Aarya Movie: ఆర్య సినిమాకు తరుణ్కు మధ్య ఉన్న లింకేంటో తెలుసా.. ? అల్లు అర్జున్ ఏం చేప్పారంటే..
ఆర్య విడుదలై 20 ఏళ్లు పూర్తైన సందర్భంగా నిన్న హైదరాబాద్ లో ఓ భారీ ఈవెంట్ ఏర్పాటు చేశారు మేకర్స్. ఈ వేడుకకు ఆర్య టీమ్ మొత్తం హజరైంది. ఈ సందర్భంగా అల్లు అర్జున్ ఆసక్తికర విషయాలను పంచుకున్నారు. ఈ సినిమా కచ్చితంగా వంద రోజులు ఆడుతుందని ఎంతో బలంగా నమ్మానని..కానీ ఫస్ట్ షో పడిన తర్వాత అందరూ పది వారాలే ఆడుతుందని రిపోర్ట్ ఇచ్చారని..
స్టైలీష్ స్టార్ అల్లు అర్జున్ కెరీర్ మలుపు తిప్పిన సినిమా ఆర్య. రొటిన్ లవ్ స్టోరీలా కాకుండా వన్ సైడ్ లవ్ అంటూ సరికొత్త ప్రేమకథను తెలుగు యూత్ ముందుకు తీసుకువచ్చారు డైరెక్టర్ సుకుమార్. అటు కంటెంట్.. ఇటు మ్యూజిక్ పరంగా బ్లాక్ బస్టర్ హిట్ అయ్యింది ఈ మూవీ. ఆర్య విడుదలై 20 ఏళ్లు పూర్తైన సందర్భంగా నిన్న హైదరాబాద్ లో ఓ భారీ ఈవెంట్ ఏర్పాటు చేశారు మేకర్స్. ఈ వేడుకకు ఆర్య టీమ్ మొత్తం హజరైంది. ఈ సందర్భంగా అల్లు అర్జున్ ఆసక్తికర విషయాలను పంచుకున్నారు. ఈ సినిమా కచ్చితంగా వంద రోజులు ఆడుతుందని ఎంతో బలంగా నమ్మానని..కానీ ఫస్ట్ షో పడిన తర్వాత అందరూ పది వారాలే ఆడుతుందని రిపోర్ట్ ఇచ్చారని.. కొత్త డైరెక్టర్ తీసిన సినిమా పది వారాలే ఆడుతుందని చాలా మంది అన్నారని.. దీంతో తనకు చాలా కోపం వచ్చేదని అన్నారు.
125 రోజులు ఆడకపోతే కచ్చితంగా తన పేరు మార్చుకుంటా అని తన తండ్రితో చెప్పినట్లు గుర్తుచేస్కున్నారు అల్లు అర్జున్. అనుకున్నట్లుగానే చిరంజీవి చేతుల మీదుగా 125 షీల్డ్ అందుకున్నానని అన్నారు. ఇక గంగోత్రి సినిమా తర్వాత చాలా కాలం వెయిట్ చేశానని.. ఆ మూవీ హిట్ ఉపయోగించుకోలేకపోయానని అన్నారు. ఈ సినిమా విడుదలైన ఏడాది వరకు తనకు ఏ సినిమా రాలేదని.. రోజుకు మూడు స్టోరీలు విన్నా.. ఎందులోనూ మ్యాజిక్ కనిపించలేదని అన్నారు.
ఆ సమయంలో హీరో తరుణ్ తనకు ఫోన్ చేసి దిల్ సినిమా స్పెషల్ స్క్రీనింగ్ వేస్తున్నారు వెళ్దామా అని అడగడంతో ఇద్దరం కలిసి వెళ్లామని.. అప్పుడే మొదటిసారి సుకుమార్ ను కలిశానని అన్నారు. అప్పుడే ఆర్య స్టోరీ చెప్పారని.. ప్రతీ సీన్ మైండ్ బ్లోయింగ్ గా అనిపించడంతో.. మనకు ఇడియట్ లాంటి స్టోరీ పడితే ఎలా ఉంటుందా అని అనుకునేవాడినని.. ఆర్య సినిమానే తన ఇడియట్ మూవీ అన్నారు బన్నీ. ప్రస్తుతం ఈ కామెంట్స్ నెట్టింట వైరలవుతున్నాయి.
మరిన్ని సినిమా వార్తల కోసం ఇక్కడ క్లిక్ చేయండి.
