Brahmanandam: యాడ్లో బ్రహ్మానందంతో కలిసి నటించిన ఈ అబ్బాయి ఎవరో తెలుసా..?
బ్రహ్మానందం.. టాలీవుడ్ ఇండస్ట్రీలో పరిచయం అక్కర్లేని పేరు. 1200 సినిమాల్లో నటించిన ఈ లెజెండరీ కమెడియన్ ఇప్పుడు కాస్త రెస్ట్ మోడ్లో ఉన్నారు. నచ్చిన కథలు వచ్చినపుడో.. నచ్చిన మనషులు వచ్చి తప్పకుండా మీరు చేయాలి అని అడిగినపుడో తప్ప సినిమాలు చేయడం లేదు బ్రహ్మీ. దీంతో గత కొన్నేళ్లుగా బ్రహ్మి చేస్తున్న సినిమాల సంఖ్య బాగా తగ్గిపోయింది.
Updated on: Feb 05, 2025 | 4:29 PM
బ్రహ్మానందం గురించి కొత్తగా చెప్పాల్సిందేమీ లేదు.. 1200 సినిమాల్లో నటించిన ఈ లెజెండరీ కమెడియన్ ఇప్పుడు కాస్త రెస్ట్ తీసుకుంటున్నాడు. నచ్చిన కథలు వచ్చినపుడో.. నచ్చిన మనషులు వచ్చి తప్పకుండా మీరు చేయాలి అని అడిగినపుడో తప్ప సినిమాలు చేయట్లేదీయన. కొన్నేళ్లుగా బ్రహ్మి చేస్తున్న సినిమాల సంఖ్య బాగా తగ్గిపోయిందిప్పుడు. అయితే ఇదే సమయంలో కేవలం సినిమాలు మాత్రమే కాదు.. యాడ్స్, వెబ్ సిరీస్లు కూడా చేస్తున్నాడు బ్రహ్మానందం. ఈ క్రమంలోనే తాజాగా ఈయన ఓ యాడ్ చేసాడు.. నీటికి సంబంధించిన ఎండోర్స్మెంట్ ఇది.
ఇందులో బ్రహ్మానందంతో పాటు ఓ అబ్బాయి నటించాడు. ఆ కుర్రాడిని చూస్తుంటే ఎక్కడో చూసామే అనే ఫీలింగ్ అయితే తప్పకుండా కలుగుతుంది. ఈ యాడ్ వచ్చినప్పటి నుంచి సోషల్ మీడియాలో ఈ కుర్రాడి గురించే ఎక్కువ చర్చ జరుగుతుంది. ఎక్కడో చూసామే.. కానీ గుర్తు రావట్లేదే అంటూ తలలు అలా పట్టుకుంటున్నారంతా. ఇంతకీ ఆ కుర్రాడెవరో తెలుసా..? లెజెండరీ కమెడియన్ సుధాకర్ కొడుకు బెన్నీ. ఒకప్పుడు సుధాకర్, బ్రహ్మానందం కాంబినేషన్లో వందల సినిమాలు వచ్చాయి. ఈ ఇద్దరూ కలిసి చేసిన కామెడీతో ఆడియన్స్ పొట్టలు చెక్కలయ్యాయి.
ఆ తర్వాత సుధాకర్ కాస్త నెమ్మదించాడు కానీ బ్రహ్మి మాత్రం దూసుకుపోయాడు. తన అనారోగ్యం కారణంగా సినిమాలకు కూడా దూరమయ్యాడు సుధాకర్. అయితే తన కొడుకు బెన్నీని మాత్రం ఇండస్ట్రీకి చేరువ చేయాలని చాలా రోజులుగా చూస్తున్నాడు. ఈ క్రమంలోనే బ్రహ్మానందం నటిస్తున్న యాడ్తో బెన్నీ ఇంట్రడ్యూస్ అయ్యాడు. అక్కడున్నది సుధాకర్ కొడుకు అని చాలా మందికి తెలియకపోవచ్చు కానీ బ్రహ్మితో కలిసి నటిస్తే ఎవరీ కుర్రాడు అనే చర్చ అయితే మొదలవుతుంది కదా..! మరి బ్రహ్మి ఇమేజ్ బెన్నీకి హెల్ప్ అవుతుందో లేదో చూడాలి.
బ్రహ్మానందంతో కలిసి కమెడియన్ సుధాకర్ కొడుకు బెన్నీ నటించిన యాడ్..
