Shakini Dhakini Trailer Talk: ఆకట్టుకుంటున్న శాకినీ ఢాకిని ట్రైలర్.. యాక్షన్.. థ్రిల్లింగ్ అంశాలతో అదిరిపోయిందిగా..

డైరెక్టర్ సుధీర్ వర్మ దర్శకత్వంలో హీరోయిన్స్ నివేధా థామస్, రెజీనా కాసాండ్రా ప్రధానపాత్రలలో నటిస్తోన్న లేటేస్ట్ చిత్రం శాకిని ఢాకిని (Shakini Dhakini Trailer ). కొరియన్ సూపర్ హిట్ మిడ్ నైట్ రన్నర్స్‏కు రీమేక్‎గా వస్తోన్న ఈ మూవీని సురేష్ ప్రొడక్షన్స్, గురు ఫిలిమ్స్, క్రాస్ పిక్చర్స్ బ్యానర్ల పై సంయుక్తంగా నిర్మిస్తున్నారు. ఇప్పటికే విడుదలైన పోస్టర్స్ ఆసక్తిని కలిగించగా.. సోమవారం ఈ మూవీ ట్రైలర్ రిలీజ్ చేశారు మేకర్స్. యాక్షన్.. థ్రిల్లింగ్ అంశాలతో ఆద్యంత ఆసక్తిగా కొనసాగుతుంది ఈ ట్రైలర్. పోలీసు అకాడమీలో శిక్షణ తీసుకుంటున్న శాలిని.. దామిని అనే ఇద్దరు మహిళా ట్రైనీ పోలీసుల కథే ఈ శాకిని ఢాకిని.

సంతాన సాఫల్య కేంద్రాల మాటున ఓ ముఠా చేసే క్రైమ్ నేపథ్యంలో ఈ మూవీ ఉండనున్నట్లు తెలుస్తోంది. ఆ ముఠా బారిన చిక్కుకున్న ఆడపిల్లల్ని కాపాడటం కోసం శాలిని, దామిని ఏం చేశారన్నది మిగిలిన కథ. విజువల్స్, బ్యాగ్రౌండ్ స్కోర్.. ఇంటెన్స్ యాక్షన్ ఆకట్టుకుంటున్నాయి. ఇప్పటికే విడుదలైన టీజర్ సినిమాపై ఆసక్తి క్రియేట్ చేయగా.. ఇక తాజాగా విడుదలైన ట్రైలర్‏కు మంచి రెస్పాన్స్ వస్తోంది. అన్ని కార్యక్రమాలు పూర్తిచేసుకున్న ఈ మూవీ సెప్టెంబర్ 16న ప్రేక్షకుల ముందుకు రానుంది. ఈ సినిమాకు మెక్ క్లియరీ, నరేష్ కుమారన్ సంగీతం అందించారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.