సినీ లవర్స్‌కు పండగే.. ప్రేమికుల రోజున ప్రేక్షకుల ముందుకు రానున్న సినిమాలు ఇవే..

రేపు దేశం మొత్తం ప్రేమికుల దినోత్సవం జరుపుకోనుంది. ఆ రోజు ప్రేమికులంతా తమ ప్రియమైన వారితో సరదా గడపనున్నారు. అంతే కాదు సినీ ప్రేమికులను అలరించడానికి కూడా కొత్త సినిమాలు రెడీ అవుతున్నాయి. ఈ ఫిబ్రవరి 14న ప్రేక్షకుల ముందుకు మూడు క్రేజీ సినిమాలు రానున్నాయి. వాటిలో ముందుగా చెప్పాల్సింది విశ్వక్ సేన్ లైలా సినిమా గురించి. యంగ్ హీరో విశ్వక్ సేన్  నటిస్తున్న లేటెస్ట్ మూవీ లైలా. రామ్ నారాయణ్ దర్శకత్వం వహించిన ఈ మూవీని షైన్ స్క్రీన్స్ బ్యానర్‌పై సాహు గారపాటి నిర్మించారు. ఆకాంక్ష శర్మ హీరోయిన్‌గా నటించింది. ఈ సినిమా ట్రైలర్ సినిమాపై అంచనాలను పెంచేసింది. ఇటీవలే ఈ సినిమా సెన్సార్ పూర్తయ్యింది. ఈ చిత్రం 136 నిమిషాల (రెండు గంటల 16 నిమిషాలు)నిడివితో వస్తోంది. ఈ సినిమా పై చిత్రయూనిట్ చాలా నమ్మకంతో ఉన్నారు.

ఈ సినిమా ప్రేక్షకులను మెప్పించడం ఖాయం అంటున్నారు విశ్వక్ సేన్. ఈ సినిమా ప్రేమికుల రోజున థియేటర్స్ లోకి రానుంది. ఈ సినిమాతో పాటు బ్రహ్మానందం ప్రధాన పాత్రలో నటిస్తున్న బ్రహ్మ ఆనందం సినిమా కూడా ఫిబ్రవరి 14న విడుదలకానుంది. ప్రియ వడ్లమాని, ఐశ్వర్య హోలక్కల్, వెన్నెల కిశోర్‌ తదితరులు ప్రధాన పాత్రలు పోషించారు. అన్ని హంగులు పూర్తి చేసుకున్న ఈ సినిమా కూడా ఫిబ్రవరి 14న న ప్రేక్షకుల ముందుకు రానుంది.

ఇక రష్మిక మందన్నా, విక్కీ కౌశల్ జంటగా నటించిన చిత్రం ఛవా. ఇటీవలే విడుదలైన ఈ మూవీ ట్రైలర్ సినిమాపై మరింత ఆసక్తిని కలిగించింది. ఇన్నాళ్లు వేగంగా షూటింగ్ జరుపుకున్న ఈ మూవీ కూడా ఫిబ్రవరి 14న సినిమా ప్రేక్షకుల ముందుకు రానుంది. ఛత్రపతి శివాజీ మహారాజ్‌ కుమారుడు సాంబాజీ మహరాజ్‌ జీవితం ఆధారంగా ఈ చిత్రాన్ని రూపొందించారు. వీటితో పాటు సిద్దు జొన్నల గడ్డ నటించిన కృష్ణ అండ్ హిస్ లీల సినిమా రీ రిలీజ్ అవుతుంది. ఇట్స్ కాంప్లికేటెడ్ పేరుతో రీ రిలీజ్ చేయనున్నారు.

ఇవి కూడా చదవండి

గూగుల్‌లో తెగ గాలిస్తున్నారట ఈ మూవీ కోసం..

ఏ క్షణమైనా నన్ను చంపేస్తారు..

11 ఏళ్లుగా ఇండస్ట్రీలో.. చేసింది 9 సినిమాలు.. అందులో ఒకటే హిట్టు.

ఇండస్ట్రీకి వచ్చి 9 ఏళ్లు.. ఒకే ఒక్క హిట్ అందుకుంది..

మరిన్ని సినిమా వార్తల కోసం ఇక్కడ క్లిక్ చేయండి