లాక్ డౌన్ లో సందీప్ సిక్స్‌ప్యాక్..సూప‌ర్ గురూ..!
యంగ్ హీరో సందీప్ కిష‌న్ కు ఇప్పుడు అర్జంట్ గా హిట్ అవ‌సరం. గ‌త కొన్నేళ్లుగా ఈ హీరో సాలిడ్ హిట్ కోసం ప్ర‌య‌త్నిస్తున్నాడు. గ‌తేడాది సందీప్ చేసిన.. 'నిను వీడని నీడను నేనే', 'తెనాలి రామకృష్ణ' సినిమాలు ఓ మోస్తారుగా ఆడాయి.
యంగ్ హీరో సందీప్ కిష‌న్ కు ఇప్పుడు అర్జంట్ గా హిట్ అవ‌సరం. గ‌త కొన్నేళ్లుగా ఈ హీరో సాలిడ్ హిట్ కోసం ప్ర‌య‌త్నిస్తున్నాడు. గ‌తేడాది సందీప్ చేసిన.. ‘నిను వీడని నీడను నేనే’, ‘తెనాలి రామకృష్ణ’ సినిమాలు ఓ మోస్తారుగా ఆడాయి. ప్రస్తుతం ఇత‌డు.. ‘A1 ఎక్స్ప్రెస్’ అనే ఫిల్మ్ చేస్తున్నా‌డు. ఇందులో హాకీ క్రీడాకారుడిగా అవ‌తారం ఎత్త‌బోతున్నా‌డు సందీప్. ఈ మూవీ ఇప్ప‌టికే ప‌లు షెడ్యూల్స్ కంప్లీట్ చేసుకుని..లాక్ డౌన్ కార‌ణంగా మిగిలిన చిత్రీక‌ర‌ణ ఆగిపోయింది.
అయితే ఈ గ్యాపును చ‌క్క‌గా వినియోగించుకున్నారు సందీప్ కిష‌న్. డైలీ వ‌ర్క‌వుట్స్ చేస్తూ సిక్స్‌ప్యాక్ సాధించి ఆట‌గాడికి ఉండాల్సిన ఫిట్‌నెస్ పొందారు. ఫేమ‌స్‌ ట్రైనర్‌ కుల్‌దీప్ ఆధ్వ‌ర్యంలో కసరత్తులు చేశా‌డు. ఈ సందర్భంగా తీసుకున్న ఫొటోను సోష‌ల్ మీడియాలో షేర్‌ చేశా‌డు. సందీప్ హార్డ్ వ‌ర్క్, పాత్ర కోసం అత‌డు ప‌డుతోన్న శ్ర‌మ చూసి నెటిజన్లు ప్రశంస‌లు కురిపిస్తున్నారు. ‘A1 ఎక్స్ప్రెస్’లో లావణ్య త్రిపాఠి హీరోయిన్ గా న‌టిస్తోంది. డెన్నీస్‌ జీవన్‌ దర్శక‌త్వం వ‌హిస్తోన్న ఈ మూవీలో.. మురళీ శర్మ, రావు రమేశ్‌, పోసాని లీడ్ రోల్స్ పోషిస్తున్నారు. హిప్‌హాప్ తమిజ సంగీతం అందిస్తున్నారు.
