Pokiri Movie: అరెరే.. క్రేజీ ఛాన్స్ మిస్సయ్యావు కదన్నా.. పోకిరి సినిమాను ఆ హీరో కోసం రాసుకున్న పూరి.. చివరకు..

సూపర్ స్టార్ మహేష్ బాబు న్యూలుక్ ఫోటో ఇప్పుడు సోషల్ మీడియాను షేక్ చేస్తోంది. లాంగ్ హెయిర్, గుబురు గడ్డంతో హాలీవుడ్ హీరోలా కనిపిస్తున్నాడు. డైరెక్టర్ రాజమౌళి తెరకెక్కిస్తున్న సినిమాలో మహేష్ ఇదే లుక్ లో కనిపించనున్నాడని ప్రచారం జరుగుతుండడంతో ఫ్యాన్స్ తెగ సంబరపడిపోతున్నారు. ఈ చిత్రానికి సంబంధించిన అప్డేట్స్ ఎప్పుడెప్పుడు వస్తాయా అని వేయి కళ్లతో వెయిట్ చేస్తున్నారు.

Pokiri Movie

Rajitha Chanti |
Updated on: Apr 30, 2025 | 8:08 AM

సూపర్ స్టార్ మహేష్ బాబు కెరీర్ మలుపు తిప్పిన చిత్రాల్లో పోకిరి ఒకటి. అప్పటివరకు లవర్ బాయ్ ఇమేజ్ సొంతం చేసుకున్న మహేష్.. ఈ సినిమాతో మాస్ యాక్షన్ హీరోగానూ దుమ్మురేపాడు. డైరెక్టర్ పూరి జగన్నాథ్ తెరకెక్కించిన ఈ చిత్రానికి అప్పట్లో భారీ రెస్పాన్స్ వచ్చింది. రూ.10 కోట్ల బడ్జెట్ తో నిర్మించిన ఈ సినిమా దాదాపు 70 కోట్లకు పైగా వసూళ్లు రాబట్టి సరికొత్త రికార్డ్స్ సృష్టించింది. మహేష్, పూరిల కాంబోలో వచ్చిన ఈ సినిమా బాక్సాఫీస్ వద్ద సత్తా చాటింది. ఎలాంటి అంచనాలు లేకుండా వచ్చి థియేటర్లలో రికార్డ్స్ తిరగరాసింది ఈ చిత్రం. ఇప్పటికీ ఈ సినిమా క్రేజ్ ఏమాత్రం తగ్గలేదు. ఇటీవల రీరిలీజ్ అయిన బాక్సాఫీస్ వద్ద మరోసారి సంచనలం సృష్టించింది. ఈ సినిమా విడుదలై ఏప్రిల్ 28 నాటికి 19 సంవత్సరాలు పూర్తయ్యాయి.

ఈ క్రమంలోనే ఈ సినిమాకు సంబంధించి కొన్ని ఆసక్తికర విషయాలు తెలుసుకుందాం. మహేష్ బాబు ప్రధాన పాత్రలో డేరింగ్ అండ్ డాషింగ్ డైరెక్టర్ పూరి జగన్నాథ్ తెరకెక్కించిన ఈ సినిమా 2006లో విడుదలైన సంగతి తెలిసిందే. నిజానికి ఈ సినిమా కథను పూరి రాసుకుంది మహేష్ కోసం కాదట. ఈ మూవీ విడుదలకు ఆరేళ్ల ముందుగానే తన తొలి చిత్రం బద్రి కన్నా ముందే ఈ సినిమా స్క్రిప్ట్ రాసుకున్నారట. ముందుగా ఈ చిత్రానికి హీరోగా మాస్ మాహరాజా రవితేజను అనుకున్నారట. ఉత్తమ సింగ్.. సన్నాఫ్ సూర్య నారాయణ అనే టైటిల్ తో రవితేజ హీరోగా ఈ చిత్రాన్ని రూపొందించాలనుకున్నారట. కానీ కొన్ని కారణాలతో ఈ ప్రాజెక్ట్ పట్టాలెక్కలేదు. కొన్నాళ్ల తర్వాత ఇదే స్టోరీ మహేష్ వద్దకు వెళ్లింది. ఇక మహేష్ హీరోగా అనుకున్నాక స్క్రిప్ట్ లో కొన్ని మార్పులు చేసి పోకిరి టైటిల్ తో తెరకెక్కించారట పూరి.

అలాగే ఈ సినిమాలో మహేష్ సరసన ముందుగా అనుకున్న హీరోయిన్ అయేషా టకియా. కానీ ఆమె కొన్ని కారణాలతో ఈ పాత్రను రిజెక్ట్ చేయడంతో చివరకు ఆఫర్ బాలీవుడ్ క్వీన్ కంగనా వద్దకు చేరింది. కానీ అప్పటికే ఆమె బాలీవుడ్ మూవీ గ్యాంగ్ స్టర్ కు సెలక్ట్ కావడంతో ఈ ప్రాజెక్ట్ వదులుకుంది. చివరకు ఈ సినిమా ఛాన్స్ ఇలియానాను వరించింది. ఈ మూవీతో అటు మహేష్.. ఇటు ఇలియానాకు మంచి క్రేజ్ వచ్చేసింది. వీరిద్దరి జోడి, కెమిస్ట్రీ ప్రేక్షకులను ఆకట్టుకుంది. ఇక చిత్రంలోని ప్రతి సాంగ్ సూపర్ హిట్ అయిన సంగతి తెలిసిందే.