KCR- KTR: నాన్నా నువ్వు నా ప్రాణం.. కేసీఆర్‌, కేటీఆర్‌ల అనుబంధంపై ‘యానిమల్‌’ సాంగ్‌.. ట్రెండింగ్‌లో వీడియో

CM KCR, Minister KTR

బాలీవుడ్ చాక్లెట్‌ బాయ్‌ రణ్‌బీర్‌ కపూర్ హీరోగా నటించిన తాజా చిత్రం యానిమల్‌. అర్జున్‌ రెడ్డి ఫేమ్‌ సందీప్‌ రెడ్డి వంగా తెరకెక్కించిన ఈ యాక్షన్‌ థ్రిల్లర్‌లో రష్మిక మందన్నా కథానాయికగా న‌టిస్తుంది. తండ్రీ కొడుకుల అనుబంధం నేపథ్యంలో ఈ మూవీ తెరకెక్కినట్లు ఇప్పటికే వచ్చిన టీజర్స్‌, ట్రైలర్లు చూస్తే అర్థమవుతోంది. అన్ని హంగులు పూర్తి చేసుకున్న యానిమల్‌ మూవీ డిసెంబర్‌ 1న ప్రపంచ వ్యాప్తంగా గ్రాండ్‌గా రిలీజవుతోంది. తెలుగులోనూ ఈ సినిమా రిలీజ్‌ అవుతుండడంతో చాలామంది ఆసక్తిగా ఎదురుచూస్తున్నారు. తాజాగా యానిమల్ మూవీ నుంచి నాన్న నువ్వు నా ప్రాణం లిరికల్‌ సాంగ్‌ను రిలీజ్‌ చేశారు మేకర్స్‌. తండ్రీ కొడుకులైన అనిల్‌ కపూర్‌- రణ్‌బీర్‌ కపూర్‌ ల మధ్య వచ్చే ఎమోషనల్ సీన్స్‌తో సాగే ఈ పాట అందరినీ కట్టిపడేస్తోంది. ప్రస్తుతం ఈ ఎమోషనల్ సాంగ్ సోషల్‌ మీడియాలో వైరల్‌గా మారింది. చాలామంది ఈ లిరికల్ సాంగ్‌ను ఎమోషనల్‌ అవుతున్నారు. నాన్నతో తమకున్న అనుబంధాన్ని గుర్తుచేసుకుంటూ వాట్సాప్‌ స్టేటస్‌, ఇన్‌స్టా రీల్స్‌ క్రియేట్‌ చేసుకుంటున్నారు.

ఈ నేపథ్యంలో ఒక నెటిజన్‌ యానిమల్ సాంగ్‌ను తెలంగాణ సీఎం కేసీఆర్‌, మంత్రి కేటీఆర్‌లతో అద్భుతంగా రీక్రియేట్‌ చేశాడు.  ఈ వీడియోకు నాన్నకు ప్రేమతో అని ఎమోషనల్ క్యాప్షన్ జత చేశాడు. తండ్రీ కొడుకులైన కేసీఆర్‌, కేటీఆర్ ల అనుబంధాన్ని ఎలా ఉందో ఈ వీడియోలో చక్కగా చూపించాడు సదరు నెటిజన్. తెలంగాణ ఉద్యమంలో కేసీఆర్‌ దీక్ష.. ఆ తర్వాత తెలంగాణ ఆవిర్భావం.. ఆపై తెలంగాణ అభివృద్ధికి తండ్రీ కొడుకుల చేసిన కృషిని వివరిస్తూ ఈ వీడియోను రూపొందించారు. ప్రస్తుతం ఈ వీడియో నెట్టింట తెగ ట్రెండ్‌ అవుతోంది. మంత్రి కేటీఆర్‌ కూడా ఈ వీడియోను చూసి స్పందించారు. లవ్‌ ఎమోజీతో రిప్లై ఇచ్చారు. మరి మీరు కూడా ఈ ఎమోషనల్‌ వీడియోను చూసేయండి.

యానిమల్ సాంగ్ రీక్రియేషన్..

యానిమల్ ఒరిజినల్ సాంగ్..

యానిమల్ సినిమాలో బాబీ డియోల్ విలన్ గా కనిపించనున్నాడు. అలాగే తృప్తి ధిమ్రి, శక్తి కపూర్, పృథ్వీ రాజ్, ప్రేమ్ చోప్రా తదితరులు కీలక పాత్రలు పోషించారు. హర్ష వర్ధన్ రామేశ్వర్ స్వరాలు సమకూర్చారు. ఈ సినిమాలోని పాటలన్నీ చార్ట్ బస్టర్ గా నిలిచాయి.

యానిమల్ సినిమాలో రష్మిక మందన్నా..

మరిన్ని సినిమా వార్తల కోసం ఇక్కడ క్లిక్ చేయండి.