Actress Hema: డ్రగ్స్ తీసుకున్న హేమ.. నార్కోటిక్ టెస్టులో నిర్ధారణ

బిగ్ బ్రేకింగ్ న్యూస్ ఇది.. బెంగళూరు డ్రగ్స్ పార్టీలో పాల్గొన్న 86 మంది డ్రగ్స్ తీసుకున్నట్లు నార్కోటిక్స్ బృందం గుర్తించింది. అందులో నటి హేమ కూడా ఉన్నట్లు అధికారులు గుర్తించారు. ఈ మేరకు నార్కోటిక్ టీమ్ రిపోర్ట్ సమర్పించింది. ఆ రోజు రేవ్ పార్టీలో పాల్గొన్న 103 మంది బ్లడ్ శాంపిల్స్ నార్కోటిక్ టీమ్ సేకరించింది. ఇందులో 57 మంది పురుషులు, 27 మంది మహిళల రక్త నమూనాల్లో డ్రగ్స్ ఆనవాళ్లు ఉన్నట్లు అధికారులు గుర్తించారు. అంటే మొత్తం 86 మందికి ఈ పరీక్షల్లో పాజిటివ్ రిపోర్ట్ వచ్చింది. ఇందులో నటి హేమ కూడా ఉన్నారు. హేమ స్నేహితుడు చిరంజీవి కూడా డ్రగ్స్ తీసుకున్నట్లు తేలింది.  అయితే హేమతో పాటు వీరందరినీ బాధితులుగా పరిగణించి కౌన్సిలింగ్ ఇచ్చే అవకాశం ఉంది. కాగా తన పేరు బయటికి రాకుండా హేమ చాలా జాగ్రత్తలు తీసుకున్నట్లు సమాచారం. ఆమె పేరు మార్చుకొని.. కృష్ణవేణి పేరుతో పార్టీకి అటెండ్ అయినట్లు తెలిసింది.

బెంగళూరు ఎలక్ట్రానిక్ సిటీ జీఆర్ ఫామ్‌హౌస్‌లో జరిగిన రేవ్‌ పార్టీకి సినీ నటి హేమ అటెండ్‌ అయ్యారంటూ తొలుత కన్నడ మీడియా కోడై కూసింది. ఆ పార్టీకి తాను వెళ్లనే వెళ్లలేదు అన్నారు సినీ నటి హేమ. తాను హైదరాబాద్‌లోనే ఉన్నానని, ఓ ఫామ్‌హౌస్‌లో చిల్‌ అవుతున్నానని చెప్పారు ఆమె. అదంతా ఫేక్‌ న్యూస్‌ నమ్మొద్దండి అంటూ నవ్వుతూ చెప్పారు. తన మాటలకు సాక్ష్యంగా ఓ వీడియో కూడా విడుదల చేశారు. అయితే హేమ రేవ్ పార్టీకి వచ్చారంటూ బెంగళూరు పోలీసులు ఫొటోలు రిలీజ్ చేశారు. రేవ్‌ పార్టీకి తాను వెళ్లలేదంటూ హేమ చేసిన వీడియోలో ఏ డ్రస్‌తో ఉన్నారో, బెంగళూరు పోలీసులు విడుదల చేసి ఫొటోలోనూ అదే డ్రస్‌లో కనిపించారు. డ్రెస్‌ మ్యాచ్ అయింది. హేమ మాటలు తూచ్‌ అయ్యాయి. చివరకు ఆమె ఆ పార్టీలో పాల్గొందని బెంగళూరు కమిషనరే కన్ఫామ్ చేశారు. ఆ తర్వాత రోజు హైదరాబాద్ వచ్చిన హేమ.. బిర్యానీ వండుతూ ఓ వీడియో రిలీజ్ చేశారు.  సుప్పిని.. సుద్దపూసని తనకేం తెలియదు అన్నట్లు బిహేవ్ చేశారు.  అబద్ధాలు చెప్పడంతో హేమపై బెంగళూరు పోలీసులు ఆగ్రహం వ్యక్తం చేశారు కూడా. తాజాగా నార్కోటిక్ టెస్టులో హేమ డ్రగ్స్ తీసుకున్నట్లు నిర్ధారణ అయింది.

మరిన్ని సినిమా వార్తల కోసం ఇక్కడ క్లిక్ చేయండి.