Kanguva : థియేటర్లలో డిజాస్టర్.. కట్ చేస్తే.. ఆస్కార్ బరిలో నిలిచిన సూర్య కంగువా..

కోలీవుడ్ స్టార్ హీరో సూర్య నటించిన సినిమాలకు ప్రత్యేకమైన క్రేజ్ ఉంటుంది. విభిన్నమైన కంటెంట్ చిత్రాలతో ఎప్పటికప్పుడు ప్రేక్షకులను ఆకట్టుకుంటాడు. ఇటీవల సూర్య నటించిన కంగువా చిత్రం మాత్రం అనుకున్నంత స్థాయిలో మెప్పించలేకపోయింది. సిరుత్తై శివ దర్శకత్వం వహించిన ఈ చిత్రాన్ని యువి క్రియేషన్స్, స్టూడియో గ్రీన్ సంయుక్తంగా నిర్మించాయి. ఈ చిత్రం గతేడాది నవంబర్ 14న థియేటర్లలో విడుదలైంది. దాదాపు 2 ఏళ్ల కాలవ్యవధిలో ఎన్నో అడ్డంకులు ఎదుర్కొని ఈ సినిమా షూటింగ్ పూర్తి చేశారు మేకర్స్. కానీ ఇందులో బ్యాక్ గ్రౌండ్ స్కోర్ ఆకట్టుకోకపోవడం.. కథనం కంటిన్యూగా లేకపోవడంతో ఈ సినిమాకు మిక్స్డ్ రివ్యూస్ వచ్చాయి. దీంతో అటు బాక్సాఫీస్ వద్ద కలెక్షన్స్ సైతం తగ్గిపోయాయి.

ఇదెలా ఉంటే.. థియేటర్లలో డిజాస్టర్ అయిన ఈ సినిమా ఇప్పుడు ఆస్కార్ అవార్డులకు నామినేట్ అయ్యింది. ఆస్కార్‌కి ఎంపికైన చిత్రాల షార్ట్‌లిస్ట్‌లో కంగువా సినిమా చేరింది. దీంతో ఇప్పుడు దేశవ్యాప్తంగా ఉన్న అడియన్స్ ఆశ్చర్యపోయారు. ఈ చిత్రాన్ని దాదాపు రూ.400 కోట్లతో నిర్మించగా.. కేవలం రూ.105 కోట్లు మాత్రమే వసూలు చేసింది. ఈ చిత్రానికి దేవి శ్రీ ప్రసాద్ సంగీతం అందించారు. ప్రస్తుతం సూర్య డైరెక్టర్ కార్తీక్ సుబ్బరాజ్ దర్శకత్వంలో ఓ మూవీ చేస్తున్న సంగతి తెలిసిందే. ఈ సినిమా షూటింగ్ కంప్లీట్ అయి ఏప్రిల్‌లో విడుదల కానుందని అంటున్నారు. ఈ చిత్రంలో పూజా హెగ్డే నటిస్తోంది.

ఈ సినిమాతోపాటు సూర్య డైరెక్టర్ ఆర్జే బాలాజీ దర్శకత్వంలో ఓ ప్రాజెక్ట్ చేయనున్నాడు. ఇందులో త్రిష హీరోయిన్ గా నటిస్తుంది. దాదాపు 20 ఏళ్ల తర్వాత సూర్య సరసన నటిస్తోంది త్రిష. దీంతో ఈ మూవీపై మరింత క్యూరియాసిటీ నెలకొంది.

@Suriya Anna ❤️#Kanguva🔥 Is on fire mode to Eligible 323 global films to be nominated for Best Picture at The Oscars across the globe. Huge 🔥 #Kanguva#Suriya #Studiogreen #Oscars2025 #Oscarslist2025 pic.twitter.com/DYckBPmh2e

— Mallesh C (@MalleshC1132797) January 7, 2025

ఇది చదవండి : Tollywood: చేసిన సినిమాలన్ని ప్లాప్.. అయినా తగ్గని క్రేజ్.. గుర్రపు స్వారీ చేస్తోన్న ఈ హీరోయిన్ ఎవరంటే..

Tollywood: రూ.2 కోట్ల యాడ్ రిజెక్ట్ చేసింది.. స్టార్ హీరోల కంటే ఎక్కువ ఫాలోయింగ్.. ఎవరో తెలుసా.. ?

Tollywood: అరె ఏంట్రా ఇది.. ఇప్పుడు గ్లామర్‏తో మెంటలెక్కిస్తోన్న వయ్యారి.. గుర్తుపట్టారా..?

మరిన్ని సినిమా వార్తల కోసం ఇక్కడ క్లిక్ చేయండి.