Kotha Bangaru Lokam: ‘కొత్త బంగారు లోకం’ సినిమాను మిస్ చేసుకున్న హీరోలు వీరే.. ఆ ఇద్దరు చేసుంటే..

టాలీవుడ్ ఇండస్ట్రీలో వన్ ఆఫ్ ది బ్లాక్ బస్టర్ హిట్ మూవీ ‘కొత్త బంగారు లోకం’. 2008లో విడుదలైన ఈ సినిమా బాక్సాఫీస్‏ను షేక్ చేసింది. అప్పట్లో ఈ చిత్రం యూత్‏కు తెగ నచ్చేసింది. డైరెక్టర్ శ్రీకాంత్ అడ్డాల దర్శకత్వం వహించిన ఈ సినిమాలో యంగ్ హీరో వరుణ్ సందేశ్, శ్వేత బసు ప్రసాద్ జంటగా నటించారు. ఈ సినిమాలోని కథ.. పాటలు విశేషంగా ఆకట్టుకున్నాయి. కాలేజీ, హాస్టల్ నేపథ్యంలో సన్నివేశాలకు కుర్రకారు ఫిదా అయ్యారు. ఇక ఈ సినిమాలోని సాంగ్స్ ఇప్పటికీ ఏదోక చోట వినిపిస్తూనే ఉంటాయి. అంతేకాకుండా ఈ మూవీలోని డైలాగ్స్ సైతం తెగ ట్రెండ్ అయ్యాయి. ‘ఎ.. క.. డ ?..’ అంటూ హీరోయిన్ చెప్పే డైలాగ్.. వరుణ్ సందేశ్ మేనరిజం అప్పట్లో యూత్ కు ఫేవరేట్ అయ్యాయి. ఈ సినిమాతో అమ్మాయిల్లో వరుణ్ సందేశ్ కు ఫాలోయింగ్ అమాంతం పెరిగిపోయింది. ఇప్పటికీ ఈ సినిమాకు ప్రత్యేకంగా అభిమానులు ఉన్నారు. ఈ సినిమాతో ఓవర్ నైట్ స్టార్ డమ్ అందుకున్నారు వరుణ్. కానీ ఆ తర్వాత ఆయన సినిమా ఎంపికల్లో చేసిన పొరపాటుతో వరుస డిజాస్టర్స్ అందుకున్నారు. ఆ తర్వాత మెల్లిగా అతడికి అవకాశాలు దూరమయ్యాయి. ఇప్పుడిప్పుడే సెకండ్ ఇన్నింగ్స్ స్టార్ట్ చేశాడు వరుణ్.

ఇదంతా పక్కన పెడితే.. వరుణ్ సందేశ్ కాకుండా ‘కొత్త బంగారు లోకం’ సినిమా కోసం ముందుగా ఇద్దరు హీరోలను సంప్రదించారట. కానీ ఆ ఇద్దరు వదిలేయడంతో ఆ ఛాన్స్ వరుణ్ వద్దకు వచ్చింది. ఇంతకీ ఆ హీరోలు ఎవరా అనుకుంటున్నారా ?.. ఆ ఇద్దరే నాగచైతన్య… రామ్ పోతినేని. అప్పటికే ఆర్య, బొమ్మరిల్లు సినిమాలకు అసిస్టెంట్ డైరక్టర్ గా పనిచేసిన శ్రీకాంత్ అడ్డాల.. బొమ్మరిల్లు సినిమాతో దర్శకుడిగా పరిచయం కావాలనుకున్నారు. కానీ తన సినిమాకు స్టార్ హీరో కాకుండా కొత్త హీరో కావాలనుకున్నారు. అదే సమయంలో అక్కినేని నాగార్జున తనయుడు నాగచైతన్య తెరంగేట్రం చేసేందుకు సిద్ధంగా ఉన్నారనే సంగతి తెలిస నాగార్జునను సంప్రదించారట. కథ విన్న నాగ్.. యాక్షన్ నేపథ్యం ఉంటే బాగుంటుందనే అభిప్రాయం వ్యక్తం చేశారట. ఇక ఆ తర్వాత ఎనర్జిటిక్ స్టార్ రామ్ పోతినేనిని కలిసి ఈ మూవీ స్టోరీ చెప్పారట శ్రీకాంత్.

కథ విన్న రామ్.. ఈ మూవీలో హీరో పాత్ర కాలేజీ స్టూడెంట్ కావడంతో తనకు సెట్ కాదని నో చెప్పారట. ఇక మరో హీరో కోసం వెతుకుతుండగా.. శేఖర్ కమ్ముల తెరకెక్కించిన హ్యాపీడేస్ సినిమా బాగుందని.. అందులోని ఓ కుర్రాడు బాగున్నాడని ఎడిటర్ కె.వెంకటేశ్ సలహా ఇచ్చారట. దీంతో హ్యాపీడేస్ సినిమా చూసిన శ్రీకాంత్, నిర్మాత దిల్ రాజు వరుణ్ సందేశ్ ను హీరోగా సెలక్ట్ చేశారట. అలా వచ్చిన ఈ సినిమా వరుణ్ కెరీర్ కు టర్నింగ్ పాయింట్ అయ్యింది.

మరిన్ని సినిమా వార్తల కోసం ఇక్కడ క్లిక్ చేయండి.