Vijay Devarakonda: స్పీడ్ పెంచిన దేవరకొండ.. మరో డైరెక్టర్‏కు గ్రీన్ సిగ్నల్ ఇచ్చిన విజయ్ ?..

స్టార్ హీరో విజయ్ దేవరకొండ (Vijay Devarakonda) ప్రస్తుతం చేతి నిండా సినిమాలతో బిజీగా ఉన్నాడు.. ఇప్పటికే డైరెక్టర్ పూరి జగన్నాథ్ దర్శకత్వంలో లైగర్ చిత్రాన్ని కంప్లీట్ చేసిన ఈ హీరో.. ఇప్పుడు డైరెక్టర్ శివ నిర్వాణ దర్శకత్వలో ఖుషి సినిమా చేస్తున్నాడు. ఇందులో విజయ్ సరసన సమంత కథానాయికగా నటిస్తోంది. ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్ మూవీపై మరింత క్యూరియాసిటిని పెంచేసింది. ఇటీవలే కశ్మీర్ లో ఫస్ట్ షెడ్యూ్ల్ పూర్తిచేసుకున్న ఈ మూవీ త్వరలోనే హైదరాబాద్ లో సెకండ్ షెడ్యూల్ మొదలుపెట్టనున్నారు. ఈ సినిమానే కాకుండా.. మళ్లీ పూరి దర్శకత్వంలో జనగనమణ సినిమా చేయనున్నాడు. ఈ సినిమా షూటింగ్ త్వరలోనే ప్రారంభంకానుంది. ఈ క్రమంలో తాజాగా హీరో విజయ్ మరో దర్శకుడికి గ్రీన్ సిగ్నల్ ఇచ్చినట్లుగా టాక్ వినిపిస్తోంది.

ప్రస్తుతం విజయ్ చేస్తున్న సినిమాలన్ని షూటింగ్ దశలోనే ఉన్నాయి. ఈ క్రమంలోనే మరో టాలెంటెడ్ డైరెక్టర్ మోహన్ ఇంద్రగంటి ప్రాజెక్టుకు గ్రీన్ సిగ్నల్ ఇచ్చాడట.. త్వరలోనే వీరిద్దరి సినిమా గురించి అధికారిక ప్రకటన రాబోతున్నట్లుగా సమాచారం. ఈ సినిమాను కూడా పాన్ ఇండియా లెవల్లోనే తెరకెక్కించే చాన్స్ ఉందని.. ఇందులో నటించే హీరోయిన్.. నటీనటులు, సాంకేతిక నిపుణులకు సంబంధించిన వివరాలను త్వరలోనే ప్రకటించనున్నట్లుగా తెలుస్తోంది. ప్రస్తుతం ఇంద్రగంటి మోహన్.. సుధీర్ బాబుతో కలిసి ఆ అమ్మాయి గురించి మీకు చెప్పాలి అనే సినిమా చేస్తున్నాడు. ఇందులో సుధీర్ కు జోడిగా కృతి శెట్టి హీరోయిన్ గా నటిస్తోంది. ఈ సినిమా పూర్తైన తర్వాత విజయ్, ఇంద్రగంటి సినిమా పట్టాలెక్కనున్నట్లు తెలుస్తోంది.