Director Prashanth Neel : డైరెక్టర్ ప్రశాంత్ నీల్ రెమ్యూనరేషన్..! KGF 2 సినిమాకి ఎంత తీసుకున్నాడో తెలుసా..?

Director Prashanth Neel : దక్షిణ భారత సినిమా టాప్ డైరెక్టర్ ఎవరు అని అడిగినప్పుడు మొదటి వరుసలో ఎస్.ఎస్.

Director Prashanth Neel

uppula Raju |
Updated on: Jun 09, 2021 | 7:58 PM

Director Prashanth Neel : దక్షిణ భారత సినిమా టాప్ డైరెక్టర్ ఎవరు అని అడిగినప్పుడు మొదటి వరుసలో ఎస్.ఎస్. రాజమౌలి, శంకర్, ప్రశాంత్ నీల్ పేర్లు వినిపిస్తాయి. రాజమౌళి డైరెక్ట్ చేసిన బాహుబలి సినిమా భారతదేశంలోనే కాదు విదేశాలలో కూడా గొప్ప పేరు సంపాదించింది. ఆధునిక సాంకేతిక పరిజ్ఞానాన్ని అభ్యసిస్తూ రోబో సినిమాగా తీసిన గొప్ప వ్యక్తి తమిళ దర్శకుడు శంకర్. ఇప్పుడు మూడో వ్యక్తి KGF సినిమాతో సత్తా చాటిన ప్రశాంత్ నీల్. రాకింగ్ స్టార్ యష్ నటించిన KGF సినిమాని బొంబాయి ఫిల్మ్స్ నిర్మించింది. ఇది భారతీయ సినిమాల్లో చక్కటి గుర్తింపును సంపాదించింది. ఈ చిత్రం కొనసాగింపుగా KGF పార్ట్ 2 కూడా విడుదలకు సిద్ధంగా ఉంది. ఇప్పటికే దీని ట్రైలర్ యూట్యూబ్‌లో ఆల్ టైమ్ రికార్డ్ క్రియేట్ చేసింది.

KGF 2 విడుదలకు దాదాపుగా సిద్ధంగా ఉంది. కన్నడ సూపర్ స్టార్ యశ్, శ్రీనిధి శెట్టి, రవీనా, సంజయ్ దత్, ప్రకాష్ రాజ్, అనేక ఇతర తారలు ఈ చిత్రంలో నటించారు. ఇదిలా ఉంటే టాలీవుడ్ హీరో ప్రభాస్ హీరోగా మరో కొత్త సినిమాకు ప్రశాంత్ నీల్ యాక్షన్ కట్ చేయబోతున్నాడు. ఇప్పటికే సలార్ సినిమాను అనౌన్స్ చేసిన సంగతి తెలిసిందే. అంతేకాదు నీల్ జూనియర్ ఎన్‌టీఆర్‌తో కూడా మరో కొత్త ప్రాజెక్టుపై సంతకం చేశాడు. సినిమా పరిశ్రమ నుంచి వచ్చిన సమాచారం ప్రకారం.. అలైడ్ మూవీ మేకర్స్ బ్యానర్ ప్రశాంత్ నీల్ కు 15 కోట్ల చెక్కుతో స్వాగతం పలికారని తెలిసింది. కన్నడలో ప్రస్తుతం అత్యధిక పారితోషికం తీసుకునే దర్శకుడిగా ప్రశాంత్ నీల్ వ్యవహరిస్తున్నట్లు తెలుస్తోంది.

ఇటీవల మీడియాతో మాట్లాడిన ప్రశాంత్ నీల్ తన పారితోషికం గురించి అడిగినప్పుడు స్పందించారు. ” నేను అత్యధిక పారితోషికం తీసుకునే దర్శకుడిని అని ఇప్పుడు నాకు అనిపించదు. ఇది చర్చించవలసిన విషయం అని కూడా అనుకోను. అది నా వ్యక్తిగత అభిప్రాయం” అన్నారు. మొత్తానికి కన్నడ నాట డైరెక్టర్ ప్రశాంత్ నీల్ పేరు ఈ విధంగా మార్మోగుతుంది.