Prabhas : ‘ప్రభాస్ నువ్ తెచ్చిన క్వాంటిటీతో ఆర్మీకి భోజనం పెట్టవచ్చు’.. డార్లింగ్ ఆతిథ్యం చూసి బిగ్ బి షాక్

Amitabh Bachchan: ప్ర‌భాస్ రేంజ్‌ గురించి.. అతడి మంచి మనసు గురించి.. అతడు గెస్టులకు ఇచ్చే విలువ గురించి తెలుగువారికి ప్రత్యేకంగా చెప్పాల్సిన పనిలేదు. ఆయ‌న‌తో కలిసి పనిచేసిన ఎంతోమంది కో స్టార్స్.. ప్రభాస్ ఆతిథ్యానికి ఫిదా అయిన విషయం తెలిసిందే. అతడి ఇంటి నుంచి తెప్పించే ఫుడ్‌ను బాహుబ‌లి మీల్స్(Bahubali Meals) అని సరదాగా పేర్కొంటూ ఉంటారు. ప్రభాస్ మూవీ షూటింగ్‌కి వెళ్తున్నారా..? అయితే ఒకరోజు ముందు నుంచే ఏమి తినకుండా వెళ్లండి అని కొందరు ఆర్టిస్టులు సరదాగా వ్యాఖ్యానిస్తున్నారంటే.. మనోడు ఏ రేంజ్‌లో ఫుడ్ పెడతాడో అర్థం చేసుకోవచ్చు. తాజాగా ప్ర‌భాస్ ఆతిథ్యం చూసి బాలీవుడ్ బిగ్ బి అమితాబ్ ఒకింత షాక్‌కు గురయ్యారు. ప్రజంట్ బిగ్ బి, ప్రభాస్‌ కలిసి ప్రాజెక్ట్ కే(Project K) అనే సినిమాలో నటిస్తున్నారు. ఈ మూవీ షూటింగ్ హైదరాబాద్‌లోని రామోజీ ఫిల్మ్ సిటీలో జరుగుతోంది. హోటల్‌లో బస చేస్తున్న అమితాబ్‌ కోసం ప్రభాస్‌ తన ఇంటి నుంచి ప్రత్యేకంగా వంటలు చేయించి తెప్పించారు. ఆ వంటలు చూసే ఒకింత ఆశ్చర్యానికి లోనైన అమితాబ్.. తిన్న తర్వాత టేస్ట్‌కు మరింత ఫిదా అయ్యారు. ఈ విషయాన్ని బిగ్‌ బి ట్విట్టర్‌లో పంచుకున్నారు.

‘బాహుబలి ప్రభాస్‌… నీ అభిమానం కొలవలేనిది. నువ్వు తెచ్చిన భోజనం ఎంత రుచికరమైనదో చెప్పడం కష్టం. నువ్వు పంపిన క్వాంటిటీ చాలా అంటే చాలా ఎక్కువ. ఎంత ఎక్కువంటే సైన్యానికి భోజనం పెట్టవచ్చు. స్పెషల్‌ కుకీస్‌ చాలా రుచిగా ఉన్నాయి. నీ కాంప్లిమెంట్స్ అంత ఈజీగా జీర్ణం కావు’ అని పేర్కొన్నారు అమితాబ్.

T 4198 – ‘Bahubali’ Prabhas .. your generosity is beyond measure .. you bring me home cooked food, beyond delicious .. you send me quantity beyond measure .. could have fed an Army .. the special cookies .. beyond scrumptious .. And your compliments beyond digestible ?

— Amitabh Bachchan (@SrBachchan) February 20, 2022

గతంలో  శ్రద్ధాకపూర్‌, కృతిసనన్‌, పూజాహెగ్డే, శ్రుతిహాసన్‌, కరీనాకపూర్‌‌లు కూడా ప్రభాస్‌ విందు, ఆయనిచ్చే ఆతిథ్యం గురించి స్పెషల్‌గా సోషల్ మీడియాలో ప్రస్తావించిన విషయం తెలిసిందే.

Also Read: పొట్లకాయ, గుడ్డు కలిపి వండితే పాయిజన్ అవుతుందా? ఇదిగో క్లారిటీ

తొక్కే కదా అని తీసిపారేయకండి.. దానితో లెక్కలేనన్ని ప్రయోజనాలు