Allu Arjun: బెంగుళూర్కు అల్లు అర్జున్.. పునీత్ రాజ్ కుమార్ కుటుంబాన్ని పరామర్శించనున్న బన్నీ..
ఐకాన్ స్టార్ అల్లు అర్జున్ (Allu Arjun) ఈరోజు బెంగళూరు వెళ్లనున్నారు. దివంగత నటుడు పునీత్ రాజ్ (Puneeth Raj Kumar) కుటుంబాన్ని బన్నీ పరామర్శించనున్నారు.
ఐకాన్ స్టార్ అల్లు అర్జున్ (Allu Arjun) ఈరోజు బెంగళూరు వెళ్లనున్నారు. దివంగత నటుడు పునీత్ రాజ్ (Puneeth Raj Kumar) కుటుంబాన్ని బన్నీ పరామర్శించనున్నారు. ముందుగా అల్లు అర్జున్.. ఈరోజు పునీత్ రాజ్ కుమార్ అన్నయ్య శివ రాజ్ కుమార్ను కలుస్తారు. అనంతరం పునీత్ కుటుంబ సభ్యులను పరామర్శించనున్నారు. ఆ తర్వాత పునీత్ రాజ్ కుమార్ సమాధిని బన్నీ సందర్శించనున్నారు.
కన్నడ స్టార్ హీరో పునీత్ రాజ్ కుమార్ గతేడాది అక్టోబర్ నెలలో గుండెపోటుతో మరణించిన సంగతి తెలిసిందే. పునీత్ ఆకస్మిక మరణం దక్షిణాది చిత్రపరిశ్రమను షాక్కు గురిచేసింది. అప్పు మరణంతో కన్నడ సినీ పరిశ్రమ శోకసంద్రంలో మునిగిపోయింది. టాలీవుడ్ ఇండస్ట్రీతో పునీత్కు మంచి సంబంధాలు ఉన్నాయి. పునీత్ మరణం నన్ను తీవ్రంగా కలచివేసింది. అప్పు మరణ వార్త విని షాకయ్యాను. ఎంతో కష్టంగా అనిపించింది. జీవితం చాలా అనూహ్యమైనది. ఏం జరగనుంది అనేది మనకు తెలియదు. దక్షిణాది చిత్రపరిశ్రమకు పెద్ద గర్వకారణం పునీత్ రాజ్ కుమార్ అని అల్లు అర్జున్ అన్నారు..
అల్లు అర్జున్ ఇటీవల డైరెక్టర్ సుకుమార్ దర్శకత్వంలో పుష్ప సినిమా చేసిన సంగతి తెలిసిందే. గతేడాది విడుదలైన ఈ మూవీ బ్లాక్ బస్టర్ హిట్ అందుకుంది. ఇందులో బన్నీ సరసన కన్నడ బ్యూటీ రష్మిక మందన్న నటించింది. పునీత్ రాజ్ కుమార్ మరణం సమయంలో బన్నీ పుష్ప షూటింగ్ లో ఉండడం వలన ఆయన అంత్యక్రియాలకు రాలేకపోయినట్లుగా గతంలో తెలిపారు.
Sehari Movie: అప్పుడే హర్ష నటనకు అభిమానిగా మారిపోయాను.. ఇంట్రెస్టింగ్ కామెంట్స్ చేసిన డైరెక్టర్..
Vanitha Vijaykumar: మా నాన్న నన్ను అడ్రస్ లేకుండా చేస్తానన్నారు.. నటి వనీతా షాకింగ్ కామెంట్స్..
