AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఒక చేతిలో 3 యాపిల్స్, 4 ఆరెంజ్‌లు.. మరో చేతిలో 4 యాపిల్స్, 3 ఆరెంజ్‌లు ఉంటే మీ దగ్గర ఏముంటాయి? UPSC ఇంటర్వ్యూ ప్రశ్న

UPSC సివిల్ సర్వీసెస్ ఇంటర్వ్యూలో అభ్యర్థులకు ఎదురయ్యే ప్రశ్నలు ఒక్కోసారి ఎంతో ఆసక్తికరంగా ఉంటాయి. ఒక చేతిలో మూడు యాపిల్స్, నాలుగు ఆరెంజ్‌లు.. మరో చేతిలో నాలుగు యాపిల్స్, మూడు ఆరెంజ్‌లు ఉంటే ఏముంటుంది? అని అడిగిన ప్రశ్నకు అభ్యర్థి ఇచ్చిన సమాధానం చమత్కారంగా ఉంది. అసలు ఈ ప్రశ్న వెనుక ఉన్న ఆలోచన ఏమిటి? UPSC ఇంటర్వ్యూలో ఇలాంటి ప్రశ్నలు ఎందుకు అడుగుతారు? తెలుసుకుందాం..

ఒక చేతిలో 3 యాపిల్స్, 4 ఆరెంజ్‌లు.. మరో చేతిలో 4 యాపిల్స్, 3 ఆరెంజ్‌లు ఉంటే మీ దగ్గర ఏముంటాయి? UPSC ఇంటర్వ్యూ ప్రశ్న
UPSC Interview Tricky Question
Srilakshmi C
|

Updated on: Nov 17, 2026 | 6:00 PM

Share

UPSC ఇంటర్వ్యూ అంటే కేవలం పుస్తకాల్లోని ప్రశ్నలకు సమాధానాలు చెప్పడం మాత్రమే కాదు. అభ్యర్థి ఆలోచనా విధానం, సమయస్ఫూర్తి, తెలివితేటలు, హాస్యచతురతను కూడా పరీక్షించే వేదిక. అందుకే కొన్నిసార్లు ఇంటర్వ్యూ బోర్డు అడిగే ప్రశ్నలు చాలా సులభంగా కనిపించినప్పటికీ వాటి వెనుక ఆసక్తికరమైన ఆలోచన దాగి ఉంటుంది. అలాంటి ఓ ప్రశ్న, దానికి ఇచ్చిన చమత్కారమైన సమాధానం ఇప్పుడు ఆసక్తికరంగా మారింది. ఈ ప్రశ్నను యూపీఎస్సీలో 11వ ర్యాంకు సాధించి ఐపీఎస్‌ ఎంపిక చేసుకున్న అభ్యర్ధిని అడిగారు. UPSC ఇంటర్వ్యూలో అడిగిన ఆసక్తికరమైన ప్రశ్న ఇదే!

ఒక అభ్యర్థిని యూపీఎస్సీ ఇంటర్వ్యూ చేస్తున్న సమయంలో బోర్డు సభ్యులు ఇలా ప్రశ్నించినట్లు ప్రచారంలో ఉంది.

ప్రశ్న:

‘If you had three apples and four oranges in one hand and four apples and three oranges in the other hand, what would you have?’

అంటే.. మీ ఒక చేతిలో మూడు యాపిల్స్, నాలుగు ఆరెంజ్‌లు ఉన్నాయి. మరో చేతిలో నాలుగు యాపిల్స్, మూడు ఆరెంజ్‌లు ఉన్నాయి. ఇప్పుడు మీ దగ్గర ఏముంటుంది? అని అడిగారు.

ఈ ప్రశ్న వినగానే చాలామందికి వెంటనే లెక్కలు గుర్తుకు వస్తాయి. ఒక చేతిలో మూడు యాపిల్స్, నాలుగు ఆరెంజ్‌లు అంటే మొత్తం ఏడు పండ్లు. మరో చేతిలో నాలుగు యాపిల్స్, మూడు ఆరెంజ్‌లు అంటే మరో ఏడు పండ్లు. మొత్తం కలిపితే ఏడు యాపిల్స్, ఏడు ఆరెంజ్‌లు.. అంటే 14 పండ్లు అని సమాధానం చెబుతారు. కానీ ఇంటర్వ్యూ బోర్డు ఆశించిన సమాధానం మాత్రం దీనికి భిన్నంగా ఉంటుందని ఈ ప్రశ్న ప్రత్యేకతను వివరిస్తున్నారు. అభ్యర్థి ఇచ్చిన సమాధానం వింటే నవ్వు రావాల్సిందే!

ఇవి కూడా చదవండి

ఈ ప్రశ్నకు అభ్యర్థి ఇచ్చిన సమాధానం:

‘Very Large Hands!’ అంటే.. చాలా పెద్ద చేతులు!

ఈ సమాధానం వినడానికి సరదాగా ఉన్నప్పటికీ ఇందులో చక్కటి ఆలోచనా కోణం ఉంది. ఎందుకంటే ప్రశ్నలో రెండు చేతుల్లోనూ ఏడు చొప్పున పండ్లు పట్టుకున్నట్లు చెప్పారు. ఒక వ్యక్తి రెండు చేతుల్లో కలిపి 14 పండ్లు పట్టుకోవాలంటే అతనికి చాలా పెద్ద చేతులు ఉండాలని అభ్యర్థి చమత్కారంగా స్పందించారు. సాధారణంగా ప్రశ్నలోని సంఖ్యలను చూసి లెక్కలు వేయడం కాకుండా, ఆ పరిస్థితిని ఊహించి సమాధానం చెప్పడం ద్వారా తన హాస్యచతురతను ప్రదర్శించారు.

ఈ ప్రశ్న వెనుక ఉన్న అసలు ఉద్దేశం ఏమిటి?

UPSC సివిల్ సర్వీసెస్ పర్సనాలిటీ టెస్ట్‌లో అభ్యర్థికి ఉన్న పుస్తక జ్ఞానంతో పాటు మరికొన్ని ముఖ్యమైన లక్షణాలను కూడా పరిశీలిస్తారు.

  • సమయస్ఫూర్తి: ప్రశ్న అడిగిన వెంటనే తొందరపడకుండా ఆలోచించి సమాధానం చెప్పగలరా?
  • భిన్నంగా ఆలోచించే సామర్థ్యం: అందరూ ఒకే విధంగా ఆలోచిస్తున్నప్పుడు కొత్త కోణంలో సమాధానం ఇవ్వగలరా?
  • హాస్యచతురత: ఒత్తిడితో కూడిన పరిస్థితుల్లోనూ ప్రశాంతంగా, సహజంగా స్పందించగలరా?
  • పరిశీలనా శక్తి: ప్రశ్నలోని పదాలను జాగ్రత్తగా గమనించి, వాటి వెనుక ఉన్న భావాన్ని అర్థం చేసుకోగలరా?
  • ఆత్మవిశ్వాసం: తన ఆలోచనను భయపడకుండా, స్పష్టంగా వ్యక్తపరచగలరా?

UPSC ఇంటర్వ్యూలో ఇలాంటి ప్రశ్నలు ఎందుకు అడుగుతారు?

యూనియన్ పబ్లిక్ సర్వీస్ కమిషన్ నిర్వహించే సివిల్ సర్వీసెస్ పర్సనాలిటీ టెస్ట్‌లో అభ్యర్థి వ్యక్తిత్వాన్ని అంచనా వేయడానికి ప్రయత్నిస్తారు. ముఖ్యంగా పరిపాలనా బాధ్యతలు చేపట్టబోయే వ్యక్తికి నిర్ణయాలు తీసుకునే సామర్థ్యం, తార్కిక ఆలోచన, సమతుల్య వైఖరి, ప్రజలతో వ్యవహరించే నైపుణ్యం అవసరం. ఒక అధికారి తన విధుల్లో ఎన్నో రకాల పరిస్థితులను ఎదుర్కోవాల్సి ఉంటుంది. కొన్నిసార్లు ఊహించని సమస్యలు ఎదురవుతాయి. అలాంటి సమయంలో సమస్యను అర్థం చేసుకుని, అందుబాటులో ఉన్న సమాచారంతో సరైన నిర్ణయం తీసుకోవాలి. అందుకే ఇంటర్వ్యూలో సాధారణ ప్రశ్నలతో పాటు ఆలోచింపజేసే ప్రశ్నలు కూడా ఎదురవుతుంటాయి. అయితే ప్రతి సరదా ప్రశ్నకు ఒకే సరైన సమాధానం ఉంటుందని భావించకూడదు. అభ్యర్థి ఇచ్చే సమాధానం వెనుక ఉన్న తర్కం, దాన్ని వివరించే విధానం కూడా ముఖ్యం.

ఇలాంటి ప్రశ్నలకు సమాధానం చెప్పేటప్పుడు గుర్తుంచుకోవాల్సిన విషయాలు

  • ప్రశ్న పూర్తిగా వినాలి. మధ్యలోనే సమాధానం చెప్పడానికి తొందరపడకూడదు.
  • ప్రశ్నను ఒకటి కంటే ఎక్కువ కోణాల్లో ఆలోచించాలి.
  • అవసరమైతే ప్రశ్నలోని అసలు ఉద్దేశాన్ని అర్థం చేసుకోవాలి.
  • సమాధానం చెప్పేటప్పుడు ఆత్మవిశ్వాసంతో ఉండాలి.
  • తెలియని ప్రశ్న ఎదురైతే ఊహించి తప్పుగా చెప్పడం కంటే నిజాయితీగా స్పందించాలి.
  • హాస్యంగా సమాధానం చెప్పినా అది సందర్భానికి తగినట్లుగా ఉండాలి.

UPSC ఇంటర్వ్యూలో విజయం సాధించాలంటే కేవలం ఎక్కువ పుస్తకాలు చదవడం మాత్రమే కాదు.. మనం ఎంత చక్కగా ఆలోచిస్తున్నాం, ఎంత ప్రశాంతంగా స్పందిస్తున్నాం, మన అభిప్రాయాలను ఎంత స్పష్టంగా వ్యక్తపరుస్తున్నాం అన్నవి కూడా ముఖ్యమే. మూడు యాపిల్స్, నాలుగు ఆరెంజ్‌లతో మొదలైన ఈ చిన్న ప్రశ్న మనకు ఒక విషయాన్ని గుర్తుచేస్తుంది. ప్రతి ప్రశ్నకు సమాధానం లెక్కల్లోనే ఉండాల్సిన అవసరం లేదు.. కొన్నిసార్లు మన ఆలోచనా విధానమే అసలైన సమాధానం అవుతుంది!

Follow Us