Intinti Gruhalakshmi: రోజురోజుకి ప్రేక్షకుల ఆదరణను కోల్పోతున్న గృహలక్ష్మి .. తులసి కష్టమైనా టీఆర్ఫీ రేటింగ్‌కు బూస్ట్ ఇస్తుందా!..
గత రెండు వారాలుగా ఇంటింటి గృహలక్ష్మి టీఆర్పీ రేటింగ్ తగ్గిపోయింది. తాజాగా విడుదలైన సీరియల్స్ టీఆర్పీ రేటింగ్స్ లో ఇంటింటి గృహలక్ష్మి సీరియల్ కి 10.01 రేటింగ్ దక్కించుకుంది. నాల్గవ స్థానానికి పడిపోయింది.
Intinti Gruhalakshmi: బుల్లి తెరపై తెలుగు సీరియల్స్ లో కార్తీక దీపం టీఆర్ఫీ రేటింగ్ తో ఓ సంచలనం సృష్టించింది. కొన్ని ఏళ్లపాటు… స్టార్ హీరోల షోలకు, సినిమాలకు ధీటుగా నిలిచి ప్రేక్షకుల ఆదరణ సొంతం చేసుకుంది. సెలబ్రెటీల నుంచి సామాన్యుల వరకూ వంటలక్క ఫ్యాన్స్ గా మారిపోయారు. అయితే చూస్తున్నారు.. ఆదరిస్తున్నారు కదా అని కథలేకుండా తిప్పితిప్పి ఒకటే స్టోరీ చెబితే.. ఎంతటి సీరియల్ నైనా పక్కన పెడతారని కార్తీక దీపం కోల్పోయిన ఆదరణ సజీవ సాక్ష్యం.. కార్తీక దీపం ఆదరణ కోల్పోతున్న సమయంలో ఇంటింటి గృహలక్ష్మి, గుప్పెడంత మనసు.. సీరియల్స్ రేసులోకి వచ్చాయి. మంచి కథ, ఆకట్టుకునే కథనంతో ప్రేక్షకుల ఆదరణ సొంతం చేసుకుని.. కార్తీక దీపం ప్లేస్ ను ఆక్రమించాయి. అయితే చూస్తున్నారు కదా అని స్టోరీలేకుండా సీరియల్స్ తీస్తుంటే.. ఎటువంటి సీరియల్ ని అయినా ప్రేక్షకులు పక్కన పెడతారు. ఇప్పుడు ఇంటింటి గృహలక్ష్మి సీరియల్ పని కూడా అదే అయింది.
గత రెండు వారాలుగా ఇంటింటి గృహలక్ష్మి టీఆర్పీ రేటింగ్ తగ్గిపోయింది. తాజాగా విడుదలైన సీరియల్స్ టీఆర్పీ రేటింగ్స్ లో ఇంటింటి గృహలక్ష్మి సీరియల్ కి 10.01 రేటింగ్ దక్కించుకుంది. నాల్గవ స్థానానికి పడిపోయింది.. మొన్నటి వరకు సెకండ్ ప్లేస్ లో ఉన్న ఈ సీరియల్ ఇప్పుడు ఫోర్త్ ప్లేస్ దిగిపోయింది. దీనికి కారణం.. ఈ సీరియల్ మొత్తం తులసి పైనే ఆధారపడి సాగడం.. ఎప్పుడూ.. లాస్య చేతిలో ఆర్ధికంగా మోసపోతూ.. కష్టాల కడలిని ఈదడం రొటీన్ గా అనిపించడమేనని .. సీరియల్ పై ప్రేక్షకులకు ఇంటరెస్ట్ క్రియేట్ చేయడానికి ట్రై చేసినా .. ఆకట్టుకోలేకపోతుందని తెలుస్తోంది.
సీరియల్ లో తులసి పాత్ర తప్ప.. మిగిలిన పాత్రలు, సన్నివేశాలను ప్రేక్షకులు బోర్ గా ఫీల్ అవుతున్నట్లు టాక్ వినిపిస్తోంది. అందుకనే మహిళలు ఆకట్టుకున్న ఈ సీరియల్ మెల్లగా దూరమవుతుంది. తాజాగా తులసి డబ్బులను లాస్య మోసం చేసి తీసుకున్నట్లు చూపించారు. మరి ఇప్పుడు తులసి ఆ డబ్బులను ఎలా తిరిగి పొందుతుంది అనే .. సస్పెన్స్ అయితే క్రియేట్ చేశారు. మరి ఈ ట్విస్ట్ అయినా గృహాలక్ష్మి టీఆర్పీ రేటింగ్ కు బూస్ట్ ఇస్తుందేమో చూడాలి మరి..
