సినిమాల్లోకి రాక ముందు విజయ్ సేతుపతి ఏం చేసేవారో తెలుసా..? అక్కడే పని చేసి అక్కడే తిని..
ఈరోజు స్టార్ హీరోలుగా సెలబ్రెటీ హోదాను అందుకుంటూ.. తమ నటనలో ఆకాశంలో ధ్రువ తారలా వెలుగుతున్న వారిని చూసి.. చాలామంది ఇన్స్పిరేషన్ గా తీసుకుంటే.. మరికొందరు వారి వైభవాన్ని చూసి అసూయపడతారు. కానీ ఈరోజు ఓ రేంజ్ లో ఫేమ్ ను సొంతం చేసుకున్న నటీనటుల్లో చాలామంది.. మొదట్లో ఎన్నో కష్ఠాలు పడినవారే.
Updated on: May 05, 2025 | 6:31 PM
లుక్స్ ముఖ్యం కాదు నటనే ముఖ్యం అని నిరూపించాడు స్టార్ హీరో విజయ్ సేతుపతి. ప్రతిభ ఉంటే ప్రేక్షకులే నెత్తిమీద పెట్టుకుంటారు అనడానికి ఉదాహరణ విజయ్ సేతుపతి. ఎంతో మంది అభిమాన నటుడు విజయ్ సేతుపతి. విజయ్ సేతుపతి క్రేజ్ గురించి ప్రత్యేకంగా చెప్పాల్సిన అవసరం లేదు. తమిళ్తోపాటు తెలుగు, హిందీలోనూ అభిమానులను సొంతం చేసుకున్నారు విజయ్. సినిమా రంగంలోకి రాకముందు విజయ్ చాలా కష్టమైన జీవితం గడిపారు. ఇప్పుడు స్టార్ గా ఎదిగిన తర్వాత కూడా ఆయన సాదాసీదా జీవితాన్ని గడుపుతున్నారు. మిగతా సెలబ్రెటీలలా హంగు ఆర్భాటాలు లేకుండా చాలా సింపుల్ గా ఉంటారు మక్కల్ సెల్వన్. విజయ్ సేతుపతి తన నటనతో ప్రేక్షకులను మెప్పించారు.
సహజమైన నటనతో మక్కల్ సెల్వన్ గా పేరు తెచ్చుకున్నాడు. విజయ్ సేతుపతి దుబాయ్లో అకౌంటెంట్ గా చేశారు. తర్వాత ఇండియాకు వచ్చి ఓ థియేటర్ కంపెనీలో అకౌంటెంట్గా చేరారు. ఆతర్వాత సినిమాల్లో చిన్న చిన్న పాత్రలు చేస్తూ సినిమాల్లో అవకాశాలు అందుకున్నారు. ఆతర్వాత హీరోగా మారి ప్రేక్షకులను సక్సెస్ అయ్యారు. ఆతర్వాత ఇప్పుడు విలన్ గా మెప్పిస్తున్నారు. ఓ వైపు హీరోగా సినిమాలు చేస్తూనే మరోవైపు విలన్ గా చేస్తూ రాణిస్తున్నారు. విభిన్నమైన కథలను ఎంచుకుంటూ దూసుకుపోతున్నారు.
అయితే విజయ్ సేతుపతి సినిమాల్లోకి రాక ముందు ఏం చేసేవాడో తెలుసా..? గతంలో ఓ ప్రోగ్రాం లో మాట్లాడుతూ.. తాను ఓ ఫాస్ట్ ఫుడ్ సెంటర్ లో పని చేశాను అని తెలిపారు. అలాగే విజయ్ మాట్లాడుతూ.. తన జీవితంలో ఎన్నో కష్టాలు పడినట్లు తెలిపారు.. కాలేజీ రోజుల్లో ఉన్నప్పుడు ఆర్థిక సమస్యల కారణంగా ఓ ఫాస్ట్ ఫుడ్ సెంటర్లో పనిచేసేవాడిని తెలిపారు విజయ్. సాయంత్రం ఏడు గంటల నుంచి రాత్రి 12:30 గంటలవరకు ఫాస్ట్ ఫుడ్ సెంటర్ లో పని చేస్తూ.. అక్కడే రాత్రి భోజనం కూడా చేసేవాడినని అప్పటి రోజులు గుర్తు చేసుకున్నారు విజయ్. అంతే కాదు దుబాయ్ లో అకౌంటెంట్ గాను పని చేశారు విజయ్ సేతుపతి. ఆతర్వాత సినిమాలపై మక్కువతో.. చిన్న చిన్న పాత్రల్లో నటించారు. ఆతర్వాత హీరోగా మారారు విజయ్. ఇక విజయ్ సేతుపతి సినిమాల విషయానికొస్తే.. ప్రస్తుతం పూరిజగన్నాథ్ దర్శకత్వంలో ఓ సినిమా చేస్తున్నారు విజయ్ సేతుపతి.
మరిన్ని సినిమా వార్తల కోసం ఇక్కడ క్లిక్ చేయండి
