Bigg Boss: కిచ్చా సుదీప్ బిగ్ బాస్ ను వీడడానికి కారణమదేనా? స్వయంగా క్లారిటీ ఇచ్చిన స్టార్ హీరో
తాను బిగ్ బాస్ హోస్ట్ చేయనని కిచ్చా సుదీప్ కొద్ది రోజుల క్రితం ప్రకటించాడు. సుదీప్ అనూహ్య ప్రకటన అతని అభిమానులను, బిగ్ బాస్ వీక్షకులను, మాజీ బిగ్ బాస్ కంటెస్టెంట్లను షాక్‌కు గురి చేసింది. ఇదే సందర్భంలో కొందరు బిగ్ బాస్ మాజీ కంటెస్టెంట్స్ కూడా దీనిపై లేనిపోని ఆరోపణలు చేశారు. ఇప్పుడు ఇదే విషయంపై సుదీప్ స్వయంగా ఈ క్లారిటీ ఇచ్చాడు.
కన్నడ బిగ్ బాస్ ప్రారంభమై 11 ఏళ్లు పూర్తయ్యాయి. ప్రారంభం నుంచి బిగ్‌బాస్‌కి కిచ్చా సుదీప్ నే హోస్ట్‌గా వ్యవహరిస్తున్నారు. ప్రతి సంవత్సరం కొత్త కంటెస్టెంట్లు వస్తున్నారు.. పోతున్నారు కానీ హోస్ట్ గా సుదీప్ ప్లేస్ మాత్రం మారలేదు. కన్నడలో బిగ్ బాస్ అంటే సుదీప్. సుదీప్ అంటే బిగ్‌బాస్‌ అని అక్కడి ప్రేక్షకులు అభిప్రాయపడుతుంటారు. ఈ నేపథ్యంలో వచ్చే సీజన్ నుంచి బిగ్ బాస్ హోస్ట్ చేయనని సుదీప్ అధికారికంగా ప్రకటించాడు. ఈ సంచలన ప్రకటనకు ఆయన సొంత కారణాలు ఉన్నాయి. అయితే కొందరు సుదీప్ ప్రకటనకు వేరే అర్థం చెప్పే ప్రయత్నం చేస్తున్నారు. అందుకే ఇప్పుడు సుదీప్ మళ్లీ స్వయంగా క్లారిటీ ఇచ్చాడు. కిచ్చా సుదీప్‌ను కలర్స్ ఛానెల్, బిగ్ బాస్ నిర్వాహకులు అవమానించారని అందుకే అతను ఈ నిర్ణయం తీసుకున్నాడని కొందరు సోషల్ మీడియాలో చర్చించుకుంటున్నారు. ఇప్పుడు ఇదే విషయంపై సుదీప్ స్వయంగా క్లారిటీ ఇచ్చాడు. “నా ట్వీట్‌ని చూసి, దానిని గౌరవిస్తూ వచ్చిన ప్రేమ, మద్దతును తెలియజేసిన వారందరికీ ధన్యవాదాలు. ఇది నిజంగా నాకు స్ఫూర్తినిస్తుంది. ఈ ప్రేమను, గౌరవాన్ని నేను ఎప్పటికీ గుర్తుంచుకుంటాను’
‘ అయితే నాకు, కలర్స్ ఛానెల్ కు మధ్ విభేదాలు వచ్చాయని, ఆ ఛానెల్ నన్ను అగౌరవపరిచిందంటూ ప్రచారం చేసే వ్యక్తులకు నేను ఒక్కమాట చెప్పాలనుకుంటున్నాను. కలర్స్ ఛానెల్ తో నాది సుదీర్ఘమైన ప్రయాణం. బిగ్ బాస్ నుంచి ఎందుకు తప్పుకుంటున్నానో నా ట్వీట్ లో స్పష్టంగా, సూటిగా ఉంది. కలర్స్ ఛానెల్‌తో నా సంబంధం చాలా బాగుంది. వారు ఎల్లప్పుడూ నన్ను గౌరవంగా చూస్తారు. అలాగే వారి పట్ల నాకెంతో గౌరవం ఉంది. మా మధ్య విభేదాలున్నాయన్నది వట్టి అపోహ మాత్రమే. ‘నేను పనిచేస్తున్న టీమ్‌పై లేనిపోని ఆరోపణలు ఎదురవుతున్నప్పుడు చూస్తూ ఊరుకుని ఆనందించే వ్యక్తిని మాత్రం కాదు’ అంటూ సుదీప్ చెప్పుకొచ్చాడు.
అలాంటివి ప్రచారం చేయద్దు..
I appreciate all the love and support coming my way regarding my tweet; it truly makes me feel cherished. However, I kindly ask those creating comments and videos to refrain from making assumptions about any conflicts between the channel and myself. We have shared a long and…
— Kichcha Sudeepa (@KicchaSudeep) October 15, 2024
కిచ్చా సుదీప్ ట్వీట్.. ఇదిగో..
Thank you all for the great response shown towards #BBK11. The TVR (number) speaks in volumes about the love you all have shown towards the show and me. It’s been a great 10+1 years of travel together, and it’s time for me to move on with what I need to do. This will be my last… pic.twitter.com/uCV6qch6eS
— Kichcha Sudeepa (@KicchaSudeep) October 13, 2024
మరిన్ని సినిమా వార్తల కోసం ఇక్కడ క్లిక్ చేయండి.
