Tollywood: అమ్మ పక్కన అమాయకంగా ఉన్న ఈ చిన్నోడు.. ఇప్పుడు తోపు యాక్టర్.. కనిపెట్టారా..?

కథా నాయకుడి మాత్రమే చేయాలని.. రూల్ పెట్టుకోవడం వేరు.. ఎలాంటి రోల్ అయినా సరే.. చేసేందుకు ముందుండటం వేరు. రెండవ ఆప్షన్ సెలక్ట్ చేసుకోవడం అంత తేలికైన వ్యవహారం కాదు. ఆ లిస్ట్‌లో దగ్గుబాటి వారి అబ్బాయ్ రానా ముందున్నాడు. క్యారెక్టర్ బాగుంటే చాలు.. ఎంతసేపు సినిమాలో ఉంటాం..? ఫైట్స్, సాంగ్స్ ఉన్నాయా..? అని చూడడు. సినిమాకు ఓకే చెప్పేస్తాడు. ఇక తనకు తానుగా కష్టపడి ఎదిగిన నటుడు నవీన్ చంద్ర సైతం రానా మార్గాన్నే అనుసరిస్తున్నాడు. ఒకవైపు హీరోగా మూవీస్ చేస్తూనే.. మరోవైపు ఇంపార్టెన్స్ ఉన్న క్యారెక్టర్ రోల్స్ చేస్తూ అదరగొడుతున్నాడు. అప్పుడప్పుడు విలన్ పాత్రల్లోనూ మెరుస్తున్నాడు. నవీన్ చంద్ర తెలుగు అబ్బాయే. కాకపోతే బళ్లారిలోని దేవి నగర్‌లో జన్మించాడు. అతని తండ్రి కర్నాటక రోడ్డు రవాణా సంస్థలో హెడ్ మెకానిక్. నవీన్ మెకానికల్ ఇంజినీరింగ్‌లో డిప్లొమా కంప్లీట్ చేశాడు. ఇండస్ట్రీకి రాకముందు మల్టీమీడియా యానిమేటర్‌గా కొన్నాళ్లు పనిచేశాడు.

2006లోనే చిత్రసీమకు వచ్చిన.. 2012లో వచ్చిన అందాల రాక్షసి చిత్రం ద్వారా అతడికి గుర్తింపు దక్కింది. ఆ తర్వాత హీరోగా పలు సినిమాలు చేసినా.. పెద్దగా లక్ కలిసిరాలేదు. దీంతో నేను లోకల్ సినిమాలో విలన్ ఛాయలు ఉన్న పాత్రలో నటించాడు. అప్పటి నుంచి అతడి సుడి తిరిగిపోయింది. అరవింద సమేత వీరరాఘవ మూవీలో లైఫ్ లాంగ్ గుర్తుండిపోయే రోల్ చేశాడు. ఆ తర్వాత ఓటీటీలో రిలీజైన భానుమతి & రామకృష్ణ మూవీతో హీరోగా మంచి హిట్‌ కొట్టాడు. వీరసింహారెడ్డి చిత్రంలోనూ అతడి రోల్ బాగుంటుంది. మొన్నామధ్య హీరోగా మంత్ ఆఫ్ మధు చిత్రం చేశాడు కానీ పెద్దగా వర్కువుట్ అవ్వలేదు.

మొత్తంగా హీరోగా మంచి విజయాలు దక్కకపోయినా.. తనను తాను ప్రూవ్ చేసుకునేందుకు వచ్చిన ప్రతి చాన్స్ వినియోగించుకుని.. ముందుకు సాగుతున్నాడు. తాజాగా అతడు తన మదర్‌తో చిన్నప్పుడు దిగిన ఫోటో నెట్టింట ట్రెండ్ అవుతోంది. అందులోని చిన్నోడు.. నవీన్ చంద్ర అంటే చాలామంది ఆశ్చర్యపోతున్నారు.

Naveen Chandra celebrates his Birthday with his mother…

Then and now #childhood #present pic.twitter.com/NXkpwkZi9p

— I Luv Cinema.IN (@ILuvCinemaIN) December 2, 2015

మరిన్ని సినిమా వార్తల కోసం క్లిక్ చేయండి..