Lavanya Tripathi: కొత్త ఏడాదికి గ్రాండ్‌గా వెల్‌కమ్‌ చెప్పిన మెగా కోడలు.. లావణ్య త్రిపాఠి రిజల్యూషన్స్ ఇవే
ప్రముఖ హీరోయిన్‌ లావణ్య త్రిపాఠీకి 2023 సంవత్సరం ఎన్నో తీపి జ్ఞాపకాలను మిగిల్చిందని చెప్పుకోవచ్చు. గతేడాది నవంబర్‌ 1న మెగా ప్రిన్స్‌ వరుణ్ తేజ్‌తో కలిసి పెళ్లిపీటలెక్కిందీ అందా తార. ఇటలీ వేదికగా అట్టహాసంగా వీరి వివాహం జరిగింది. టుస్కానీలో జరిగిన ఈ మెగా గ్రాండ్‌ వెడ్డింగ్‌లో ఇరు కుటుంబ సభ్యులు, సన్నిహితులు, స్నేహితులు పాల్గొని సందడి చేశారు.
ప్రముఖ హీరోయిన్‌ లావణ్య త్రిపాఠీకి 2023 సంవత్సరం ఎన్నో తీపి జ్ఞాపకాలను మిగిల్చిందని చెప్పుకోవచ్చు. గతేడాది నవంబర్‌ 1న మెగా ప్రిన్స్‌ వరుణ్ తేజ్‌తో కలిసి పెళ్లిపీటలెక్కిందీ అందా తార. ఇటలీ వేదికగా అట్టహాసంగా వీరి వివాహం జరిగింది. టుస్కానీలో జరిగిన ఈ మెగా గ్రాండ్‌ వెడ్డింగ్‌లో ఇరు కుటుంబ సభ్యులు, సన్నిహితులు, స్నేహితులు పాల్గొని సందడి చేశారు. అంతకు ముందు జూన్‌లో ఎంగేజ్‌మెంట్‌ చేసుకున్నారీ లవ్లీ కపుల్‌. తాజాగా కొత్త ఏడాదికి గ్రాండ్‌గా స్వాగతం పలికింది లావణ్య. సోషల్‌ మీడియా వేదికగా అందరికీ న్యూ ఇయర్ విషెస్ చెప్పింది. అలాగే 2024లో తన రిజల్యూషన్స్‌ను ఇన్‌స్టా స్టోరీస్‌లో పంచుకుంది. కొత్త సంవత్సరంలో మరింత మానవత్వంతో మెలగాలని, తనపై తనకు మరింత ప్రేమ పెరగాలని, సోషల్‌ మీడియాకు చాలా తక్కువగా సమయం కేటాయించాలని, ఎక్కువ సమయం ప్రకృతితోనే మమేకం కావాలని కోరుకుంటున్నట్లు తెలిపింది లావణ్య. ప్రస్తుతం ఈ పోస్ట్ నెట్టింట వైరలవుతోంది. అభిమానులు, నెటిజన్లు లావణ్యకు న్యూ ఇయర్ విషెస్ చెబుతున్నారు. అలాగే ఆమె రిజల్యూషన్స్ కూడా నెరవేరాలని ఆకాంక్షిస్తున్నారు.
2012లో అందాల రాక్షసి చిత్రం సినిమాతో టాలీవుడ్‌లోకి ఎంట్రీ ఇచ్చింది లావణ్య త్రిపాఠి. మొదటి సినిమాకే ఉత్తమ నటిగా అవార్డును అందుకుంది. ఆతర్వాత దూసుకెళ్తా, భలే భలే మగాడివోయ్‌, సోగ్గాడే చిన్ని నాయన, శ్రీరస్తు శుభమస్తు, ఉన్నది ఒకటే జిందగీ, అంతరిక్షం, అర్జున్‌ సురవరం, ఏ1 ఎక్స్‌ప్రెస్‌, చావు కబురు చల్లగా వంటి హిట్‌ సినిమాలతో తెలుగు ఆడియెన్స్‌కు బాగా చేరువైంది. ఇక వరుణతో కలిసి మిస్టర్‌, అంతరిక్షం సినిమాల్లో నటించిందీ అందాల తార. ఈ సమయంలోనే వీరి మధ్య ప్రేమ చిగురించింది. ఇక చివరిగా పులి మేక అనే వెబ్ సిరీస్‌ లో నటించింది లావణ్య త్రిపాఠి. ప్రస్తుతం ఒక తమిళ సినిమాలో లావణ్య నటిస్తున్నట్లు తెలుస్తోంది.
న్యూ ఇయర్ సెలబ్రేషన్స్ లో లావణ్య, వరుణ్ తేజ్..
View this post on Instagram
క్రిస్మస్ వేడుకల్లో మెగా ఫ్యామిలీ..
View this post on Instagram
లావణ్య త్రిపాఠి ఇన్ స్టా గ్రామ్ పోస్ట్..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
