Pushpa: ‘పుష్ప’ సాంగ్ వచ్చేసింది.. ఊర మాస్ లుక్‌లో అదరగొట్టిన బన్నీ.. ఫ్యాన్స్కు ఇక పూనకాలే..
అల్లు అర్జున్, సుకుమార్ కాంబోలో తెరకెక్కుతున్న లెటేస్ట్ చిత్రం పుష్ప. ఈ చిత్రాన్ని పాన్ ఇండియా లెవల్లో రెండు భాగాలుగా మైత్రీ మూవీ మేకర్స్ బ్యానర్ పై
Updated on: Aug 13, 2021 | 11:20 AM
అల్లు అర్జున్, సుకుమార్ కాంబోలో తెరకెక్కుతున్న లెటేస్ట్ చిత్రం పుష్ప. ఈ చిత్రాన్ని పాన్ ఇండియా లెవల్లో రెండు భాగాలుగా మైత్రీ మూవీ మేకర్స్ బ్యానర్ పై నిర్మిస్తున్న సంగతి తెలిసిందే. ఎర్ర చందనం స్మగ్లింగ్ నేపథ్యంలో వస్తున్న ఈ మూవీలో బన్నీ ఊర మాస్ లుక్‌లో లారీ డ్రైవర్ పుష్పరాజ్ పాత్రలో కనిపించబోతుండడంతో అభిమానులు ఎంతో ఆసక్తిగా ఎదురుచూస్తున్నారు. ఇందులో బన్నీకి జోడిగా రష్మిక మందన్నా హీరోయిన్గా నటిస్తోంది. అయితే ఇప్పటికే ఈ సినిమా నుంచి విడుదలైన పుష్పరాజ్ ఇంట్రడ్యూసింగ్ వీడియో రికార్డ్స్ సృష్టించింది. ఇక తాజాగా విడుదలైన ఈ మూవీ ఫస్ట్ సాంగ్ దాక్కో దాక్కో మేక ప్రోమో వీడియోకు అదిరిపోయే రెస్పాన్స్ వచ్చింది. అందులో బన్నీ నోట్లో కత్తి పట్టుకుని ఊర మాస్ లుక్‌లో కనిపించి ఆకట్టుకున్నారు.
ఇదిలా ఉంటే.. తాజాగా ఈ మూవీ నుంచి దాక్కో దాక్కో మేక సాంగ్ విడుదల చేసింది చిత్రయూనిట్. ఆకలి ఆకలి అంటూ సాగుతున్న పాటలో లిరిక్స్ ఆకట్టుకుంటున్నాయి. ఇందులో బన్నీ ఊర మాస్ లుక్‌లో తనదైన మాస్ స్టెప్పులతో, ఎక్స్ప్రెషన్స్తో అదరగొట్టాడు. ఇక లేడీ డ్యాన్సర్స్ ఎక్స్ప్రెషన్స్ ఆకట్టుకుంటున్నాయి. ఈపాటతో మాస్ ఆడియన్స్ను ఆకట్టుకోవడమే కాకుండా.. బ్లాక్ బస్టర్ హిట్టు కావడం ఖాయంగా అనిపిస్తోంది. ఇక దేవి శ్రీ ప్రసాద్ తన మ్యూజిక్తో సరికొత్త ట్రెండ్ క్రియేట్ చేశాడు. ఈ పాటను సింగర్ శివమ్ ఆలపించగా.. చంద్రబోస్ సాహిత్యం అందించారు. ఈ మూవీలో మలయాళ నటుడు ఫహాద్ ఫాజిల్ విలన్గా నటిస్తున్నాడు.
సాంగ్..
వీడియో..
Also Read: Pushpa: ‘పుష్ప’ సాంగ్ వచ్చేసింది.. ఊర మాస్ లుక్‌లో అదరగొట్టిన బన్నీ.. ఫ్యాన్స్కు పూనకాలే..
