భారత్లోనే అతిపెద్ద పాప్ కల్చర్ వేడుక.. తొలిసారి విశాఖపట్నంలో కామిక్ కాన్ ఇండియా ఈవెంట్
భారత్లోనే అతిపెద్ద పాప్ కల్చర్ వేడుక 'కామిక్ కాన్ ఇండియా' తిరిగి ప్రారంభంకానుంది. తొలిసారిగా ఈ వేడుకకు విశాఖపట్నం ఆతిధ్యం ఇవ్వనుంది. ఆంధ్రప్రదేశ్లో తొలిసారిగా అడుగుపెడుతున్న ఈ వేడుక కోసం తెలుగు రాష్ట్ర ప్రజలు ఆసక్తిగా ఎదురుచూస్తున్నారు. అక్టోబర్ 10, 11 తేదీల్లో స్థానిక కలాం కన్వెన్షన్ సెంటర్లో ఈ వేడుకను నిర్వహించనున్నారు.
Updated on: Aug 26, 2026 | 12:10 PM
ఆంధ్రప్రదేశ్లో తొలిసారిగా అడుగుపెడుతున్న ఈ వేడుక ద్వారా అంతర్జాతీయ అతిథులు, కాస్ట్యూమ్ విన్యాసాలు (కాస్ప్లే), ఇంటరాక్టివ్ చర్చా వేదికలు మరియు అభిమానులను కట్టిపడేసే వినోదభరిత అనుభవాలు వైజాగ్ వాసుల ముందుకు రానున్నాయి. వైజాగ్, 25 ఆగస్టు 2026 : భారత్లోనే అతిపెద్ద పాప్ కల్చర్ వేడుక ‘కామిక్ కాన్ ఇండియా'(Comic Con India) 2026-27 సీజన్ను తొలిసారిగా విశాఖపట్నం వేదికగా ప్రారంభించనుంది. అక్టోబర్ 10, 11 తేదీల్లో స్థానిక కలాం కన్వెన్షన్ సెంటర్లో ఈ వేడుకను నిర్వహించనున్నారు. రాబోయే నెలల్లో దేశవ్యాప్తంగా వివిధ నగరాల్లో పర్యటించనున్న కామిక్ కాన్ ఇండియా ప్రయాణానికి వైజాగ్ ఎడిషన్ నాంది పలకనుంది. నోడ్విన్ గేమింగ్ (NODWIN Gaming) కొనుగోలు చేసినప్పటి నుంచి కామిక్ కాన్ ఇండియా మెట్రో మరియు టైర్-2 నగరాలకు విస్తరిస్తూ వస్తోంది. తద్వారా భారతదేశ వ్యాప్తంగా ఉన్న అభిమానులకు పాప్ కల్చర్ అనుభవాలను మరింత సులభంగా చేరువ చేస్తోంది.
Jabardasth Naresh: మొదట్లో రూ.500 ఇచ్చారు.. ఇప్పుడు ఒకొక్క ఎపిసోడ్కు నాకు ఇచ్చేది ఎంతంటే
ఈ ప్రకటన అనంతరం కామిక్ కాన్ ఇండియా సీఈవో, షెఫాలీ జాన్సన్(Shefali Johnson) మాట్లాడుతూ: “విశాఖపట్నానికి తెలుగు సినిమాలతో బలమైన అనుబంధం ఉంది. అయితే ఇక్కడి అభిమానుల సంస్కృతి కేవలం సినిమాలకే పరిమితం కాకుండా మరింత విస్తరిస్తోంది. పెరుగుతున్న యానిమే, కాస్ప్లే మరియు విద్యార్థి వర్గాలతో వైజాగ్ ఒక ఉత్సాహభరితమైన పాప్ కల్చర్ కేంద్రంగా ఎదుగుతోంది. కామిక్ కాన్ ఇండియా కొత్త అధ్యాయాన్ని ప్రారంభించడం మాకు ఎంతో ఉత్సాహాన్నిస్తోంది. అభిమానుల సంస్కృతి వేగంగా విస్తరిస్తున్న వైజాగ్ నుంచే ఈసారి సీజన్ను ప్రారంభించాలని మేము నిర్ణయించుకున్నాము. ఎంతో ఆదరణ పొందిన తెలుగు క్లాసిక్ ‘బుడుగు’ వంటి పాత్రల నుంచి నేటి సరికొత్త కంటెంట్, కళల వరకు ఈ నగరానికి సొంత పాప్ కల్చర్తో లోతైన అనుబంధం ఉంది. ఆధునిక వినోద మాధ్యమాలతో పాటు ఇలాంటి స్థానిక కథలు, సాంస్కృతిక విశేషాలను కూడా ఒకే వేదికపైకి తెచ్చి అందరం కలిసి వేడుకగా జరుపుకోవాలని మేము భావిస్తున్నాము” అని పేర్కొన్నారు.
రూ. 65కోట్లు పెడితే.. రూ.10 కోట్లు కూడా రాలేదు.. డిజాస్టర్ దెబ్బకు హీరో రూపాయి కూడా తీసుకోలేదు
నోడ్విన్ గేమింగ్, కో ఫౌండర్ మరియు ఎండీ, ఎండీ, అక్షత్ రాఠీ(Akshat Rathee) మాట్లాడుతూ.. “పాప్ కల్చర్ అనేది అభిమానులు ఎక్కడ ఉన్నా వారికి సులభంగా అందుబాటులో ఉండాలని మేం విశ్వసిస్తాం. కొత్త నగరాలకు కామిక్ కాన్ను విస్తరించడం ఆ ఆలోచనకు కొనసాగింపే. గత సీజన్లో లభించిన అద్భుతమైన ఆదరణ.. సంప్రదాయ మెట్రో నగరాలు దాటి అభిమానుల సంస్కృతి ఎంత బలంగా విస్తరిస్తోందో స్పష్టం చేసింది. 2026-27 ప్రయాణాన్ని ప్రారంభించడానికి వైజాగ్ సరైన వేదికగా అనిపించింది. పాప్ కల్చర్పై అమితమైన ఆసక్తి ఉన్న యువతతో కళకళలాడుతున్న ఈ నగరానికి తొలిసారిగా కామిక్ కాన్ను తీసుకురావడం మాకు ఎంతో సంతోషంగా ఉంది. తొలి ఎడిషన్ అందించే ఉత్సాహం ఎప్పుడూ ప్రత్యేకంగానే ఉంటుంది. వైజాగ్ అభిమానులు కామిక్ కాన్పై తమదైన ముద్ర వేసి, నగరం గర్వించదగ్గ వేడుకగా దీన్ని మారుస్తారని మేము ఎదురుచూస్తున్నాము” అని వివరించారు.
ఆ హీరోలతో సినిమాలు చేయడం కష్టం.. నా వల్ల కాదు! ఓపెన్గా చెప్పేసిన తేజ
ఈ సీజన్లో కామిక్ కాన్ గేమర్లు, కామిక్ పుస్తకాల ప్రేమికులు, కంటెంట్ సృష్టికర్తలు మరియు పాప్ కల్చర్ అభిమానులందరినీ ఒకే వేదికపైకి తీసుకురానుంది. అంతర్జాతీయ అతిథులను కలవడం, లైవ్ మ్యూజిక్, స్టాండప్ కామెడీలను ఆస్వాదించడం, ప్రత్యేక ఆవిష్కరణలను చూడటం, ఆకట్టుకునే ఫ్యాన్ జోన్లను సందర్శించడంతో పాటు భారతదేశపు అత్యుత్తమ కాస్ప్లేయర్లను ఒకే చోట కలుసుకునే అవకాశాన్ని అభిమానులు పొందవచ్చు. కామిక్ కాన్ పునరాగమనం వివిధ నగరాల్లో పెరుగుతున్న అభిమానుల ఆసక్తిని ప్రతిబింబిస్తోంది. అమితమైన ఆసక్తి గల అభిమానులతో పాటు ఈ సంస్కృతి గురించి తెలుసుకోవాలనే కుతూహలం ఉన్నవారు కూడా ఒకే చోట చేరి, కొత్త విషయాలను తెలుసుకుంటూ ఒక పెద్ద కమ్యూనిటీలో భాగమనే భావనను పొందేందుకు ఈ కార్యక్రమం నిరంతరం వేదికగా నిలుస్తోంది. గత సీజన్లో కామిక్ కాన్ 11 నగరాల్లో పర్యటించగా, సుమారు 3.5 లక్షల మందికి పైగా హాజరయ్యారు. తద్వారా ఇది ఇప్పటివరకు జరిగిన కామిక్ కాన్ ఇండియా సీజన్లలోనే అతిపెద్దదిగా నిలిచింది.
మరిన్ని సినిమా వార్తల కోసం ఇక్కడ క్లిక్ చేయండి.
