Shah Rukh Khan : అందమైన ప్రేమకథకు 30 ఏళ్లు.. హ్యారీ పోటర్, బ్యాట్‌మాన్ పక్కన షారుఖ్, కాజోల్ విగ్రహం..

Ddlj

బాలీవుడ్ సినిమా ప్రపంచంలో అత్యధిక హిట్స్ అందుకున్న జంటలలో షారుఖ్, కాజోల్ ఒకటి. వీరిద్దరి కాంబోలో అనేక ప్రేమకథలు ప్రేక్షకులను అలరించాయి. వీరిద్దరు కలిసి నటించిన సినిమాల్లో చారిత్రాత్మక బ్లాక్‌బస్టర్ దిల్‌వాలే దుల్హనియా లే జాయేంగే ఒకటి యష్ రాజ్ ఫిల్మ్స్ నిర్మించిన ఈ మూవీ అప్పట్లో భారీ విజయాన్ని అందుకుంది. ఈ సినిమా విడుదలై 30 సంవత్సరాలు పూర్తైంది. ఈ సందర్భంగా ఈ సినిమాకు అరుదైన గౌరవం లభించింది. ఈ చిత్రంలో హీరోహీరోయిన్లుగా నటించిన షారుఖ్ ఖాన్, కాజోల్ ల కాంస్య విగ్రహాన్ని లండన్ లోని ప్రఖ్యాత లీసెస్టర్ స్క్వేర్లో ఆవిష్కరించారు. ఈ వేడుకకు షారుఖ్, కాజోల్ ముఖ్య అతిథులుగా హాజరై ఈ విగ్రహాన్ని ఆవిష్కరించారు.

లండన్‌లోని లీసెస్టర్ స్క్వేర్‌లో విగ్రహంతో సత్కరించబడిన మొట్టమొదటి భారతీయ చిత్రంగా ఈ కాంస్య విగ్రహం నిలిచింది. హ్యారీ పాటర్, మేరీ పాపిన్స్, పాడింగ్టన్, సింగింగ్ ఇన్ ది రెయిన్ వంటి చారిత్రాత్మక చిత్రాలలోని ఐకానిక్ పాత్రలతో పాటు బ్యాట్‌మ్యాన్, వండర్ ఉమెన్ వంటి పాపులర్ రోల్స్ పక్కన షారుఖ్, కాజోల్ విగ్రహం చేరింది.

ఇవి కూడా చదవండి : Shhyamali De: నిద్రలేని రాత్రులు గడుపుతున్నా.. నా బాధను అర్థం చేసుకోండి.. రాజ్ నిడుమోరు మాజీ భార్య పోస్ట్..

ఈ సందర్భంగా షారుఖ్ ఖాన్ మాట్లాడుతూ.. “DDLJ స్వచ్ఛమైన హృదయంతో తెరకెక్కించారు. ప్రేమ అడ్డంకులను ఎలా దాటుతుంది.. ? ప్రేమ ఉంటే ప్రపంచం ఎలా మెరుగ్గా ఉంటుందో అనే దాని గురించి మేము ఒక కథను చెప్పాలనుకున్నాము. అందుకే DDLJ 30 సంవత్సరాలకు పైగా శాశ్వత ప్రభావాన్ని చూపిందని నేను భావిస్తున్నాను! వ్యక్తిగతంగా, DDLJ నా గుర్తింపులో భాగం కావడం చాలా సంతోషంగా ఉంది. ఈ సినిమా 30 ఏళ్లు పురస్కరించుకుని ఇంతటి గొప్ప అనుభూతిని కలిగించినందుకు యునైటెడ్ కింగ్‌డమ్ ప్రజలకు, హార్ట్ ఆఫ్ లండన్ బిజినెస్ అలయన్స్‌కు నేను కృతజ్ఞతలు తెలుపుతున్నాను. ఐకానిక్ సీన్స్ ఇన్ ది స్క్వేర్ ట్రైల్‌లో గౌరవించబడిన మొదటి భారతీయ చిత్రంగా DDLJ ని చూడటం ఒక భావోద్వేగ క్షణం, ఇది చాలా జ్ఞాపకాలను తిరిగి తెచ్చింది” అని అన్నారు.

ఇవి కూడా చదవండి : Bigg Boss 9 Telugu : అబ్బ సాయిరాం.. ఒక్క మాటతో టాప్ 5కు.. ఓటింగ్‏లో దుమ్ములేపుతున్న డేంజర్ జోన్ కంటెస్టెంట్.. ఎలిమినేట్ అయ్యేది..