Ajith: వలిమై సినిమాలో అజిత్ బైక్ స్టంట్స్‌ చూశారా.. నెట్టింట్లో వైరల్‌గా మారిన వీడియో..
తలా అజిత్ కుమార్ హీరోగా తెరకెక్కుతోన్న యాక్షన్‌ చిత్రం 'వలిమై'. ప్రముఖ నిర్మాత బోనీకపూర్‌ నిర్మిస్తోన్న ఈ సినిమాకు హెచ్‌ వినోద్‌ దర్శకత్వం వహిస్తున్నారు
Updated on: Dec 14, 2021 | 9:22 PM
తలా అజిత్ కుమార్ హీరోగా తెరకెక్కుతోన్న యాక్షన్‌ చిత్రం ‘వలిమై’. ప్రముఖ నిర్మాత బోనీకపూర్‌ నిర్మిస్తోన్న ఈ సినిమాకు హెచ్‌ వినోద్‌ దర్శకత్వం వహిస్తున్నారు. బాలీవుడ్ నటి హ్యుమా ఖురేషి అజిత్‌తో రొమాన్స్‌ చేయనుండగా.. టాలీవుడ్‌ నటుడు కార్తికేయ పాత్రలో తలాతో తలపడనున్నాడు. కాగా ఇప్పటికే ఈ సినిమా నుంచి విడుదలైన పోస్టర్లు, టీజర్లు అభిమానులను ఎంతగానో ఆకట్టుకున్నాయి. వీటిని చూస్తుంటే హాలీవుడ్ స్థాయిలో యాక్షన్‌ సీక్వెన్స్‌ను తెరకెక్కించారని తెలుస్తోంది. ఇక బైక్ రేసర్‌గా అజిత్‌కు ఉన్న పాపులారిటీ గురించి ప్రత్యేకంగా చెప్పక్కర్లేదు. అలాంటి అజిత్‌తో అద్భుతమైన బైక్ విన్యాసాలు చేయించింది చిత్రబృందం.
ఈ సందర్భంగా అజిత్ బైక్ స్టంట్లకు సంబంధించిన మేకింగ్‌ వీడియోను తాజాగా విడుదల చేశారు మూవీ మేకర్స్‌. ప్రస్తుతం ఈ వీడియో నెట్టింట్లో వైరల్‌గా మారింది. ఈ వీడియోలో మొదట అజిత్ బైక్ నడుపుతూ ప్రమాదవశాత్తూ పడిపోవడం మనం చూడవచ్చు. అయితే ‘పడిపోయినా మేం లేస్తూనే ఉంటాం. పరిగెడుతూనే ఉంటాం. అంతేకానీ యుద్ధం నుంచి పక్కకు తప్పుకోం’ అంటూ మళ్లీ బైక్‌పై స్పీడ్‌గా తలా రావడం అభిమానులను ఆకట్టుకుంటోంది. మరి మీరూ ఈ వీడియోపై ఓ లుక్కేయండి. కాగా ఇప్పటికే దాదాపు షూటింగ్‌ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది.Also Read:
Tiger Shroff: ఎముకలు కొరికే చలిలో షర్ట్‌ లేకుండా పరిగెత్తిన యాక్షన్‌ హీరో.. వైరల్‌గా మారిన వీడియో..
Victrina: ముంబయి చేరుకున్న విక్ట్రీనా దంపతులు.. తొలిసారి బయట జంటగా కనిపించి సందడి..
