Guna Sekhar: సెట్లో ఒకసారి ఎన్టీఆర్ను తిట్టానని.. ఆయన తల్లి ఏం చేసిందంటే
గుణశేఖర్ బాలరామాయణం నిర్మాణం వెనుక ఉన్న సవాళ్లు, నిర్మాత ఎమ్మెస్ రెడ్డి ప్రారంభంలో వ్యక్తం చేసిన సందేహాలు, అలాగే జూనియర్ ఎన్టీఆర్ నటన గురించి వివరించారు. షూటింగ్లో శివధనస్సు విరిగినప్పుడు చిన్నారి ఎన్టీఆర్ చేసిన అల్లరి.. ఆ వివరాలు ఇలా ఉన్నాయి..
టాలీవుడ్ దర్శకుడు గుణశేఖర్ తన కెరీర్లో అత్యంత విజయవంతమైన చిత్రాలలో ఒకటైన బాలరామాయణం వెనుక ఉన్న అనేక ఆసక్తికరమైన విషయాలను ఓ ఇంటర్వ్యూలో పంచుకున్నారు. ఈ చిత్ర నిర్మాణం తన మూడో సినిమా అయినప్పటికీ, అది రిస్క్ కాదని, అది పెద్ద జాక్పాట్ కొట్టగలననే తన నమ్మకానికి నిదర్శనమని ఆయన స్పష్టం చేశారు. ఈ విజయం తర్వాతే తాను చిరంజీవి లాంటి పెద్ద స్టార్తో చూడాలని ఉంది చిత్రాన్ని తీయగలిగానని తెలిపారు. గుణశేఖర్ బాలరామాయణం ప్రపోజల్తో నిర్మాత ఎమ్మెస్ రెడ్డి వద్దకు వెళ్లినప్పుడు, ఒక యువ దర్శకుడు పురాణ నేపథ్య చిత్రాన్ని హ్యాండిల్ చేయగలడా అని ఆయన మొదట సందేహించారు. కే.వి. రెడ్డి, కమలాకర్ కామేశ్వరరావు లాంటి ప్రముఖులతో పనిచేసిన ఎమ్మెస్ రెడ్డికి, గుణశేఖర్ యువకుడై ఉండటంతో పురాణం నేపథ్యంపై సందేహాలు కలిగాయి.
ఇది చదవండి: ‘అలా అనుకుంటే ఎన్టీఆర్ను అడ్డంపెట్టుకుని కొన్ని కోట్లు సంపాదించేవాడిని..’
అయితే, చిన్న పిల్లలతో సినిమా తీయాలనే ఆలోచన ఎమ్మెస్ రెడ్డికి నచ్చింది. గుణశేఖర్ అప్పుడు తన స్నేహితులను, దాదాపు 20 మంది పండితులను ఆహ్వానించి, వారి ముందు తాను రామాయణం కథను వివరించాలని కోరారు. అప్పటి వరకు సినిమాల ద్వారా మాత్రమే రామాయణం తెలుసుకున్న గుణశేఖర్, ఈ ప్రాజెక్ట్ కోసం వాల్మీకి రామాయణాన్ని లోతుగా అధ్యయనం చేసి, తనదైన శైలిలో కథను వివరించారు. ఈ ప్రెజెంటేషన్ తర్వాత, పండితులకు, ఎమ్మెస్ రెడ్డికి గుణశేఖర్ సామర్థ్యంపై పూర్తి విశ్వాసం ఏర్పడింది. అప్పుడే సినిమా నిర్మాణం మొదలైంది. ఆ రోజుల్లో మూడు కోట్ల రూపాయల బడ్జెట్తో నిర్మించిన ఈ చిత్రం, ప్రస్తుత విలువ ప్రకారం సుమారు 90 కోట్ల రూపాయలతో సమానమని గుణశేఖర్ పేర్కొన్నారు.
ఇది చదవండి: ఆ ఒక్క సీన్ కోసం రేకుల బాత్రూమ్లోకి వెళ్లి.! సౌందర్య గొప్పతనానికి ఈ సంఘటన చాలు..
ఈ చిత్రంలో జూనియర్ ఎన్టీఆర్(మాస్టర్ ఎన్టీఆర్)తో ఒక ఆసక్తికర సంఘటన జరిగింది. ఎమ్మెస్ రెడ్డి స్వయంగా రవీంద్ర భారతిలో జరిగే కార్యక్రమాలకు అతిథిగా వెళ్లేవారని, అక్కడే కూచిపూడి ప్రదర్శనలు ఇస్తున్న చిన్నారి ఎన్టీఆర్ను మొదట చూశారని గుణశేఖర్ తెలిపారు. ఎమ్మెస్ రెడ్డి ఇచ్చిన సూచన మేరకే ఎన్టీఆర్ను బాలరామాయణం కోసం ఎంపిక చేశారు. చిన్నారి ఎన్టీఆర్ చాలా హైపర్ యాక్టివ్ అని, హనుమంతుడి పాత్రకు సరిపోతాడని, అయితే రాముడి పాత్రకు కూర్చోబెట్టడం కష్టమని గుణశేఖర్ నవ్వుతూ గుర్తుచేసుకున్నారు. షూటింగ్ సమయంలో జరిగిన ఒక సంఘటనను గుణశేఖర్ వివరించారు. ఒకరోజు శివధనస్సును విరిచే సీన్ కోసం దానిని ప్రత్యేకంగా తయారు చేయించారు. అయితే, ఎన్టీఆర్ ఆడుకుంటూ, ప్రాక్టీస్ చేస్తూ షాట్కు ముందే దానిని విరిచేశారు. దీంతో గుణశేఖర్ ఆగ్రహం వ్యక్తం చేసి అతడిని మందలించారు. ఆ సమయంలో చిన్నారి ఎన్టీఆర్ తన తల్లి వద్దకు వెళ్లగా, ఆమె గుణశేఖర్ను సమర్థించారు. “డైరెక్టర్ ఏం చెప్తే అది, ఆయన తిట్టినా కొట్టినా పడాల్సిందే” అని తల్లి చెప్పడం గుణశేఖర్ను ఆకట్టుకుంది. ఈ సంఘటన, జూనియర్ ఎన్టీఆర్ తల్లి తన కొడుకును తీర్చిదిద్దిన అద్భుతమైన పెంపకాన్ని చాటిచెప్పిందని గుణశేఖర్ ప్రశంసించారు.
ఇది చదవండి: షూట్లో అలా గాజులు పగలుగొట్టాలి.. బాలకృష్ణ వచ్చి ఏమన్నారంటే.?
మరిన్ని ఎంటర్టైన్మెంట్ వార్తల కోసం ఇక్కడ చూడండి..