Nikhil Siddhartha: తండ్రి కాబోతున్న హీరో నిఖిల్.. ఘనంగా పల్లవి సీమంతం వేడుక.. ఫోటోస్ వైరల్..

టాలీవుడ్ హీరో నిఖిల్ సిద్ధార్థ త్వరలోనే తండ్రి కాబోతున్నాడు. తాజాగా ఆయన భార్య పల్లవికి సీమంతం వేడుకను నిర్వహించారు. ఈ వేడుకలో తన భార్యతో కలిసి దిగిన ఫోటోను ట్విట్టర్ వేదికగా షేర్ చేస్తూ అందరి ఆశీస్సులు కావాలంటూ రాసుకొచ్చారు. “నా భార్యకు భారతీయ సంప్రదాయంలో సీమంతం వేడుక జరిగింది. పల్లవి, నేను త్వరలోనే మా మొదటి బిడ్డకు స్వాగతం పలకబోతున్నాం. ఈ విషయాన్ని ప్రకటించడానికి మేము చాలా సంతోషిస్తున్నాం. దయచేసి మాకు పుట్టబోయే బిడ్డకు మీ అందరి ఆశీస్సులు పంపండి” అంటూ పోస్ట్ చేశారు నిఖిల్. ఇది చూసిన అభిమానులు నిఖిల్, పల్లవికి శుభాకాంక్షలు తెలుపుతున్నారు. ప్రస్తుతం ఈ పోస్ట్ సోషల్ మీడియాలో వైరలవుతుంది. నిఖిల్ 2020లో డాక్టర్ పల్లవి వర్మను ప్రేమించి పెళ్లి చేసుకున్నాడు. లాక్ డౌన్ సమయంలో ఎంతో సింపుల్‏గా వీరి వివాహం జరిగింది.

డైరెక్టర్ శేఖర్ కమ్ముల దర్శకత్వం వహించిన హ్యాపీ డేస్ సినిమాతో హీరోగా ఇండస్ట్రీలోకి అడుగుపెట్టాడు నిఖిల్. ఆ తర్వాత పలు చిత్రాల్లో నటించారు. కార్తికేయ, స్వామిరారా సినిమాలతో సూపర్ హిట్స్ అందుకున్నాడు. ఆ తర్వాత కార్తికేయ 2, 18 పేజీలు సినిమాలతో పాన్ ఇండియా స్థాయిలో గుర్తింపు సంపాదించుకున్నాడు నిఖిల్. ప్రస్తుతం స్వయంభూ సినిమాలో నటిస్తున్నారు. చారిత్రాత్మక నేపథ్యంలో సాగే ఈ మూవీలో నిఖిల్ వారియర్ పాత్రలో కనిపించనున్నారు.

ఈ సినిమా కోసం దాదాపు మూడు నెలలపాటు యుద్ధవిద్యలపైనే నిఖిల్ శిక్షణ తీసుకున్నాడు. అంతేకాకుండా ఈ సినిమా కోసం తన లుక్ పూర్తిగా మార్చేశాడు. ప్రస్తుతం ఈ మూవీ షూటింగ్ జరుపుకుంటుంది. అలాగే మరో సినిమాకు గ్రీన్ సిగ్నల్ ఇచ్చాడు నిఖిల్. ఈ మూవీ వీర సావర్కర్ ఆధారంగా తెరకెక్కించనున్నట్ల ప్రచారం జరిగింది. కానీ ఈ చిత్రం చాలా మంది భారతీయ విప్లవకారులను అన్వేషించనున్నట్లు పేర్కొన్నాడు.

Seemantham .. Traditional Indian form of BabyShower.. Pallavi & Me r happy to announce that Our first baby is expected very soon 👶🏼👼🏽 Please send in your blessings 🙏🏽😇 pic.twitter.com/3Nn4S3wFHv

— Nikhil Siddhartha (@actor_Nikhil) January 31, 2024

View this post on Instagram

A post shared by Nikhil Siddhartha (@actor_nikhil)

మరిన్ని సినిమా వార్తల కోసం ఇక్కడ క్లిక్ చేయండి.