Bigg Boss Maanas: వేడుకగా బిగ్‏బాస్ మానస్ వివాహం.. ఫోటోస్ వైరల్..

బిగ్‏బాస్ ఫేమ్, నటుడు మానస్ వివాహం వేడుకగా జరిగింది. బుధవారం రాత్రి విజయవాడలోని మురళీ రిసార్ట్స్ వేదికగా మానస్, శ్రీజ పెళ్లి వేడుకలు ఘనంగా జరిగాయి. శ్రీజ చెన్నైకు చెందిన అమ్మాయి. ఈ వేడుకలో ఇరు కుటుంబసభ్యులు, సీరియల్ నటీనటులు, ప్రముఖులు పాల్గొని నూతన వధూవరులను ఆశీర్వదించారు. ఇందుకు సంబంధించిన ఫోటోస్ ప్రస్తుతం నెట్టింట వైరలవుతున్నాయి. అటు కొత్త జంటకు నెటిజన్స్ సైతం శుభాకాంక్షలు చెబుతున్నారు. వీరిద్దరికి సెప్టెంబర్ 2న నిశ్చితార్థం జరిగింది. గత మూడు రోజులుగా మానస్ పెళ్లి వేడుకలు, హల్దీ ఫంక్షన్ కు సంబంధించిన ఫోటోస్, వీడియోస్ నెట్టింట వైరలయ్యాయి.

బుల్లితెరపై మానస్‏కు ప్రత్యేకంగా ఫ్యాన్ ఫాలోయింగ్ ఉంది. కొన్ని సినిమాలతో పాటు సీరియల్లలో మెయిన్ లీడ్‏గా నటిస్తున్నాడు మానస్. ప్రస్తుతం బ్రహ్మామూడి సీరియల్లో తన అద్భుతమైన నటనతో ఆకట్టుకుంటున్నాడు. ఇటీవలే బిగ్ బాస్ సీజన్ 7పై తన స్నేహితుడు అమర్ దీప్ కోసం స్టేజ్ మీదకు వచ్చిన సంగతి తెలిసిందే. ఆ సమయంలో తన పెళ్లి నవంబర్ 22 అని చెప్పాడు. అంతకు ముందు స్టార్ మా పరివార్ అవార్డ్స్ వేదికపై తన మొదటి శుభలేఖను యాంకర్ శ్రీముఖికి అందించాడు. మానస్, శ్రీజ వివాహం పెద్దలు కుదిర్చినదే.

View this post on Instagram

A post shared by Meghansai (@meghansai_official)

కోయిలమ్మ సీరియల్ ద్వారా బుల్లితెరపై క్రేజ్ దక్కించుకున్నాడు మానస్. ఆ తర్వాత పలు సీరియల్స్ ద్వారా అలరించాడు. ఆ తర్వాత బిగ్‏బాస్ సీజన్ 5 కంటెస్టెంట్‏గా హౌస్ లోకి ఫైనలిస్ట్ గా నిలిచాడు. తన మెచ్యూర్డ్ గేమ్ తో ఆ సీజన్ లో ఎక్కువ మంది అభిమానులను సొంతం చేసుకున్నారు. బిగ్‏బాస్ తర్వాత పలు ప్రైవేట్ సాంగ్స్ చేసి అదరగొట్టాడు మానస్. ప్రస్తుతం స్టార్ మాలో బ్రహ్మాముడి సీరియల్ లో హీరోగా నటిస్తున్నారు.

View this post on Instagram

A post shared by Amardeep♥️ Tejaswini (@amarteju_girl_fan)

మరిన్ని సినిమా వార్తల కోసం ఇక్కడ క్లిక్ చేయండి.