Pushpa: అంచనాలను పెంచేస్తున్న పుష్పరాజ్.. ఈసారి అల్లు అర్జున్ భారీ ప్లాన్..
ఇక ఇప్పుడు లేటేస్ట్ సమాచారం ప్రకారం పుష్ప ది రూల్ కోసం బన్నీ అండ్ సుకుమార్ టీం భారీగానే ప్లాన్ చేస్తున్నారట. మాస్, క్లాస్తో సహా అన్ని వర్గాల ప్రేక్షకులను ఆకట్టుకునేందుకు
Updated on: Jul 16, 2022 | 3:33 PM
ఐకాసన్ స్టార్ అల్లు అర్జున్ నటించిన పుష్ప (Pushpa) సినిమా బాక్సాఫీస్ను షేక్ చేసింది. తగ్గేదే.. లే అంటూ పాన్ ఇండియా లెవల్లో సత్తా చాటింది (Allu Arjun). బన్నీ, డైరెక్టర్ సుకుమార్ కాంబోలో వచ్చిన ఈ మూవీకి ప్రేక్షకులే కాదు.. బాలీవుడ్, టాలీవుడ్ సినీ ప్రముఖులు, క్రికెటర్స్ ఫిదా అయ్యారు. అంతేకాకుండా విదేశాల్లోనూ పుష్పరాజ్ సంచలనం సృష్టించాడు. ఎర్రచందనం స్మగ్లింగ్ నేపథ్యంలో వచ్చిన ఈ మూవీలో పుష్పరాజ్గా ఫుల్ మాస్ పాత్రలో అదరగొట్టాడు బన్నీ. ఈ చిత్రంపై ముందు నుంచి ఐకాన్ స్టార్ అల్లు అర్జున్ పెట్టుకున్న ప్రతీ నమ్మకం నిజం అవుతూనే ఉంది. ఈ క్రమంలోనే మరో అరుదైన రికార్డు సాధించింది పుష్ప. ఇప్పటికే పుష్ప మేనరిజమ్స్ ఏ స్థాయిలో పాపులర్ అయ్యాయో ప్రత్యేకంగా చెప్పనక్కర్లేదు. ఇక ఇప్పుడు సెకండ్ పార్ట్.. పుష్ప ది రూల్ కోసం ప్రేక్షకులు ఎంతో ఆసక్తిగా ఎదురుచూస్తున్నారు. వాస్తవానికి సెకండ్ పార్ట్ షూటింగ్ ఇప్పటికే షూరు కావాల్సింది. కానీ అనుహ్యంగా వాయిదా పడుతూ వస్తోంది.
ఇక ఇప్పుడు లేటేస్ట్ సమాచారం ప్రకారం పుష్ప ది రూల్ కోసం బన్నీ అండ్ సుకుమార్ టీం భారీగానే ప్లాన్ చేస్తున్నారట. మాస్, క్లాస్తో సహా అన్ని వర్గాల ప్రేక్షకులను ఆకట్టుకునేందుకు స్క్రిప్ట్ సిద్ధం చేస్తున్నారట. పార్ట్ వన్ తో పెరిగిన ప్రేక్షకుల అంచనాలను అందుకునేందుకు పుష్ప ది రూల్ను సిద్ధం చేస్తున్నారట. ఇక ఆగస్ట్ మూడో వారంలో ఈ ప్రాజెక్ట్ రెగ్యూలర్ షూటింగ్ ప్రారంభం కానుందని తెలుస్తోంది. నిజానికి పుష్ప మొదటి భాగంలో గోవిందప్ప విజయ్ నటించాల్సిందని.. డేట్స్ కుదరకపోవడంతో ఈ మూవీ నుంచి తప్పుకున్నట్లుగా సమాచారం. సెకండ్ పార్ట్ లో తమిళ్ స్టార్ విజయ్ సేతుపతి సైతం కీలకపాత్రలో కనిపిస్తుండడంతో మూవీపై అంచనాలు తారస్థాయికి చేరుకున్నాయి.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
