Pushpa 2: దేవిశ్రీ ఉండగానే.. పుష్ఫ 2 కోసం రంగంలోకి మరో స్టార్ మ్యూజిక్ డైరెక్టర్! ఎందుకంటే?

‘పుష్ప 2’ సినిమా విడుదలకు ఇంకా నెల రోజులు కూడా సమయం లేదు. ఇప్పటికే ఈ సినిమా ప్రమోషన్స్ షురూ అయ్యాయి. బాలయ్య హోస్ట్ గా వ్యవహరిస్తోన్న అన్ స్టాపబుల్ టాక్ షోలో అల్లు అర్జున్ గెస్ట్ గా కనిపించి అక్కడి నుంచి అధికారికంగా సినిమా ప్రమోషన్ స్టార్ట్ చేయనున్నారు. వీటన్నింటి మధ్య, ‘పుష్ప 2’ కు సంబంధించి ఒక ఆసక్తికర వార్త వినిపించింది. 2021లో విడుదలైన ‘పుష్ప’ సినిమా పెద్ద హిట్‌ కావడానికి, ఆ సినిమాలోని పాటలు కూడా ఒక కారణమని చెప్పుకోవచ్చు. సినిమాలోని దాదాపు అన్ని పాటలు సూపర్ హిట్ అయ్యాయి. ‘శ్రీవల్లి’, ‘ఊ అంటావా’ పాటలు ఇప్పటికీ వైరల్ లిస్టులో ఉన్నాయి. దేవిశ్రీ ప్రసాద్ ఈ చిత్రానికి అద్భుతమైన పాటలుతో పాటు బ్యాక్ గ్రౌండ్ స్కోర్ అందించారు. అయితే ఇప్పుడు దేవిశ్రీ ప్రసాద్‌కి బదులు మరొకరితో నేపథ్య సంగీతం అందించబోతున్నారని టాక్ నడుస్తోంది. ఇప్పటికే ఈ సినిమా పాటలకు దేవిశ్రీ ప్రసాద్ సంగీతం అందించాడు. కొన్ని పాటల చిత్రీకరణ, కలర్ గ్రేడింగ్, ఎడిటింగ్ కూడా పూర్తయింది. అయితే ఈ సినిమా బ్యాక్ గ్రౌండ్ స్కోర్ కోసం మరో స్టార్ మ్యూజిక్ డైరెక్టర్ ని తీసుకొస్తున్నారని గుసగుసలు వినిపిస్తున్నాయి.

ఇవి కూడా చదవండి

ఊహించని ట్విస్టులతో తెలుగు థ్రిల్లర్ సిరీస్.. ఎక్కడ చూడొచ్చంటే?

ప్రేమదేశం హీరో వినీత్ భార్య ఎవరో తెలుసా? ఫ్యామిలీ ఫొటోస్ వైరల్

వేణుస్వామికి షాక్.. మళ్లీ నోటీసులు పంపిన మహిళా కమిషన్‌

అప్పుడే ఓటీటీలోకి కిరణ్ అబ్బవరం 'క' సినిమా! నిర్మాతల కీలక ప్రకటన

ఇప్పటికే ‘పుష్ప 2’ చిత్రానికి దేవిశ్రీ ప్రసాద్ నేపథ్య సంగీతం అందించారు. అయితే ఇదే సినిమాకి మరో దర్శకుడి ద్వారా బ్యాక్ గ్రౌండ్ మ్యూజిక్ అందించాలని చిత్ర బృందం నిర్ణయించినట్లు సమాచారం. ఈ సినిమాలో డాల్బీ, ఇతర సాంకేతికత చాలా బాగా ఉండడంతో దానికి తగ్గట్టుగానే మ్యూజిక్‌ని అందించాలని చిత్రబృందం ప్లాన్ చేస్తోంది. అందుకోసం ఓ ప్రముఖ సంగీత దర్శకుడిని రంగంలోకి దించినట్లు తెలుస్తోంది. పుష్ప చిత్ర బృందం చేస్తోన్న ఈ ప్రయోగానికి దేవిశ్రీ ప్రసాద్ కూడా అంగీకరించినట్లు సమాచారం. ప్రస్తుతం సౌత్ ఫిల్మ్ ఇండస్ట్రీలో హాట్ స్టార్ గా వెలుగొందుతున్న అనిరుధ్ రవిచంద్రన్ ‘పుష్ప 2’ చిత్రానికి నేపథ్య సంగీతం అందిస్తున్నట్లు వార్తలు వస్తున్నాయి. అలాగే కొందరి అభిప్రాయం ప్రకారం, జివి ప్రకాష్ సంగీతం ఇవ్వనున్నాడని కూడా రూమర్లు వినిపిస్తున్నాయి. తమన్ పేరు కూడ గట్టిగా వినిపిస్తోంది.

డిసెంబర్ 5న గ్రాండ్ రిలీజ్..

The celebrations begin a day earlier 🥳 The fireworks at the box office will set off a day earlier 🔥 The records will be hunted down a day earlier 💥 Pushpa Raj’s Rule will begin a day earlier ❤‍🔥

The Biggest Indian Film #Pushpa2TheRule GRAND RELEASE WORLDWIDE ON 5th… pic.twitter.com/AFckFRWt47

— Pushpa (@PushpaMovie) October 24, 2024

‘పుష్ప 2’లో అల్లు అర్జున్, రష్మిక మందన్న, ఫహద్ ఫాసిల్, డాలీ ధనంజయ్ వంటి భారీ తారాగణం ఉంది. ఈ చిత్రానికి సుకుమార్ దర్శకత్వం వహించగా, మైత్రి మూవీ మేకర్స్ భారీ బడ్జెట్‌తో ఈ చిత్రాన్ని నిర్మించింది.

.మరిన్ని సినిమా వార్తల కోసం ఇక్కడ క్లిక్ చేయండి.