Bigg Boss 7 Telugu: మరీ ఇంత దారుణమా.! పాపం అశ్విని.. కారు డోర్ ఓపెన్ చేసి ఆమెను బయటకు లాగుతూ..

ఫ్యాన్స్ పేరుతో కొంతమంది చేసిన హంగామా ఇప్పుడు సర్వత్రా చర్చాంశనీయంగా మారింది. బిగ్ బాస్ ఫినాలే రోజున అన్నపూర్ణ స్టూడియోస్ బయట పల్లవి ప్రశాంత్ ఫ్యాన్స్, అమర్ దీప్ ఫ్యాన్స్ రచ్చ చేశారు. ఇరు వర్గాల మధ్య పెద్ద ఘర్షణే జరిగింది. కొంతమంచి అన్నపూర్ణ స్టూడియోస్ గేట్స్ ను బద్దలు కొట్టే ప్రయత్నం కూడా చేశారు. అలాగే స్టూడియో నుంచి బయటకు వస్తున్న కంటెస్టెంట్స్ పై దాడి చేశారు.

Ashwini Sri

Rajeev Rayala |
Updated on: Dec 19, 2023 | 4:46 PM

బిగ్ బాస్ సీజన్ 7 ఎలా జరిగింది అన్నదానికంటె ఇప్పుడు ఫినాలే రోజు జరిగిన రచ్చ గురించే అంతా మాట్లాడుకుంటున్నారు. ఫ్యాన్స్ పేరుతో కొంతమంది చేసిన హంగామా ఇప్పుడు సర్వత్రా చర్చాంశనీయంగా మారింది. బిగ్ బాస్ ఫినాలే రోజున అన్నపూర్ణ స్టూడియోస్ బయట పల్లవి ప్రశాంత్ ఫ్యాన్స్, అమర్ దీప్ ఫ్యాన్స్ రచ్చ చేశారు. ఇరు వర్గాల మధ్య పెద్ద ఘర్షణే జరిగింది. కొంతమంచి అన్నపూర్ణ స్టూడియోస్ గేట్స్ ను బద్దలు కొట్టే ప్రయత్నం కూడా చేశారు. అలాగే స్టూడియో నుంచి బయటకు వస్తున్న కంటెస్టెంట్స్ పై దాడి చేశారు. ఆడ, మగ అని తేడా లేకుండా ఫ్యాన్స్ పేరుతో కొంతమంది విచ్చలవిడిగా దాడికి తెగబడ్డారు. ఈ దాడిలో అమర్ దీప్ కారు ధ్వంసం అయ్యింది. దాంతో పాటు మరికొంతమంది కార్లు కూడా ధ్వంసం అయ్యాయి.

అయితే అన్నపూర్ణ స్టూడియోస్ నుంచి బయటకు వచ్చిన గీతూ రాయల్, శోభా శెట్టి, అశ్విని, రతికా కార్ల పై కూడా కొందరు దాడి చేశారు. తాజాగా అశ్విని కారు పై ఫ్యాన్స్ దాడి చేసిన వీడియో ఇప్పుడు సోషల్ మీడియాలో వైరల్ గా మారింది. ఏమాత్రం మానవత్వం లేకుండా అక్కడ ఉన్నది అమ్మాయి అని కూడా చూడకుండా విచక్షణారహితంగా ప్రవర్తించారు కొందరు.

అశ్విని కారుకు అడ్డుపడి ఆమె కారు అద్దాలు పగలకొట్టారు.ఆ అలాగే కారు డోర్ ఓపెన్ చేసి ఆమె చెయ్యి పట్టుకొని బయటలకు లాగే ప్రయత్నం చేశారు. దాంతో ఆమె భయంతో కేకలు వేసింది. ఆ తర్వాత ఆమె కారు డ్రైవ్ చేసుకుంటూ వెళ్ళిపోయింది. ఇప్పుడు ఈ వీడియో సోషల్ మీడియాలో చక్కర్లు కొడుతుంది. ఫ్యాన్ పేరుతో అన్నపూర్ణ స్టూడియోస్ దగ్గర భారీ గలాటనే జరిగింది. రంగంలోకి దిగిన పోలీసులు ఫ్యాన్స్ ను చెదరగొట్టారు. కొందరి పై కేసులు కూడా నమోదు చేశారు. మరో వైపు గీతూ రాయల్ కూడా తన పై జరిగిన దాడి పై పోలీసులకు ఫిర్యాదు చేసింది.