Bigg Boss Telugu: బిగ్‏బాస్ హోస్టింగ్ పై నాగార్జున షాకింగ్ కామెంట్స్.. ఇక పై ఆ ఛాన్స్..

బుల్లితెరపై బిగ్‏బాస్ రియాల్టీ షోకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. తెలుగు, హిందీ, తమిళ్, కన్నడ ఇలా భాషతో సంబంధం లేకుండా బుల్లితెరపై దూసుకుపోతుంది బిగ్‏బాస్. ఇప్పటివరకు తెలుగులో ఘనంగా 5 సీజన్లను పూర్తిచేసుకుంది. ఇటీవలే సీజన్ 5 ఎంతో ఘనంగా ముగిసిన సంగతి తెలిసిందే. ఐదవ సీజన్ విజేతగా వీజే సన్నీ నిలవగా..షణ్ముఖ్ జస్వంత్ రన్నరప్‏గా నిలిచారు. అయితే సీజన్ 5 గత సీజన్ల కంటే వరస్ట్‏గా సాగింది అనడంలో సందేహం లేదు. ఈసారి షో ప్రేక్షకులకు విసుగు పుట్టింది. కంటెస్టెంట్స్ ఎంపిక, హోస్టింగ్ పై ప్రేక్షకులు అసహనం వ్యక్తం చేశారు. మొదటి నుంచి చప్పగా సాగిన ఈ షో.. చివరి రెండు మూడు వారాల్లో మాత్రం తీవ్ర ఉత్కంఠను కల్గించింది. ఈసారి విన్నర్ ఎవరనే విషయం తీవ్ర సందిగ్ధత నెలకొన్న సంగతి తెలిసిందే.

షణ్ముఖ్, వీజే సన్నీ మధ్య హోరా హోరీ పోటీ సాగింది. చివరకు వీజే సన్నీ బిగ్‏బాస్ టైటిల్ గెలుచుకున్నాడు. ఇక సీజన్ 5 గ్రాండ్ ఫినాలే స్టే్జ్ పై బిగ్‏బాస్ మళ్లీ షూరు కాబోతుందని హోస్ట్ నాగార్జున ప్రకటించిన సంగతి తెలిసిందే. ఫిబ్రవరిలో మళ్లీ బిగ్‏బాస్ రియాల్టీ షో రాబోతుందని.. ఇందుకు సంబంధించిన వివరాలను త్వరలోనే ప్రకటించనున్నట్లు నాగార్జున తెలిపారు. అయితే బిగ్‏బాస్ సీజన్ 5 కు.. కేవలం రెండు నెలల సమయం తేడాతోనే బిగ్‏బాస్ సీజన్ 6 ప్రారంభం కాబోతుందని అంతా అనుకున్నారు. ఇదే సమయంలో బిగ్‏బాస్ సీజన్ 6 కాకుండా.. ఓటీటీలో తెలుగు బిగ్‏బాస్ షో రాబోతుందంటూ సమాచారం. బిగ్‏బాస్ ఓటీటీకి నాగార్జున కాకుండా బాలకృష్ణ హోస్టింగ్ చేయబోతున్నారంటూ సోషల్ మీడియాలో టాక్ వినిపించింది. తాజాగా ఈ వార్తలపై నాగార్జున స్పందించారు.

నాగార్జున మాట్లాడుతూ.. బిగ్‏బాస్ ప్రేమికులకు ధన్యవాదాలు. కరోనా సమయంలో బిగ్‏బాస్ అందరిని ఎంటర్ టైన్ చేసింది. నాకు వ్యక్తిగతంగా మంచి అనుభవాన్ని అందించింది. ఈ షో ఎంతో మంది జీవితాలను మార్చివేసింది. బిగ్‏బాస్ షో దేశంలోనే నెంబర్ వన్ షోగా నిలిచింది. బిగ్‏బాస్ షో 24 గంటల షో కోసం స్టార్ మా ప్రత్యేక ప్లానింగ్ చేసింది. దానికి కూడా నన్నే హోస్ట్ గా ఉండాలని కోరారు. నేను దీన్ని ఛాలెంజింగ్ గా తీసుకుంటున్నాను. త్వరలో బిగ్‏బాస్ 24 గంటల డిజిటల్ షోలో కలుద్ధామన్నారు నాగార్జున.

త్వరలోనే బిగ్‏బాస్ డిజిటల్ సీజన్ ప్రారంభం కానుందని.. 24 గంటలు హౌస్ నుంచి లైవ్ ప్రేక్షకులకు అందుబాటులో ఉంటుందని స్టార్ మా హెడ్ అలోక్ తెలిపారు.

Also Read: Radhe Shyam Trailer: ప్రాణం పోసే ప్రేమ ప్రాణం తీయగలదా.. రాధేశ్యామ్ ట్రైలర్ అదుర్స్..

Thaggedhe Le: ‘తగ్గేదే లే’ డైలాగ్ చెప్పిన క్రికెటర్ జడేజా.. పుష్ప ఫీవర్ మాములుగా లేదుగా..

Pushpa: యూట్యూబ్‌లో సెన్సేషన్‌ క్రియేట్‌ చేసిన శ్రీవల్లి సాంగ్‌.. 100 మిలియన్ల వ్యూస్‌ను దాటేసి..