Prabhas: అగ్ర నిర్మాణ సంస్థతో ప్రభాస్ బిగ్ డీల్.. సంవత్సరానికి ఒక్కో సినిమా..

డైరెక్టర్ రాజమౌళి తెరకెక్కించిన బాహుబలి సినిమాతో ప్రభాస్ క్రేజ్ అమాంతం పెరిగిపోయింది. పాన్ ఇండియా లెవల్లోనే కాకుండా విదేశాల్లోనూ డార్లింగ్ ఫాలోయింగ్ మారిపోయింది. ఓవైపు ఆయనతో సినిమాలు చేసేందుకు దర్శకనిర్మాతలు పోటీపడుతుండగా.. మరోవైపు డార్లింగ్ సినిమాల కోసం ఆత్రుతగా వెయిట్ చేస్తున్నారు మూవీ లవర్స్. ఇటీవలే సలార్, కల్కి చిత్రాలతో భారీ విజయాలను అందుకున్నాడు ప్రభాస్. ఈ రెండు సినిమాలు బాక్సాఫీస్ వద్ద భారీ వసూళ్లు రాబట్టాయి. దీంతో ఇప్పుడు డార్లింగ్ నటించే రాజాసాబ్ మూవీ కోసం వేయి కళ్లతో ఎదురుచూస్తున్నారు ఫ్యాన్స్. మరోవైపు డార్లింగ్ కొత్త చిత్రాలు ఎప్పుడు పట్టాలెక్కుతాయా అని వెయిట్ చేస్తున్నారు. ఈ క్రమంలోనే తాజాగా ప్రభాస్ అభిమానులకు ప్రముఖ నిర్మాణ సంస్థ హోంబలే ఫిల్మ్స్ అదిరిపోయే వార్తను రివీల్ చేసింది.

తమ నిర్మాణ సంస్థలో ప్రభాస్ మూడు సినిమాలు చేయనున్నట్లు అధికారికంగా వెల్లిడించింది. ఇందుకు సంబంధించిన ఒప్పందం సైతం పూర్తైనట్లు తెలిపింది. సలార్ 2 చిత్రంతో ఇది ప్రారంభం కానున్నట్లు వెల్లడించింది. అంతేకాకుండా మరో రెండు పెద్ద సినిమాల్లో ప్రభాస్ నటించనున్నట్లు తెలియజేసింది. ఈ చిత్రాలు 2026, 2027, 2028ల్లో రానున్నట్లు తెలియజేస్తూ ఓ పోస్టర్ షేర్ చేసింది. ఇందుకు సంబంధించిన ట్వీట్ ఇప్పుడు నెట్టింట తెగ వైరలవుతుంది.

డైరెక్టర్ ప్రశాంత్ నీల్ సలార్ చిత్రానికి దర్శకత్వం వహించిన సంగతి తెలిసిందే. ఇక ఈ మూవీ సీక్వెల్ సలార్ 2కు సైతం ఆయనే రూపొందించనున్నారు. మరో రెండు చిత్రాలకు దర్శకులు ఎవరు అనేది తెలియాల్సి ఉంది. కానీ హోంబలే ఫిల్మ్స్ వంటి అగ్ర నిర్మాణ సంస్థ నిర్మాణంలో ప్రభాస్ నుంచి మరో భారీ బడ్జెట్ ప్రాజెక్ట్స్ రానున్నాయని తెలియడంతో ఫ్యాన్స్ సంతోషం వ్యక్తం చేస్తున్నారు.

ప్రభాస్ సినిమా విషయానికి వస్తే.. ప్రస్తుతం డైరెక్టర్ మారుతి దర్శకత్వంలో రాజా సాబ్ చిత్రంలో నటిస్తున్నారు. ఇందులో ముగ్గురు హీరోయిన్స్ నటిస్తుండగా.. హారర్ కామెడీ నేపథ్యంలో ఈ చిత్రాన్ని తీసుకువస్తున్నట్లు తెలుస్తోంది. అలాగే డైరెక్టర్ హను రాఘవపూడి దర్శకత్వంలో ఓ ప్రాజెక్ట్ చేస్తున్నాడు. డిసెంబర్ చివరి వారంలో స్పిరిట్ మూవీ పట్టాలెక్కనున్నట్లు తెలుస్తోంది.

𝐌𝐚𝐝𝐞 𝐢𝐧 𝐈𝐧𝐝𝐢𝐚 𝐚𝐧𝐝 𝐁𝐮𝐢𝐥𝐭 𝐭𝐨 𝐋𝐚𝐬𝐭!#PrabhasXHombal3Films

We are proud to unite with the Rebel Star, #Prabhas, in a groundbreaking three-film partnership that celebrates the essence of Indian cinema and aims to take it to the world. This is a declaration of… pic.twitter.com/E4osJGaMgR

— Hombale Films (@hombalefilms) November 8, 2024

ఇది చదవండి : Arundhati movie: తస్సాదియ్యా.. అసలేం మారలేదు.. అరుంధతి డ్యాన్స్ టీచర్‏ను చూశారా..?

Anshu Ambani: మతిపోగొట్టేస్తోన్న మన్మథుడు హీరోయిన్.. కొత్త ఫోటోలతో మెంటలెక్కిస్తోన్న అన్షు..

Tollywood: నడుమందాలతో తికమక పెట్టేస్తోన్న వయ్యారి.. హిట్టు కొట్టిన క్రేజీ హీరోయిన్..

మరిన్ని సినిమా వార్తల కోసం ఇక్కడ క్లిక్ చేయండి.