Ravindar-Mahalakshmi: సీరియల్ నటిని ప్రేమ వివాహం చేసుకున్న ప్రొడ్యూసర్.. భార్యకు ఎంత బంగారం కానుకగా ఇచ్చాడో తెలిస్తే షాకవ్వాల్సిందే..

తమిళ్ సీరియల్స్ నటి మహాలక్ష్మీ.. ప్రొడ్యూసర్ రవిందర్ చంద్రశేఖరన్ (Ravindar Chandrasekaran) ప్రేమ వివాహం చేసుకున్న సంగతి తెలిసిందే. కొద్ది రోజుల క్రితం వీరిద్దరి పెళ్లి ఇండస్ట్రీలో హాట్ టాపిక్‎గా మారింది. అంతేకాకుండా.. వీరి వివాహం పై నెటిజన్స్ దారుణంగా ట్రోల్స్ చేశారు. అందుకు కారణం అందంగా ఉన్న మహాలక్ష్మీ.. భారీకాయుడైన రవీందర్‏ను ఇష్టపడి కుటుంబసభ్యుల సమక్షంలో పెళ్లిచేసుకుంది. అలాగే వీరిద్దరికి ఇది రెండవ పెళ్లి కావడం గమనార్హం. డబ్బు కోసమే రవీందర్‏ను మహాలక్ష్మీ పెళ్లి చేసుకుందని నెటిజన్స్ కామెంట్స్ చేయగా.. మరికొందరు మాత్రం ప్రేమకు రంగు, రూపంతో పనిలేదంటున్నారు. అయితే తమపై వచ్చే నెగిటివిటీని ఏమాత్రం పట్టించుకోమని గతంలోనే క్లారిటీ ఇచ్చేశారు ఈ జంట. తాజాగా మరోసారి వీరి గురించి నెట్టింట ఓ వార్త వైరలవుతుంది.

తన భార్య మహాలక్ష్మీకి రవీందర్ భారీగానే కానుకలు ఇచ్చినట్లుగా సమాచారం. తన సతీమణి కోసం భారీగానే బంగారం గిఫ్ట్ ఇచ్చాడట. సుమారు ఒకటిన్నర కిలోల బంగారు ఆభరణాలను ఆమె కోసం తయారు చేయించినట్లుగా వార్తలు వినిపిస్తున్నాయి. అంతేకాదు.. పెళ్లిలో మహాలక్ష్మీ ధరించిన బంగారు నగలు మొత్తం రవీందర్ చేయించినవే అంటున్నారు. అయితే వీరిపై ట్రోలింగ్ ఎంత జరుగుతున్నా.. అవేం పట్టించుకోకుండా ఎవరి పని వారు చేసుకుపోతున్నారు. వీరిద్దరిది అనోన్యమైన జంట అని అంటున్నారు మరికొందరు. ఇటీవల తన భార్య టిఫిన్ చేయకుండా షూటింగ్‏కు వెళ్లడంతో రవీందర్ స్వయంగా తనకు టిఫిన్ తీసుకెళ్లి ఆమెను సర్ ప్రైజ్ చేశాడని.. వీరిద్దరిది నిజమైన ప్రేమ అంటూ తమిళ్ ఇండస్ట్రీలో టాక్ వినిపిస్తోంది. ప్రస్తుతం మహాలక్ష్మీ రవీందర్ నిర్మిస్తోన్న రెండు చిత్రాల్లోనూ నటిస్తోంది.