Chiranjeevi: ఏంటి.. నిజమా..? ఈ పాటకు డ్యాన్స్ కొరియోగ్రఫీ చేసిందా చిరంజీవా..?

“సంధ్య పొద్దుల కాడ” చిరంజీవి కెరీర్‌లో చాలా గుర్తుండిపోయే క్లాసిక్ సాంగ్. ఈ పాటలో చిరంజీవి గ్రేస్ నెక్ట్స్ లెవల్‌లో ఉంటుంది. నటి రాధిక కూడా చిరంజీవికి ఏ మాత్రం తగ్గకుండా స్టెప్స్ వేస్తుంది. ఈ పాట 1983లో వచ్చిన అభిలాష సినిమాలోనిది. ఇళయరాజా ఈ బాణీని సమకూర్చారు. వేటూరి సుందరరామమూర్తి అద్భతమైన సాహిత్యం అందించగా.. ఎస్.పీ. బాలసుబ్రహ్మణ్యం, ఎస్. జానకి పాటను పాడి ఊపిరి పోశారు. సాయంత్రం నిశ్శబ్దాన్ని, ప్రేమలోని మౌనాన్ని చాలా సున్నితంగా చూపించే పాట ఇది. వేటూరి గారి పదాలు, ఇళయరాజా మెలోడీ కలగలిపి.. సాంగ్ స్వచ్ఛమైన క్లాసిక్ ఫీల్‌లో ఉంటుంది.

అయితే ఆశ్చర్యకరమైన విషయం ఏంటంటగే.. చిరంజీవి, రాధికలు స్వయంగా ఈ పాటకు కొరియోగ్రఫీ చేశారు. ఈ పాటకు కొరియోగ్రాఫర్ అందుబాటులో లేకపోవడంతో, చిరంజీవి స్వయంగా ముందుకొచ్చి, రాధికతో కలిసి స్టెప్స్ క్రియేట్ చేశారు. ఒక్క రోజులోనే సాంగ్ అంతా షూట్ చేయడం గమనార్హం. సంధ్యా పొద్దుల కాడ అనే టైటిల్ తో ఉన్న ఈ పాట.. మధురమైన పంక్తులతో సాగుతుంది. ఈ పాటలోని అందమైన సాహిత్యం, సుందరమైన సంగీతానికి చిరంజీవి చేసిన కొరియోగ్రఫీ అదనపు ఆకర్షణగా నిలిచి, ఇప్పటికీ ఈ పాటను సంగీత ప్రియులు ఎంతగానో ఆదరిస్తున్నారు. ఇది వాట్సాప్ స్టేటస్‌లలో కూడా తరచుగా కనిపిస్తుంది. అది చిరంజీవి అంటే.. నాకు తెలిసి డ్యాన్స్‌లో బాస్‌ని కొట్టేవారు ఉండరేమో..!

మరిన్ని సినిమా వార్తల కోసం ఇక్కడ క్లిక్ చేయండి.