ఇది. కత్తి, మాస్టర్, బీస్ట్‌ చిత్రాలతో చార్ట్‌బస్టర్ ఆల్బమ్‌లను అందించిన రాక్‌స్టార్ అనిరుధ్ రవిచందర్‌.. ‘దలపతి 67’ కోసం నాల్గవ సారి విజయ్ తో కలసి పని చేస్తున్నారు”. అని తెలిపారు. ఇక దళపతి 67′ నటీనటులు, టీం కు సంబంధించిన మరిన్ని వివరాలు త్వరలో ఎనౌన్స్ చేయనున్నారు. ఈ సినిమా కోసం దళపతి ఫ్యాన్స్ ఈగర్ గా వెయిట్ చేస్తున్నారు.

The one & the only brand #Thalapathy67, is proudly presented by @7screenstudio ?

We are excited in officially bringing you the announcement of our most prestigious project ♥️

We are delighted to collaborate with #Thalapathy @actorvijay sir, for the third time. @Dir_Lokesh pic.twitter.com/0YMCbVbm97

— Seven Screen Studio (@7screenstudio) January 30, 2023